كلمات قصيدة يا محمد ويا عون محمد باقر الخاقاني مكتوبه كامله
لطمية يمحمد ويا عون محمد باقر الخاقاني
بالطف ردتكم عون يمحمَّد او يا عون
لو ظل وحيد احسين لسيِّدكم اتفزعون
ــــــــــــــــــــــــــــــــــــــ
يا عون امّك او أريدك
لخالك تفدي دم وريدك
المثلك ما ينراد أحزمه و اشِدله عزمه
و إنت ابن إخت عبَّاس
و إنت ابن إخت عبَّاس
يگلها لا تحزميني يا يُمه لنصُر خالي
و آنه العيِد عندي الموت لا بالموت ما بالي
من اثبِت عالِـكحيله فِنَّه اليثبت اگبالي
عالمنيَّه يغلي دم وريدي لا تُوْصيني
و اعله خالي طبعي كِلّه طالع مو ثلثيني
او حگْ اللّي إلچْ دَگْ بيده الصدر
او حگ چفوفه
سيل الهاشمي لو فاض او طفح
من يرُوفه ؟
احسين ابغربته لحد آخر نَفَسْ
ما أعوفه
گالت كفو اْو نعْمين حچْيَك يگر العین
أكبر شرف يا عون دمّك فِده لحسين
ــــــــــــــــــــــــــــــــــــ
او حين الكمِّلَت بَچِيها
اوْيه امحمَّد بِدَت حَچِيها
گالته الشهاده گصدي ياثاني وِلدي
يا مَعْصبي البالرَّاسْ
يا مَعْصبي البالرَّاسْ
محمَّد گلها يا يُمَّه گرّي العين و ارتاحي
ابسوگ الحرب زارع موت او روس أحصِد اِبأرباحي
حُوْم اْو أفني كل جيمه اعْليها أمن اصفِگ اجناحي
خالـي ما إله ناصر عليمن ينظَم حيلي
يُمَّه رايح آنه للشهاده بس ادْعيلـي
وي ذاك السَّلف جسَّام اْو علي
ابدربي ماضي
او لو جسمي انوذَر ما بين القَنا
و المواضي
مِيَّةْ موته لو ياخذني الأجل
ابموتي راضي
زينب رِضَت و اهناك گالت : وفيت ارباك
يبني حَلال اعْليك دَرْ صدري الغذّاك
ــــــــــــــــــــــــــــــــــــــــــ
هاذي چلمتي الأخيره
كلمن معتني لمصيره
يوْلادي انعرف دربكم و أنا عگبكم
تسبيني گوم ارجاس
تسبيني گوم ارجاس
أمُر اعْله الجثث باچر سبيَّه او يفجع المشَهد
وانتو اعْله الثره ابلا روس امدَّد كتره اِمدّد
مدري ياهو منكم عون او ياهو منكم امحمَّد
او چنّه اخويه نايم ابكتركم وأنتو ابكتره
او دم نحركم اختلط مَسيله وي دم نحره
ريت ابهالفِده دم نحري جره
ويَّه دمكم
او همكم يالولِد يفجعني نَعم
و آنه اُمكم
او لو شفْت الأخو جسمه ابلا چفن
أنسه همكم
اعْليكم عِمَت لعيون يالبالثره اتنامون
بس لمصاب احسين كل المُصاب ايهون
ــــــــــــــــــــــــــــــــــــــــــ
- يمحمد و يا عون
الرادود | محمد الباقر الخاقاني
الشاعر | ميزرا عادل أشكناني