كلمات قصيدة غفران أذنوب | مسلم الوائلي مكتوبه كامله
لطمية غفران أذنوب | مسلم الوائلي
قصيدة: عيونك غفران ذنوب
أداء: مسلم الوائلي
كلمات: حسن الترابي
~~~~
محني ومجتوف اجيت تغفر ذنوبي ارتجيك
اسمي حر وجنت اسير ردت اضوگ اسمي اعله اديك
عيونك غفران ذنوب
وتوبه للراد ايتوب
ارتجيك .. ارتجيك
~~
عيوني بعيونك تلاگن من بعيد وللبعيد
گتلي للحر معنه ثاني وماكو حر غير العبيد
استسلمتلك حد نخاعي وشنهي غير التوبه اريد
روجه تدفع روجه روحي وجيتك ابنادم جديد
بالطاهر يحسين من امي جيتك خالي من المو طاهر
عليك الزهره اتقبل دمي وادعي لصدري بخيل وحافر
ارد اعرف يمك معنه اسمي شجان وهسه وياك شصار
جوه في رمشك امان وخايف من ذنوبي حيل
مستحي من اثيابي اجيت برحمة عيونك دخيل
احساسي ابابك مصلوب
عيونك غفران ذنوب
ارتجيك .. ارتجيك
~
ما لمع مره بحياتي للعشگ لون وعذاب
گبلك انه بلا مشاعر وگلبي گبل الحب سراب
صدفه لو صحوه بضميري وصرت احب للزهره باب
حروره للحب تمشي بالدم وتنده بوجداني شاب
من جونك معناي اتفسر واول مره اشعر انسان
مفهوم الحب كله اتغير عندي وحبيت القضبان
انه اول مسجون اتأثر ويهيم بحب السجان
احرگني واحييني برضاك كلشي لعيونك يهون
انثرني للريح بهواك المهم ترضه انت كون
لمني وطشرني انوب
عيونك غفران ذنوب
ارتجيك .. ارتجيك
~~
انت اول حب يذلني وذلك بحد ذاته عزه
گلبي محد هزه گبلك لا حرب لا حب يهزه
ما عرف شنهو الجذبني ورخصتلك كلشي اعزه
عمري من التوبه يبدي وكلشي گبل التوبه جزه
بطعم التوبه عيونك واحله وجيتك نادم يا مولاي
واحساسي معفر بالذله وترابك طهرني هواي
الما يرخص يمك ما يغله وينذم بعاشورك ماي
برحمتك طمعان اجيت منك وليك الفرار
اباب غيرك ما اتوب كلشي غيرك مو قرار
دونك عمري شمحسوب
عيونك غفران ذنوب
ارتجيك .. ارتجيك
~
اشرقت شمسك عليه وزاحت بروحي الظلام
فتشت گلبي اعله دينك وآمنت بأهل الخيام
غيمت فوگ الجوارح وللعشگ شفتك امام
تمطر عليه بحنانك وتمطر عليك السهام
تراب وغيمة حبك فوگي مطرت يحسين وحبيت
موش الدم انت البعروگي تجري وبحروفك صليت
هاي اول مره افهم شوگي والحر صاحب لأهل البيت
براية العباس اريد اتلفني وبحماك اصير
ماكو غيرك لله باب انت باب الله الجبير
اكبر من كل البوب
عيونك غفران ذنوب
ارتجيك .. ارتجيك
~~
عيونك اخر فرصه جانت للأمان وللنجاة
لوحتلي بجف جمالك وگعدتني من السبات
ما غشه الليل اعله گلبي وكل ضمير الدنيه مات
انه مو حر نفسي حرك والعبد بالصالحات
وين الحر جان من عيونك يحسين بيا عالم جان
واحات الحب كلها بلونك بس انت مبين ذبلان
عطشان ادريبك ومسومر ومن اتعنيتك عطشان
عطشت گلبي واجيت زحمه اجيك وبيه ماي
يا فشلتي من البتول نص عطشكم من وراي
عمري بيدك مكتوب
عيونك غفران ذنوب
ارتجيك .. ارتجيك