كلمات قصيدة مثل جده محمد باقر الخاقاني مكتوبه كامله
لطمية مثل جده محمد باقر الخاقاني
صبر عنده مثل جدّه
علي بطف كربلا تمثل علي بصبره
شكبر نوحه و ألم روحه
بعد ما ينحمل هضمه واخذ عمره
ـــــــــــــــــــــــــــــــــــــ
عن بداية حزنه نحجي
ونندل أسباب المنيه
بگلبه حسراته شكبرها
الگلبه عاش الغاضريه
مثل جدّه داره شبّت
و بيها فاطمة الزچيه
هوَ شاف الخيمه طاحت
وحايره طلعت رقيه
بچي سنينه صور عينه
جروح بكلبه ما تنعد ولا تبره
عذاباته على خيماته
بعد ما ينحمل هضمه وأخذ عمره ..
ــــــــــــــــــــــــــــــــــــــــ
كلشي بسنينه تغيّر
اصبحت دمعاته طبعه
و لو يقدموله طعامه
ينهضم و تبلّه دمعه
الماي صار اكبر جروحه
شما يصد عليه يفجعه
لأن راد الماي الأكبر
و هوَ بالخيمه و يسمعه
صعب يروى العطاشى أخوه
علي الأكبر علي الأزغر منو يذكره
ذبل رسمه شكبر همّه
بعد ما ينحمل هضمه وأخذ عمره ..
ــــــــــــــــــــــــــــــــــــ
أختلى بداره بجروحه
ويبچي الهن لچمه لچمه
دموعه والحسره سلوته
و ما تمر بأيامه بسمه
كلشي بالطف بعيونه
ولو غفى يمرن بحلمه
شاف أجساد أهل بيته
بالدمه متوسده يمّه
دفن ضامي بجسد دامي
أبوه و وسد وليده على صدره
و هو بموته سمع صوته
بعد ما ينحمل هضمه وأخذ عمره ..
ـــــــــــــــــــــــــــــــــــــــ
ذبلت عيونه بواچي
و راحته صارت بعيده
شلون ينساهن جروحه
وللسبي آثار بإيده
شامل حملين برگبته
عايله و وياها گيده
صار كل ليله بدموعه
من الظعن يدفن شهيده
مثل حيدر دفن بالبر
فواطم واليدفنه باچر يعبره
بوطن غربه خلص گلبه
بعد ما ينحمل هضمه وأخذ عمره ..
ـــــــــــــــــــــــــــــــــــــ
مستحيله ناره تطفه
الشافت عيونه المخيم
والگضوا أهله بمحرم
حگه لو مات بمحرم
مأتمه منصوب للطف
و صار اله وياه مأتم
چبده بالحسره تگطّع
من قبل لا يجرع السم
شبقى بلونه و يسِمونه
عليل و كربلا و همها حنت ظهره
لأبو الباقر ظهر عاشر
بعد ما ينحمل هضمه وأخذ عمره ..
ــــــــــــــــــــــــــــــــــــــــ
- مثل جدّه
الرادود | محمد الباقر الخاقاني
الشاعر | السيد مرتضى الياسري
الكاتب | الميرزا محمد المياحي