كلمات قصيدة صرخة الينتظر محمد باقر الخاقاني مكتوبه كامله
لطمية صرخة الينتظر محمد باقر الخاقاني
ياحُسين صرخة الينتظر
ياحُسين راعي هذا الأمر
ياحُسين تحشّم لنصرته
ـــــــــــــــــــــــــــــــــ
أنصار حسين عقيده
و هنا دينه اليريده كربله
التوحيد أصله و نظامه
ربط الأنسان بأمامه ومنهله
أنصار أبو علي فازوا
و حب بلا مثل حازوا
والمراحل العليا
بطاعة الولي اجتازوا
أتكاملوا بالحب و البغض
طاعوه بحب أمر الفرض
أستجدي منهم طاعتي
لبقية ﷲ في الأرض
" تَجْرِي الريَاحُ كَيِفَ مَاْ "
حبهم لـ أبو الأكبر يشاء
فرحوا عين أم الحسن
أنصار الحسين بكربلاء
ولسان حال حسين بين أفكاري
لا أعلم أنصار أوفى من أنصاري
بس هيج رايد ناس تطلب ثاري
أوفياء حافظين الذمم
أوفياء للثأر والخيم
أوفياء تأسوا بصحبته
ياحُسين صرخة الينتظر
ياحُسين راعي هذا الأمر
ياحُسين تحشّم لنصرته
ـــــــــــــــــــــــــــــــــــــ
عنهم منعوا وصوله
لكن عزموا و أجو له بأي شكل
شي عاف الحَج قراره
وشي جاي من التجاره للقتل
شمعه بيها نستهدي
الحب معاجز يبّدي
مُلهم العشك عابس
من الحُسين الى المهدي
يعني اذا نشتَم خبر
بـمَكْه أبو صالح ظَهَر
لو عالثلج زحفاً نجي
ومتخاذل الگلبه اعتذر
نوصل و نكشف غربته
نحيطه ونسدها وحشته
تنعاد غربة كربله
الشيعه لو ما لحگته
بأسم الحسين بهالعزاء ننوي له
باچر بمكه لو ظهر نمشي له
لثارات أهله نعينه و نشد حيله
لو ظهر نفزع و نمشي له
لو ظهر تبتسم كربلا
نمشي اله تنرفع رايته
ياحُسين صرخة الينتظر
ياحُسين راعي هذا الأمر
ياحُسين تحشّم لنصرته
ـــــــــــــــــــــــــــــــــ
أصحاب حسين بدايه
و أصحاب الثار نهايه وخاتمه
إن شاء ﷲ نحظى نيّـه
و نصير أنصار رقيه وفاطمه
لجرحه شايل و ناره
ينوي لازم لثاره
و من قمر بني هاشم
رحمه غيرة انصاره
حسين الـ يعجبه الشهم
اللي بدمعته و ثاره يهم
جرحه أبو اليمّة أنسلب
وتغير الظعنه إسم
حسين الحجاه خل نفتهم
وي إبنه ننويه العزم
" وَﷲِ لَا يَسْكُن دَمِي "
" حَتىِ يَقومُ المُنتَقِمْ "
وگفته بيوم العاشر يصد عينه
يستنصر و محد فزع و يعينه
باچر لصاحب ثاره تاخذ بينه
كربلاء ما گضت و انتهت
كربلاء بمنتقمها أنتخت
يا حُسين اجعلني من شيعته
ياحُسين صرخة الينتظر
ياحُسين راعي هذا الأمر
ياحُسين تحشّم لنصرته
ـــــــــــــــــــــــــــــــــــــ
- صرخة الينتظر
الرادود | محمد الباقر الخاقاني
الشاعر | السيد أنور الموسوي
الكاتب | الميرزا محمد المياحي