كلمات قصيدة دكت رجل يم باب الحسين الرادود هشام الغراوي مكتوبه كامله
لطمية دكت رجل يم باب الحسين الرادود هشام الغراوي
دگت رجل يم باب الحسين
گالوا علينا الجايه منين
آنه ابني عباس و لتجّت الناس
گالوا علينا الجايه منين
ـــــــــــــــــــــــــــــــ
گوة كامت و أنحنت گالتلهم هاي أجت
أُم الحِماني
عاليتيمات أنتچت أستقبلتها و غمّضت
إبنچ عِماني
يايمه النعزهم مشوا
والشيب يطلع عالشيب
ماضل نفس من الهوى
اليبقى عدل عندهم عيب
علم الفگد جايبته مو علم الغيب
گلبچ حنين و گلبي متعوب
أم الگمر يخنگها الغروب
و لگطع الأنفاس والتجت الناس
گالوا علينا الجايه منين
دگت رجل يم باب الحسين
گالوا علينا الجايه منين
آنه ابني عباس و لتجّت الناس
گالوا علينا الجايه منين
ــــــــــــــــــــــــــــــــــ
دمعة قسمنها و بچن و للكفيل اتچتفن
عالتبقى تالي تبچي الليالي
بيده مي بس ما روه عطشوا وماتو سوه
غالي ويا غالي والراس عالي
من شحت الدنيا زلم
چان احنا عندنا العباس
وحسين كلما يلتفت
بلا كلمة يكفيه الناس
هو الگمر ويا البشر ما ينقاس
اهل الخيم رادوا يموتون
للنهر والكافل يعطشون
عالين الأحساس و لتجّت الناس
گالوا علينا الجايه منين
دگت رجل يم باب الحسين
گالوا علينا الجايه منين
آنه ابني عباس و لتجّت الناس
گالوا علينا الجايه منين
ــــــــــــــــــــــــــــــــــ
گبله ماتوا لو بطوا كون بعده اتأخروا
موصيتهم اني محد يتاني
يمه چن كلهم علي الموت لحسين الي
صاحوا اخواني ياهو اليتاني
الكافل معزب الحرب
وبكل وكت حامي السيف
يگطع على الموت الدرب
ما يطب عند غيره الضيف
ميعوفه لو من عنده ما ياخذ حيف
الخوة ما تنباع بالسوگ
بس للحسين و كافلي تلوگ
للغيره مقياس و لتجّت الناس
گالوا علينا الجايه منين
دگت رجل يم باب الحسين
گالوا علينا الجايه منين
آنه ابني عباس و لتجّت الناس
گالوا علينا الجايه منين
ــــــــــــــــــــــــــــــــــــــ
ما عطش گد ما زعل شبع موت وما ذبل
لليوم راوي لليوم راوي
چفه شلال الخيم علم بس شايل علم
يسوى النعاوي ضل گلبي داوي
ما نخسر و جبنا الربح
هو الذبح للشجعان
الما يميز الباطل منو
يحسب حسين الخسران
بگلبه سهم بس عنده
بالله إيمان
المايموت الكاتب الموت
كل إبن انثى يشيله تابوت
عالرافع الراس و لتجّت الناس
گالوا علينا الجايه منين
دگت رجل يم باب الحسين
گالوا علينا الجايه منين
آنه ابني عباس و لتجّت الناس
گالوا علينا الجايه منين
ـــــــــــــــــــــــــــــــــــــــــــ
- دگت رجل يم باب الحسين
الرادود | هشام الغراوي
الشاعر | فاضل حسن