كلمات لطمية حسينا الرادود خضر عباس

 كلمات قصيدة المأتم ثقافتنا باسم الكربلائي مكتوبة كاملة

قصيدة :المأتم ثقافتنا

الشاعر:ميرزا عادل الأشكناني 

إصدار 1444

***

المأتم ثقافتنه العريقه 

او عين الدّمع عين الحقيقه

كل واحد ابدربه او طريقه

او طريقي حسيني

▪️▪️▪️▪️▪️

نشوف

إبن آدم بفْكاره تاه

ايدوّر عن درب الإلـٰه

كل يوم او عنده اتجّاه  !

بعيد ..

او انشوف

واحد يندلْ ألله ويْن

او لخّص رايه ابچلمتين

باب الله باب الحُسين  !

أكيد ..

من أصِل عقائدنه المُهمّه

الرايد الله يبدي امْن الأيمّه

حُسين حُسين ..

او كلهم السُفُن لله الأمينه

لاچن أسرع او أوسع سفينه

حُسين حُسين ..

عشنه ابزمن شفنه العجايب

و الوادم أديان او مذاهب

او ديني المجالس و المواكب 

وجودي حسيني 

▪️▪️▪️▪️▪️

عجيب

الوادم تفعَل ما تشاءْ

او كلمن حُرْ بالإنتماءْ

محَّد يبدي الإستياءْ

حرام ..

او عجيب

بس آنه الوادم تريد

اسكِت حتّه ارْضِي البِعيد

الرَّدْ عالجاهِل ما يفِيد

سَلامْ ..

گالوا اِلجزَع ماهُو حضاري

و الدِّمع شعاري و إفتخاري

حسين حسين

اليرضه و اللّي ما يرضه اشعلينه ؟

ابهالبچي ابرسول الله اقتدينه

حسين حسين

عالمدمع اليجري اعْله خدّي

ابگد الرّمُل أدلَّه عِندي

آدم إلى الحُجَّة المهدي 

حزنهم حسيني 

▪️▪️▪️▪️▪️

تراث

صار ابهالعالَم يسُود

ماله أصْل ابهالوجُود

إلنه جابوه اليهود

دَخِيل ..

او تراث

جِبْنا من آل الرَّسول

يقنَع أصحاب العُقول

مبني حُكمه اعْله الأصولْ

أصِيل ..

غيري دينه متروس ابوَساوِس

او ديني حفْظته هاي المَجالِس

حسين حسين

كلمن ابشِكل رادْ إنحرافي

و آنه بس لبو اليمَّه طَوافي

حسين حسين

اشما دارت اعليّه الدَّوائِر

محفوظ أنا ابحِفْظ الشعائِر

هالخدمه من تقوى الضمائر

ضميري حسيني..

▪️▪️▪️▪️▪️

عُيون

تضحك بالدنيا او تنامْ

او لاچن تبچي بالخِتامْ

ما وفَّت ويَّه الإمام

عُهُود ..

او عيُون

كحَّلها اِرْماد الخيام

تبچي او ما هَمها المَلامْ

موعدها بدار السَّلام

خُلودْ ..

چم نبي اللي تهْموه ابجنونه

من إجه ابفعِل ما يفْهُمونه

حسين حسين

او حاشه عنَّه يعگوب التخلُّفْ

من بِده اِعْله يوسف التأسُّفْ

حسين حسين

بعض البشَر باقي ابعناده

اليشرب جهَل يعطش زياده

ما يدري هالدمعه عِباده 

ثوابي حسيني

▪️▪️▪️▪️▪️

غرام

أكثر هالوادم سَراب

اتراب او عاشگله تُراب

الحُب الما بي بس عذاب

ضَلالْ ..

او غرام

فهّمني معنى الحياةْ

لا مو حبِّ الغانِياتْ

حُب الميِّت عالفراتْ

كَمالْ ..

كل عشگ إله نقطة نِهايه

او عشگي الِف سنه او بس بالبدايه

حسين حسين

هالعشگ أبًا عن جد إجاني

ميِّت او محرَّمَك حياني

حسين حسين

لو أفتَرِ ابكلِّ العَوَالِم

أجمل حياة ابهالمآتِم

ماكو مثِل لذّة الخادِم

شعوري حُسيني

تعديل المقال