كلمات قصيدة عريس العطش ملا مجتبى الكعبي مكتوبه كامله
لطمية عريس العطش ملا مجتبى الكعبي
يا عيوني المن تصبن شويه ضحكن
الليله هل عندنا عرس
شلون طالع هيبة أمه العگبه ظلمه
شما تطر بيها الشمس
ياهوى ﷲ و يا جماله
شهل السحر بعيونك
هذا شعرك لو نده ﷲ
مطشر اعله متونك
بـ " قُل هوَ العباس " أبخرك
خايفه يحسدونك
جمالك عالگمر كاسر للعرش عابر
يجبر الخاطر مرسة كل حاير
دلالك يبني يالقاسم يبني يالقاسم
ـــــــــــــــــــــــــــــــــــــــــــــــــــــــــــــــــ
يا نغم روحي و ونستي وفي كبرتي
الشيماني بكشخته
يوسف شجابه لخيالك يلجمالك
گطره منك سوّته
شوية من زلوفه طلعن
والخلك ردّت وره
هذا جاسم مدري الأكبر
مدري سبع الگنطره
الوادم المر بيها عطرك
طلگت كل مبخره
على عينك داير الحاجب بالرمش ذايب
شراسم شكاتب يبن أبو طالب
دلالك يبني يالقاسم يبني يالقاسم
ـــــــــــــــــــــــــــــــــــــــــــــــــــــــــــــــــ
ياحنين شلون ازفك وغير بيدك
وآنه من عيوني اغار
بيدي لبستك حلقتك و هلهلت لك
بفرحه متروسه انكسار
باچر تزفك عمامك
واليهوسلك گمر
يم الحسين من أكعدك
بل خجل تعرگ نهر
فرحه بس عطشانه كلها
واحد بواحد عثر
الهلاهل تبجي من تطلع تزفه للمصرع
مبرگعه و تدمع تگلك مودّع
شحاول يبني يالقاسم يبني يالقاسم
ـــــــــــــــــــــــــــــــــــــــــــــــــــــــــــــــــ
كلشي راح و راحت امك ذاك عمك
راسه يفتر برمح
عجنوا الحنه وي دمك ابونَّي أزفك
ضل جرح يشبگ جرح
و سكنه مو للكلها راحت
راحت لظهر الهزل
والمعاضد مو بيديها
صار معضدها الحبل
هسه وين وو وين چنه
الدنيا مالت والحمل
خذونا بالحبل گوه ضاعت الخوه
وماتت النخوه وكلشي مايسوه
سبونا يبني يالقاسم يبني يالقاسم
ـــــــــــــــــــــــــــــــــــــــــــــــــــــــــــــــــ
- عريس العطش
الرادود | مجتبى الكعبي
الشاعر | براق الخاقاني
الكاتب | الميرزا محمد المياحي