كلمات قصيدة ذبحناه سيد فاقد الموسوي مكتوبه كاملة
بسم الله
القصيدة:ذبحناه
الملا:سيد فاقد الموسوي
ـــــــــــــــــــــــــــــــــــــــــــــــــــــــــــــــ
شو خنكة صارت بالخيم
فال الله بس گلبي انلچم
لا ماكو شي گلوله
ياهي منچن شافته
شو كمت اشوفن رايته
منتچيه ما مشيوله
لا خاف چي عيني تهمل
ظليت ماشوفن عدل
چا مات ما معقولة
منو البيچن بدت وياي تسمع صياح
كتلناه كتلناه ويهوسون بالرماح
بقى بس الحسين واباوع للحسين
بچى وطاح واجه يگوم بس رجع طاح
أبو فاضل..أبو فاضل
ـــــــــــــــــــــــــــــــــــــــــــــــــــــــــــــــ
ما اضم عليچن ما گضت
توها الحرب عمه بدت
الخيل اجت شوفوها
عمه..ويه الفياي توادعن
وبالهيمة هاي اطشرن
والتنسحگ عينوها
عينوا الجدمها محترگ
والميتة من كثر السحگ
عوفوها بس غطوها
ترى ساعة والليل يجي وكلها شمات
عبيچن ع التراب افرشنها ونبات
علي وياچن الخيل إذا توصل نموت
بعد ماكو عباس اركضن يا ميتات
أبو فاضل..أبو فاضل
ـــــــــــــــــــــــــــــــــــــــــــــــــــــــــــــــ
والله زمن العباس ماهو
ويه الضعن والله زمن
الما طالعات تچتفن.. والله زمن
بالخيمة چتالك گعد
گال أنا امشيچن بعد
وحچايتي المسموعة
ويگلي حتى لو عدل
ما يگل يفل الحبل
عباس اديه مگطوعة
وحسين دم ريجه انترس
وخافن بعد ضل بيه نفس
سمعتها صوت ضلوعه
ذبحناه وسحگناه وسكت يله عفناه
بقى الراس للخيام يباوع لگيناه
صحت سهلة يحسين إذا رايد تشوف
هلك من يركضون جبت راسك هناك
أبو فاضل..أبو فاضل
ـــــــــــــــــــــــــــــــــــــــــــــــــــــــــــــــ
يامن يخلصلي العمر
والظهره خالي ينكسر
توصل كسرته لگلبه
وحرمة وجثث وكلهم هلي
والميت وعينه إلي
يودون خيل تگلبه
شنسوي بالغربة المرة
وروس اهلي كلها مطشرة
يستر علي من الغربة
علي الحگني أبو حسين گلب زينب احتار
اجمع بالكبار يطشرون الصغار
إذا اطيحن النار تكض بالعباية
وإذا اركض الخيل ترجعلي النار
أبو فاضل..أبو فاضل
ـــــــــــــــــــــــــــــــــــــــــــــــــــــــــــــــ
اااااااااااه عباس اجه الليل وصحت
هنيالك برمحك نمت
بس أنا ما مرتاحة
ذبحاك يچمل الجرح
ويگلي هذا على الرمح
وأنا الصرت ذباحه
واليحرس بخدرك نذل
كلساع ويفزز طفل
بالسوط لو بصياحه
سهر يخلص الليل حلم نغفى يا عين
حرس كلهم انذال لأن اهلي ميتين
اليفزز بالصغار يگول ابچوا بس حيل
بواچيكم الليل يوصلها لحسين