في هذا البوست نقدم لكم لطميات نسائية مكتوبة , كلمات قصائد نسائيه مكتوبه وفزاعيات نسائية حسينية
*********
نعي للامام العسكري ع
نيران الحزن روحي وياها
اصيح دخيل ابوالمهدي وياها
عيون البجت ارد ابجي وياها
وواسيه عله ابوه بهل المسيه
نعي
اوداع الابو للحيل هده
ابنه بجه ودمعه عالخده
اكباله النعش شال وتعده
..........
نعش الابو هاليوم شالوه
مات بحزن والجبد سموه
المهدي يهل العين خلوه
...........
من ودعاه شكال كلبه
ليالي الفراك شكثر صعبه
انكسر خاطره ودمعه يصبه
...........
صب الدمع من شال عوده
تحسر ودمعه عله خدوده
بعد الوكت بيك شيعوده
...........
اليلة اريد اصرخ يمهدي
جم جرح بدلال يدي
ينادي يبويه انمرد جبدي
...........
يهلي يصيح وهلت العين
يجروح كلبي ما تطيبين
ياجرح البكه من غير تجفين
✍ام زينب كربلاء
ــــــــــــــــــــــ أنـتـهـت ــــــــــــــــــــــ
يا حسين:
هوسات حول استشهاد الحسن العسكري
مفكود ابو صالح عوده منه
وتكدر والكلب ونه عله ونه
ظل يجري الدمع من راح عنه
ناصب فاتحه وهلت عيونه
وشايل هيبته وبيه يعازونه
عله افراك الابو منخطف لونه
*(اليله اتكدر//من شال الهيبه)*
جرح فكد الابو شنهي اليجبره
والله يعين كلبه الفكد عمره
صدك خيمه تره ولو راح ظلمه
ظلمه اتصير حيل الدنيه من بعده
ومثل في الابو لو راح شيرده
يا شدت غيابه عله الولد شده
*(المهدي اليله//يون عله اغيابه)*
لخادمة الزهراء العلويه ام جعفر
اضغط هنا لمتابعتنا على التلكرام
ــــــــــــــــــــــ أنـتـهـت ــــــــــــــــــــــ
يا حسين:
فزاعيه او مربوعه حول الحسن العسكري
*يون ونات ابو صالح بهل ليله*
*ولفراك الابو مهدود كل حيله*
متكدر عليه وتجري دمعاته
شال اليله ابوه وجذب حسراته
شد احزام نوحه وشال راياته
*ولفراكه يون ونوب يبجيله*
*يون بيها //الونه العوده)*
غالي اشكد ابوه ودر عيونه
الف يا حيف بل سم منخطف لونه
ناصب فاتحه اوليده ويعازونه
*وغيابه ثجيل وصعب شيشيله)*
يعازونه//اليله المهدي)*
مهظوم ودمعته بعينه يجريهه
والونه ثجيله من يون بيهه
سامره احزنت شايل يراعيهه
*وابو صالح المدمع دم اله يسيله*
*شيعوده//الراح وغرب)*
شيعوده وبعد مايرد لدياره
وسامره عله فكده اليوم محتاره
رحل ودموع عينه المهدي تجاره
*ومحزون عله عوده ويصعب رحيله*
*وناته//اشلون اتبطل)*
بس يهون فكده الفكد ابو سكينه
مو مثله ابذبح من غمضت عينه
وظل عله التراب وما مشيعينه
*وراحت لسبي اخته ومداليله)*
معلكينه//وراسه الكوم
*لخادمة الزهراء العلويه ام جعفر*
ــــــــــــــــــــــ أنـتـهـت ــــــــــــــــــــــ
لطميات نسائية مكتوبة فزاعيه,قصائد مكتوبه,لطميات مكتوبه,لطميات نسائيه مكتوبه,لطميات مكتوبه نسائيه,لطميه مكتوبه,قصائد نسائيه مكتوبه,لطميات ملاية مكتوبة,لطميات مكتوبة,لطميات,قصائد مكتوبه مع اللحن,كتابه لطميات نسائيه,قصيده مكتوبه,لطميات مكتوبه للملايه,لطميات ملاية فزاعيه مكتوبه,لطميات كتابه,لطميات مكتوبه للسيده زينب,قصائد مكتوبه نسائيه,قصيده نسائيه مكتوبه,قصائد نسائيه مكتوبه فزاعيه,قصائد حسينيه نسائيه مكتوبه,قصائد فزاعيه نسائيه مكتوبه
نخوه شور للأمام الهادي عليه السلام
================
كلبي ينادي . ياعلي الهادي
يمولاي ~~~~
جيت سامره . روحي منكسره
يمولاي ~~~~
================
جيتك من ابعيد وكليبي جريج
مثل ريشه سيدي وبمهب ريح
من الهظم مولانه اكوم واطيح
من دخلت لحضرتك ضليت اصيح
احضر دخيلج . دوم اناديلك
يمولاي ~~~~
حاجتي اكضيها . ونته واليها
يمولاي ~
🕸🕸🕸🕸🕸
على الهادي دوم تجري دمعتي
بكلبي علمسموم ضلت حسرتي
ما ابطل من حنيني وعبرتي
على ايمامي ماتهود ونتي
دوم اون بيها . دمعتي اجريها
يمولاي ~~~~
عبرتي بكلبي . تيهت دربي
يمولاي ~~~~
🕸🕸🕸🕸🕸
حزنو ياشيعت علي الليله الوفاة
نبقه نصرخ سيدي لحد الممات
نقسم عليكم بزينب والبنات
وبلذبيح المات ماضاك الفرات
رحمو وناتي . كضيلي حاجاتي
يمولاي ~
دهري اذاني . بظيم خلاني
يمولاي ~
🕸🕸🕸🕸🕸🕸
ليش مولانه علي يسمونه
شنهو ذنبه ليش شيطلبونه
وجده هوه المصطفى يدرونه
رادو لدين النبي يمحونه
دينكم عالي . بلسما ايلالي
يمولاي ~~~~
ما يكدرونه . قوي يدرونه
يمولاي ~~~~
🕸🕸🕸🕸🕸
سيدي نضره نريد وللخدم
بجاه عباسك شيال العلم
من القهر مولاي ماواحد سلم
العيشه مره سيدي وحالي عدم
كلها مجبوره . تعيش مقهوره
يمولاي ~~~
الدنيه اذتنه . بذله خلتنه
يمولاي ~~~~
================
خادمة ال البيت الحجيه ام علي بصره نسألكم الدعاء
ــــــــــــــــــــــ أنـتـهـت ــــــــــــــــــــــ
نعي فائزي مع نعي مجرد للأمام الهادي عليه السلام
.........................
فائزي
........
نواسي علي المرتضى نواسي الزجيه
بموتت علي الهادي وهاي اعظم رزيه
مسموم ابن سيد الورى ابسم المنيه
والسم سرى بكلب الولي والكلب ممرود
.........................
سمو امام الرافضه اليوم المصيبه
وكلب الزجيه بحسره مابطل نحيبه
علشيعه والعالم صفت ليله رهيبه
زهرت شبابه بلسجن والباب مسدود
........................
والشيعه باتت بلحزن مظلم الديوان
ارض وسماها مغيمه والكون حزنان
ياوسفه سموه بغدر
مشيد الاركان
راح الذي بيه الرجا وللدين عامود
........................
مجرد
.......................
مسموم يامعظم مصابه
الليله بحزن كلهم احبابه
بنص الكلب صاير اصوابه
.........................
بسمومهم كلبه تثلم
وحده يلوج وينزف الدم
من الكتل ماواحد سلم
.........................
بسمومهم ممرود جبدك
من غمضك من شال نعشك
وبكبرك بهيده ينزلك
.........................
شباب ماكملت سنينه
وبسجن ظلمه ساجنينه
الزهره على مصابك حزينه
.........................
لسامره نمشي نعتنيله
ومن دم دمع عيني اسيله
ونواسي المهدي الليله
.........................
الهادي وسف ياشيعه مسموم
وعليه تجري دموعنه ادموم
حيف وندم يابحر العلوم
.........................
من علي الهادي انكطعت امال
وسفه ولينه حمل وشال
دمعي على الزينين همال
.........................
دار الكرم هليوم مسدود
وكلبي على السادات ممرود
بحر العلوم اليوم مفكود
.......................
اولاد الزجيه كتلوهم
سم وذبح كلهم كضوهم
بغض بعلي حيدر ابوهم
===========
خادمة ال البيت الحجيه ام علي البصره نسألكم الدعاء
ــــــــــــــــــــــ أنـتـهـت ــــــــــــــــــــــ
فزاعيه للإمام الهادي عليه السلام
===========
للمسموم . يحله لطم المتون
اريد ابجي عليهم وعمي لعيون
===========
يحله اللطم وسعوله الميادين
دكن على السادات الميامين
وسفه المكبره تظم السلاطين
نروح انعازيها . تون سامره
♻️🔘♻️🔘♻️
اريد اللطم وسوي اللطم يازات
على اهل المرجله واهل الكرامات
ذوله اهل الهدايه والعطيات
وينطونه .. والكاصد ليهم
♻️🔘♻️🔘♻️
ياوسفه مشو سكنو بلتراب
نامو بلكبور المالهن باب
يكلف يانشامه هاذا المصاب
ومهظومه . والشيعه تنوح
♻️🔘♻️🔘♻️
اهل البيت ذوله اللطم يسوونه
اريد اللطم عليهم وانه ممنونه
وبو صالح على جده تعازونه
يعازونه . والميت جده
♻️🔘♻️🔘♻️
للمسموم لطمي حدر الظلوع
بنيته محزنه وعلوالد اتلوع
داره خاليه مطفيه لشموع
وحزنانه . والدار تون
♻️🔘♻️🔘♻️
جبدك ياولينه شلون اضمده
والسم مر على الجبد وتعده
شفت المحن وحده فوك وحده
وخوانه ... الدنيه وياكم
♻️🔘♻️🔘♻️
يحله اللطم للميت بلسموم
هاذا ابن الرساله المات مسموم
والدمعه عليهم تجري ادموم
بيش يطلبونه . الميت بلسم
===========
خادمة ال اابيت الحجيه ام علي البصره
ــــــــــــــــــــــ أنـتـهـت ــــــــــــــــــــــ
قصيده للإمام الهادي عليه السلام
تقرأ بطور الفزاعيه و مربعه و شده
===========
صايم والفطور . ابلبن مسموم
علهادي اون والحيل مهدوم
===========
صايم جان من اسكوه بلسم
من الحر والعطش حيله تهدم
طاح من الوجع ظل ايتألم
اويلي على الإمام المات محروم
🧪🧪🧪🧪🧪
سموه بلبن والوالي صايم
بيد الناصبه وسفه وهظايم
علنو بلعزه نصبو المأتم
مثل جده الحسين المات مظلوم
🧪🧪🧪🧪🧪
نصبوها المأتم رفعو الاعلام
مصيبه وحلت اليوم على الاسلام
على الهادي يشيعه لطمو الهام
ابن المصطفى يابحر العلوم
🧪🧪🧪🧪🧪
مثل جده الحسين المات ضامي
الف ياحيف ميت يا امامي
سوده بفكد مولانه ايامي
كلبي للامام اليله ملجوم
🧪🧪🧪🧪🧪
الف ياحيف مولانه يهادي
بصوت الحزن كل شيعي ينادي
انته ياعلي حصني وسنادي
ركن الدين اصبح ركنه مهدوم
===========
خادمة ال البيت الحجيه ام علي البصره
ــــــــــــــــــــــ أنـتـهـت ــــــــــــــــــــــ
لطميات مكتوبه,لطميات مكتوبه للملايه,لطميات نسائيه مكتوبه,لطميات ملاية مكتوبة,قصائد مكتوبه ملايه,لطميات ملاية فزاعيه مكتوبه,قصائد مكتوبه,قصائد مكتوبه مع اللحن,لطميات مكتوبة,لطميات ملايه كتابه,لطميات مكتوبه نسائيه,لطميه مكتوبه,لطميات مكتوبه كتابه,لطميات نسائية مكتوبة فزاعيه,قصائد ملايه مكتوبه,قصيده مكتوبه ملايه,لطميات مكتوبه للسيده زينب,قصيدة ملاية مكتوبة,قصائد حسينيه مكتوبه,لطميات كتابه,قصيده مكتوبه مع اللحن,قصيده مكتوبه,قصائد نسائيه مكتوبه
قصيده حول وفاة الرسول
*تاخذني اريدن وياك مابيه احمل فركاك*
*يل دللتني يل دللتني*
لا ترحل وعيني تظل يابويه تدري اعميهه
يل علمتني من الزغر چلمة محنه احجيهه
چا هسه كلي بيا عذر روحي الحزن يگضيهه
ماريد اظلن لو رحت دنيه وهوه مابيهه
*ظليت اريدن ملگاك مابيه احمل فرگاك*
تدري البعد بويه شكثر ما ينحمل يوميه
انطر تجيني وبالكلب احسب الك وعديه
بلكت ترد وتعود الي واحجي الهموم البيه
بعدك فلا عدهم رحم متحملين عليه
*كل ليله يابويه انخاك مابيه احمل فركاك*
يل دللتني يل دللتني
يا خيمتي وكلشي الي شلي بحياتي ودنياي
بعدك ولا اريد العمر ويا بويه اريدك وياي
ظلمه عليه ومن رحت زادت عليه بلواي
عكبك تظل روحي بحزن والدمعه تجري بعيناي
*صدك ابد ما انساك مابيه احمل فركاك*
انه الزجيه وفركتك ما تنحمل تاذينه
يالغالي ماظته ترد وترجع يبويه علينه
وافرح واكولن يا هلا بالغايب ومر بينه
ينشد عليه من يجي وفدوه اروح العينه
*يا وسفه يل ضيعناك مابيه احمل فركاك*
يل دللتني يل دللتني
ضيعتك وكلشي رحل وبعيني صارت ظلمه
راح الكبل اشكي الحزن وارتاح واكعد يمه
يا وسفه شو راح بعجل وبكلبي خلف هظمه
ما ينحمل يومه وصعب وأثر ابروحي همه
*هليله من ودعناك مابيه احمل فركاك*
يل دللتني يل دللتني
*لخادمة الزهراء العلويه ام جعفر*
ــــــــــــــــــــــ أنـتـهـت ــــــــــــــــــــــ
قصيده للرسول الكريم صل الله عليه واله وسلم
الشوط الكربلائي
========
يبو الزهره صعب لوداع
لاتمشي وتخلينه
نعشك من مشه لبعيد
يبويه يصعب اعلينه
اضغط هنا لمتابعتنا على التلكرام
========
افراگك مااحملنه
يبو ابراهيم تدريني
من يوم الرحت لليوم
مابطل دمع عيني
لاتبطي علي يابوي
وبحزني تخليني
حزني ما افلنه
موتي وياك اريدنه
نوحي عليك اجيمنه
يعذبني البعد يابوي
مانحمل وتدرينه
🎙🎙🎙
نعشك من مشه لبعيد
تمنيت امشي بويه وياك
عليك معلمه روحي
وما اگدر تره بلياك
اگطع ضنتي منك
لو ابقى يبويه اتناك
مانامن عليك اليل
لفراگك اصيح الويل
نحل مني يبويه الحيل
بغيابك شبعنه هموم
من الحزن ملينه
🎙🎙🎙
ابو الزهره كلف يومه
حياتي بدونه ماتسوه
وبنار الهجر يابوي
كل ليله تره اتچوه
من غيرك يوالينه
شوف الظالم شسوه
دارك شببوها بنار
حرمه ومارعوها الدار
تعال وشوف بينه شصار
جمعولي الحطب بلباب
وحرگو دار والينه
🎙🎙🎙
حرگو دارك العدوان
وخلو بلگلب جمره
وتعدو علي يابوي
وبخدي اثر سطره
وعيني تشهد عليه
لحد اليوم اهي حمره
بينه الظالم شسوه
علي اخذوه بلگوه
الولد سگطوه لي عنوه
اگعد شوف بينه شصار
يبويه ونشد علينه
========
خادمة ال البيت وخادمتكم الحجيه ام علي البصره
الحجيه ام علي البصره بخدمة خدام الحسين عليه السلام
ــــــــــــــــــــــ أنـتـهـت ــــــــــــــــــــــ
فلما كشف الثوب عن وجه رسول الله صلى الله عليه وآله نظر إلى جبرئيل فقال له عند الشدائد لا تخذلني فقال : يا محمد إنك ميت وإنهم ميتون كل نفس ذائقة الموت وروي أن رسول اللّه صلى الله عليه وآله قال لملك الموت: امض لما أمرت له فقال جبرائيل: يا محمد هذا آخر نزولي إلى الدنيا إنما كنت أنت حاجتي منها فقال له: يا حبيبي جبرائيل ادن مني فدنا منه فكان جبرائيل عن يمينه وميكائيل عن شماله وملك الموت قابض لروحه المقدسة
قربت وفاته يا علي شيل الوسادة
اوغمض عيونه وجبّله واقرى الشهادة
غمض عيونه اومدد اشماله ويمينه
ارسوم المنية بينت عاين جبينه
يرشح عرق منه واظنه حان حينه
اوذني علايم موت للمؤمن اوعادة
بو حسين يا حلو الجهامة
قلي شسوي بهالعمامة
بوي المظلل بالغمامة
بنصير من بعده يتامى
بنودعه ونلثم أقدامه
هاليوم ذي تالي أيامه
فقضى رسول اللّه صلى الله عليه وآله ويد أمير المؤمنين اليمنى تحت حنكه ففاضت نفسه فيها فرفعها إلى وجهه فمسحه بها ثم وجَّهه وغمضه وانسل من تحت الثوب وقال أعظم الله أجوركم في نبيكم فقد قبضه الله إليه فارتفعت الأصوات بالضجة والبكاء وجعلوا يحثون التراب على رؤوسهم من هول المصيبة وهم ينادون وا نبياه ومد عليه إزاره واشتغل بالنظر في أمره.فارتفعت الأصوات من كل مكان فلم ترى في ذلك اليوم إلا باكٍ وباكية ونادبٍ ونادبة
وقد اشتغل أمير المؤمنين بغسله وتجهيزه والصلاة عليه
وبعد أن فرغ المسلمون من الصلاة على الجثمان المعظم و ودّعوه الوداع الأخير قام الإمام علي عليه السلام فوارى الجثمان المقدّس في مثواه الأخير و وقف على حافة القبر و هو يروي ترابه بدموع عينيه و قال بصوت خافت حزين إنَّ الصبر لَجَميل إلا عنك ، و إنَّ الجزع لَقَبيح إلا عليك ، و إنَّ المُصابَ بك لَجَليل ، و إِنَّه قَبلَكَ وبَعدَكَ لَجَلَل
والزهراء عليها السلام تقول كيف طاوعتكم أنفسكم أن تهيلوا التراب على وجه رسول الله صلى الله عليه وآله
يويلي من من حنى الكرار ضلعه
على بن عمه وحنى فوقه يودعه
صاح اوداعة الله ويصب دمعه
اورد تجري على خده دمعة العين
حنت فاطمة وجذبت الونة
ألف وسفة يطه بعدت عنه
يبو ابراهيم يا راعي المحنة
تفارقنا دهر لا يوم واثنين
تهل ابدم دمعها الفقد ابوها
اوبيها اتشمّت اخلافه عدوها
تشوف اجنازته الوادم خذوها
صاحت وين بالمختار ناوين
ذابت روحها اوطاحت الزهرة
اوشاله المرتضى او وسده بقبره
رد ليها علي وقعدت ابعبرة
تنادي وين عز الهاشميين
ــــــــــــــــــــــ أنـتـهـت ــــــــــــــــــــــ
محمل افراك شلون بيه
ومن عكب عينك عالو عليه
*(المحاضره بعنوان معاجز الرسول ص* )
*(معجزة الغمامه)*
نعم ياموالين ان الله اختص اهل البيت عليهم السلام بخصويات لم بختض احد من البشر. مثلها وفضلهم علئ العالمين
لهم كرا مات وخصوصيات ومعاجز فريده لم يختص بها غيرهم
كما ذكرت الاحاديث *الذين اخترتهم لنفسك وصطفيتهم علئ عبادك ورتضيتهم لدينك وخصصتهم بمعرفتك وجللتهم بكرامتك وغشيتهم برحمتك وربيتهم بنعمتك وغذيتهم بحكمتك وألبستهم نورك ورفعتهم في ملكوتك وحففتهم بملائكتك وشرفتهم بنبيك صواتك عليه وآل وسلم*
ومن معجزات الرسول (ص)
يروئ
انه كان كثير السفر الئ،الشام لغرض التجاره بأموال خديجه وكانت المسافه من مكه الئ،الشام مسيرة شهر
فكان يتأذئ من الحر وتراب وذرات الرمال
لذلك الله بعث له غمامه تضلل لرسوله اينما يميل تميل معه
اذا ذهب الئ،اليمين ذهبت معه واذا ذهب الئ اليسار ذهبت معه
فكانت تكف عنه حر الشمس من فوقه
وتحميه من التراب الذاري
حتئ،اذادنت منه الريح تكون بارده لينه
*(صلوات)*
وكان اهل القافله يلوذون برسول الله (ص) فيقربون اليه فتحميهم الغمامه
برغم من انها مقصوره عليه
حتئ،قال اهل قريش *جوارمحمد ص افضل من خيمه*
*(صلوات)*
وذا اختلط بلقافله غرباء تبتعد عنهم الغمامه
فيقولو الغرباء الئ من تقربت هذه الغمامه له *فقد ناله الشرف ولكرم*
فيجاوبهم اهل القافله
*أنضروالئ الغمامه تجدون مكتوب عليها اسم صاحبها واسم صاحبه وصفيه وشقيقه فينضرون فيجدون مكتوب عليها (لا إله إلا الله محمدصلئ الله عليه وآله وسلم إيدته بعلي سيد الوصيين وشرفته بآله)*
*(صلوات)*
*(المجلس)*
نعم يارسول انت رحمة للعالمين
*(واما ارسلناك الا رحمة للعالمين)*
كل نبي. يقول نفسي الا نبينا محمد (ص) يقول امتي امتي
حتئ،في حاله الاحتضار لم ينسئ امته
، لما اتاه. ملك الموت اراد ان ينتزع روحه الشريفه تألم بأبي وامي يارسول الله
وسأل ملك الموت وقال: *أهكذا تقبض اروح امتي?*
*قال:نعم وأشد من ذلك*
*فقال الرسول(ص)ياملك الموت اشدد عليه وخفف عن أمتي*
*يعني حتئ ساعة وفاته رحمه للعالمين فقد تحمل ألم طلعت الروح لكي لاتتأذئ امته عند الموت*
نعم ياموالين آجركم الله ضعف حاله وهو في حجر مولانا امير المؤمنين
ولحسننان بجانبه (ساعد الله قلب مولاتنا الزهراء)
وفاضت روحه الطاهره
رحم الله من وامحمداه واه رسول الله
وضيعتاه
وكاني بلسان حال مولاتي الزهراء
تكله بووويه
شو بطل ونينك
وصدلي يبعد كلبي بعينك
حال الموت بيني لبينك
تبعت الضعن بهمه وراهم
وجلبت بذيال الخداهم
تعذرونه مدري شجاهم
احان الكلب ضيعيناهم
احنان ويعجب حجيهم
يتلكونه من نجبل عليهم
ممرود.ياكلبي عليهم
*(نعي جنوبي)*
يابووووي يامن دللتني
كومك اخلافك مارعتني
خلف الباب يابوي اعصرتني
*(عكراوي)*
مالي حيل اصد للنزل خالي
ياهيبتي وعزي ودلالي
عكبك نفس بلبيت مالي
ابجي علئ عزي ودلالي
*تخميس*
قل للمغيب. تحت اطباق الثرئ
يالله
*اعداد وقلم خطيبة المنير المله ام عمار الحسناويه*
ــــــــــــــــــــــ أنـتـهـت ــــــــــــــــــــــ
قصيده لسيد الانبياء والمرسلين محمد صل الله عليه واله وسلم
=================
الكون أظلم ... على الساده الميامين
شايل يامحمد عروه الدين
=================
شايل للكبر سيد الكونين
محزونه المنابر والدواوين
طلاب العلم كلهم محزنين
( ايريدونه . طلابه الليله )
🌀🌀🌀🌀🌀🌀🌀
مغبر كونها دنيانه هليوم
ميت ابو الزهره سيد الكوم
كل مسلم عليه اليوم مالوم
( محزونه . دنيانه عليهم )
🌀🌀🌀🌀🌀🌀🌀
شايل للمكابر عروة الدين
ويبجون الاولاد الحسن وحسين
كلب ام الحسن مفطور نصين
( فت روحي . يابويه غيابك )
🌀🌀🌀🌀🌀🌀🌀
بيده غسله حيدر الكرار
ودموعه تصب والكلب محتار
علبيبان وكفت كل الانصار
( ايريدونه . احبابه اليوم )
🌀🌀🌀🌀🌀🌀🌀
ابو الحسنين يصفك راح بلراح
ابو ذر بلحزن متوشح وشاح
بلال ينوح كلبه نترس بجراح
( شيعوده . هلال الغرب )
=================
الى مقام النبي واله الطاهرين عليهم الصلاة والسلام . خادمة ال البيت وخادمتكم الحجيه ام علي
ــــــــــــــــــــــ أنـتـهـت ــــــــــــــــــــــ
لطميات مكتوبه للملايه,لطميات مكتوبه,لطميات نسائيه مكتوبه,لطميه مكتوبه,لطميات مكتوبه كتابه,لطميات كتابه نسائيه,لطميات فزاعيه نسائيه,قصائد مكتوبه,لطميات كتابه,لطميات,قصائد مكتوبه مع اللحن,قصيده مكتوبه لحمرم,قصائد مكتوبه كتابه,قصائد حسينيه مكتوبه,قصيده مكتوبه,هوسات مكتوبه الامام الحسين,لطميات حماسية نسوان,لطميات حماسية جد,لطميات حماسية قديمة,قصائد مكتوبه ملايه,قصائد الامام الحسين مكتوبه
فزاعيه للرسول الكريم صل الله عليه واله وسلم
============
مشنه لبت رسول الله نعازيها
شال اليوم ابوها وحيل مابيها
===========
نعازيها الزجيه ونلطم وياها
عايفها الابو بلظيم خلاها
مكسورت كلب والحزن غطاها
محزونه .. لفراك الوالي
🥀🥀🥀🥀🥀
نشد احزامنه ونعازي الزهره
ماتكدر تدك اظلوعها مكسره
نواسيها علبوها والد العتره
نعازيها .. نلطم وياها
🥀🥀🥀🥀🥀
نعازيها الزجيه هاي المسيه
مصباح الحزن مصباح البنيه
ننصب فاتحه ننصبله اعزيه
شديها .. اللطمه وياها
🥀🥀🥀🥀🥀
نعازها الزجيه اليوم حزنانه
تلطم علوجه وتنوح ويانه
من البيت ابوها خالي مجانه
مضيعينه .. مصباح الدنيه
🥀🥀🥀🥀🥀
نعازي ام الحسن هلضلت وحيده
تكول البيت عكب الحيد ماريده
وبو الحسنين يبجي رايح اعضيده
يون عليه .. ويلطم راسه
🥀🥀🥀🥀🥀
ابو الحسنين دمعه بعينه تلالي
مكابلته الزجيه والدمع هالي
ضل بيت النبوه مترب وخالي
مانهواه .. البيت خلافك
==========
خادمة ال البيت وخادمتكم الحجيه ام علي البصره نسألكم الدعاء
المستهل لخادمة الحسين ملايه ام حيدر
ــــــــــــــــــــــ أنـتـهـت ــــــــــــــــــــــ
قصيده للرسول الأعظم محمد صل الله عليه وال وسلم
وزن البحر الطويل
وتقرأ ثقيله ومربوعه
=================
يجد حسين
رايح وين
عليك الزهره محزونه
=================
الحسن وحسين محزونين
ينوحون لفكد جدهم
ويه ابوهم الكرار
بنوح مكابلين أمهم
وبو الحسنين ضل محتار
مايكدر يسكتهم
نوبه يواسي الزهره
ونوبه يكوم يحضنهم
يواسي وبكلب مجروح
ويجري الدمع بعيونه
وعليك الزهره محزونه
💧💧💧💧💧💧💧
أليوم الدنيه مكلوبه
لبو الزهره نبي الاسلام
وام الحسن محزونه
تون ليل اليمر متنام
تكله اريد اشوفتك
صارت شوفتك احلام
انه وعلي والاولاد
من بعدك صفينه ايتام
مسجدكم يون وينوح
واهل الدين مرجونه
وعليك الزهره محزونه
💧💧💧💧💧💧💧
محزونه وتون وتنوح
شايل والد العتره
علي وولاده مهظومين
وتبجي فاطمه الزهره
هم ترجع بعد يابوي
لوله تطول هلسفره
الدنيه تنوح لمصابه
السما حتى السما مغبره
وتراب اصبحت هليوم بعد جاوين يلكونه
وعليك الزهره محزونه
💧💧💧💧💧💧💧
اهل الدين والاسلام
كله تنوح لمصابه
وحتى السما مرجونه
الدنيه تذري اترابه
وعياله بحزن وبنوح
كلب الزهره عطابه
تكضي الليل كله تصيح
حايابوي وصوابه
صرخت وبكلب مجروح من رادو يدفنونه
وعليك الزهره محزونه
=================
خادمة ال البيت وخادمتكم الحجيه ام علي البصره نسألكم الدعاء
ــــــــــــــــــــــ أنـتـهـت ــــــــــــــــــــــ
قصيده للرسول الأعظم محمد صل الله عليه وال وسلم
ــــــــــــــــــــــ أنـتـهـت ــــــــــــــــــــــ
قصيده لوداع الرسول الاكرم صل الله عليه واله وسلم
ــــــــــــــــــــــ أنـتـهـت ــــــــــــــــــــــ
نعي للأربعين
ــــــــــــــــــــــ أنـتـهـت ــــــــــــــــــــــ
نعي للاربعين
ــــــــــــــــــــــ أنـتـهـت ــــــــــــــــــــــ
