كلمات قصيدة طلعت من الخيم - سيد فاقد الموسوي مكتوبه كامله
قصيده: طلعت من الخيم
الرادود: سيد فاقد الموسوي
الشاعر: حمزة المسناوي
ــــــــــــــــــــــــــــــــ
طلعتِ من الخيم حسّبالي بي روح
حرب وسلاح إجاني البلكت الكاك
لكيتك ضال حدك طبكت الثوب
السهم ماينبت من يطيح فوكاك
ربعك وأهلك واويلاه
ماتوا كبلك واويلاه
بس مو مثلك واويلاه
انت متلثم واويلاه
بس ثوب ودم واويلاه
حسباله أحلم واويلاه
شفت دارو عليك العطش والناس
ولكيت النار تركض بالهوى الحار
أذب تراب فوك النار ظليت
ولو حتى التراب من الشمس نار
وإنت ممدد واويلاه
ما شاف أحد واويلاه
دم ما يجمد واويلاه..واويلاه
إلمن شفتك واويلاه
لو عابرتك واويلاه
تعبت أختك واويلاه
طرف عينك علينا مباوع هواي
ولو متغير من الخيل طرفك
أعرفه وعمت عيني من أشتبه بيه
مثل ما أعرف العباس أعرفه
حيلي مغمض واويلاه
شايف نركض واويلاه
وبالكاع تكض واويلاه
صح مو كلك واويلاه
بس أندلك واويلاه
لو من ظلك واويلاه
أدورك وين ما بالكاع ميتين
يا المِطشَّر وأحسك تركض وياي
لاكاني النهر وتحسرت حيل
بارد واشتهيته لكلبك الماي
بارد شفته واويلاه
وتخيلته واويلاه
اتشربه إنت واويلاه
كمت أتحسر واويلاه
كتله شتخسر واويلاه
جبده مفطر واويلاه
لقيتك وأنا ما ودي ليّ يحسين
بيش تفيدك أختك كون تلكاك
شمس وجفوفي ما كفتلك فياي
وإذا كفت الكاع تفور جَوَّاك
كل ما تسمع واويلاه
رايد ترجع واويلاه
بس مكطع واويلاه
رايد تسأل واويلاه
وندوّر حل واويلاه
بس ما مندَل واويلاه