كلمات لطمية من يمك الحد محمد باقر الخاقاني مكتوبة كاملة
القَصيدة: مِن يَمّك الحَدّ
أداء:محمدباقر الخاقاني
كلمات:مُرتضى اليَاسري
ـــــــــــــــــــــ
مِن يمّك لحد مَاكو حدّ يمّك
مِن عِندك امشي والتقي بَ إسمك
كَل اتجاهاتي لگيتك
شَما تيّهت يَحضنني بيتك
بيتك مُخيّم والعَطش رَسمك
گلبي نجَاته مِن يحن..والعطش حِزن
والرَزق مُعاناته
رَحمة يشوفك الگلب..يَمشي الك دَرب
كَلهن اتجاهاته
گلبي بِلا حِزن ابد ما يَهتدي!
يَ الحِزنك وطن يقرّر مَولدي
مِن يَبدي النعي انا ويّاها ابَتدي
بَ لِقاءك قَرّر المِيعاد
دَمع عِيني يَابو السَجّاد
ـــــــــــــــــــــــ
جَلّت قُدرتك يَذهل إحسانك
يَ الغيّرتني دَمعة احزانك
سَاكن حَجر والرُوح هِيمة
راويتني مَولاي خِيمة
وتحرّكتلك جَايك إنسانك
يَا صَاحِب المِنّة ال عَليَّ ..يَ الترست اديَّ
ودگ حَنينه وجداني
چَان الگلب ذَابل زَرع..بي غُصن طِلع
مِن مَدامِع احزاني
بَ دمعة الخِيام شَفت دلّالي حَيّ
مُو شي يَنذُكر صَرت هَسه اني شي
عَرفت ابچي الك وعُرفت الطم اديّ
الك شُكري اعَله هَ الإيجاد
دَمع عِيني يَابو السَجّاد
ـــــــــــــــــــــــــ
يَموت الحَياء ويشتم أخَبارك
انتَ الكرامة تلوگ بَ اكتارك
كَل الصِفات الحَسنة مِنّك
تتفايض اعَله الشَال حِزنك
تَاج الزَمان تَراب زوّارك!
كَلشي ارتبط بيك بَ اسم..مُقدّس ومُهم
وانحفظله تَقديره
مِن ضيّ خَلودك انخلق.. عَالم الألق
و خِدمتك تِعابيره
شَگد خِدّام الك مِن تضَوي نَجم
بَ خَلودك سَيّدي بَقه الهُم إسم
لأن عَن خِدمتك ما زلّوا جِدم
"، وَأَنْ يُثَبِّتَ لِي عِنْدَكُمْ قَدَمَ صِدْقٍ في الدُّنْيا وَالآخِرَةِ"
وانا بَ الخِدمة ردت مَراد
دَمع عِيني يَابو السَجّاد
ـــــــــــــــــــــــ
نُورَك عَجيبه ويخترق نُورَك
كَل ظلمة بيّه تخضّر زهورك!
كَلما بَچيتك يابو الأكبر
بَ طيب النَفُوس وكَلشي يَخضر!
يَعني رَحمتي مَصاب عَاشورك
عَاشورك وذَاكَ اللهب..صَار الي سَبب
دَمعة يغفر ذَنوبي
شَ ابَچيك؟يا دَمعْة تصَب..يَا حِزن گلب
يَوالمَك يَ محبُوبي؟
يَا دَمعْة التهلّ عَلى گد الألم
يَ العِندك جَرح واجه فُوگاه سَهم
وشَما تلتفت ولا رَف العَلم!
عَلى الرَاح وبَعد مَا عَاد
دَمع عِيني يَابو السَجّاد