كلمات قصيدة حنيت الك محمد باقر الخاقاني مكتوبه كامله
لطمية حنيت الك محمد باقر الخاقاني
حـنـيـت الـك
------------------
حنيت إلك ،، و على الخيم ،، ذيج و دلالي
من چان إلي ،، هيبة علم ،، تحرس خيالي
بعينك چنت ،، تالي السهم ،، صار ببدالي
و غربتي بفرگت عيونك يعباس شكبرها
يخويه و شلّي بخيامي عگب كافل خدرها
هضيمة أختك يراوُها السبي بهذا عمرها
أنوحن عالمحنة
النفس والريّه چنّه
العمر يا كافلي خلافك خلص ونّة على ونّة
يا ابو فاضل دخيلك
يا ابو فاضل دخيلك
------------
مو بيدي أون ،، الحدر الضلع ،، يحن و يريدك
و طاح اشكثر ،، مني دمع ،، ويـ طيحت إيدك
و ظهره انكسر ،، كسرة جذع ،، عالشط عضيدك
رجع لي ينزفن عيونه حچي غربة ومنية
اجه يخطّن وراه سيفه ودمعته على الوطيّة
عرفت لمّن لزم ظهره صبح إسمي السبيّة
أخاف أنشد و اهضمه
يون و يسمعه خصمه
الغريب و ما له أخو بظهره أبد محّد يرحمه
يا ابو فاضل دخيلك
يا ابو فاضل دخيلك
------------
لمّن طحت ،، صياح العدو ،، بخيامي دوّه
حرگوا الخيم ،، و سلبوا الطلع ،، و البيها جوّه
أطلع و أرد ،، بس الجمر ،، طلّعني گوه
يكافل من رحت و انا حرت حيرة بحياتي
اغطّي خيالي لو اطفّي الصواوين بعباتي
و نندبك ويَّ كل شوغة حرگ آنا و خواتي
جبرني فراگك انعى
عليك و صوتي أطلعه
تعال وحلّف عيوني إذا ظل بيها دمعة
يا ابو فاضل دخيلك
يا ابو فاضل دخيلك
----------
بين الخيم ،، و فوگ الجمر ،، أركض وحيدة
و اعثر و اصيح ،، يا كافلي ،، و يا عازة ايده
وين أتجه ،، و المشرعة ،، صارت بعيدة
أنا الما سمعوا صياحي ولا شافوني مرة
الاجانب تحرگ خيامي و تفرهد و انا برٌه
يا ابو فاضل درب عاثر عليَّ مكتوب اطرّه
تبدّى خدري مني
وحچى الشمّات عني
طلعنا للفلا و صاحوا بنات الزهره ذنّي
يا ابو فاضل دخيلك
يا ابو فاضل دخيلك
------------
ياكافلي ،، ياهي المثل ،، حالي ،، ولوها
و بثمنطعش ،، كافل نخت ،، و تعذروها
و ياهي انسبت ،، و ماشت گبل ،، ذبّاح اخوها
عليك انحب و احس گلبي يتگطّع من نحيبه
مصيبة فگدك اصعب ياگمر من كل مصيبة
لأن منها و صبح إسمي يا ابو فاضل غريبة
چنت امشي بحماية
وترفرف فوگي راية
صرت آنا المحامي اليوم عن ظعن السبايا
--------
*{{جروح: أحمد الهلباوي}}*