كلمات قصيدة بياض العين سيد فاقد الموسوي مكتوبه كامله
لطمية بياض العين سيد فاقد الموسوي
قصيدة ـ بياض العين
الرادود ـ سيد فاقد الموسوي
الشاعر ـ حمزه الحسناوي
☆★☆
يا بيض العين.. طيح على الماشين
يا هلي الطيبين.. بالسلامه
كون اليتانون.. ليله و يموتون
والمهم يرحون.. بالسلامه
--------
هدوا ايدي و بينت صارت صدك
احنه نفس الدم شجاهم نفترك
كون افهم گلبي يوكف مايدك
لا يگلبي.. لا يگلبي
ماله داعي و زايده يدك الگلب
بالوداع اليعشك اكثر ينغلب
الحرب مو اله تدخل للحرب
لا يگلبي.. لا يگلبي
لا مسحتوا جروح گلبي ولا سمعتوا صياحه
انه باحلى ايام عمري و ماعرفت الراحه
رايحين و روحي صاحت حاولي تلحكينه
هو يا طير اليحاول من يموت جناحه
يمشي عني هواي.. و يلتفت وياي
كوه تطلع هاي.. بالسلامه بالسلامه
يا بياض العين.. طيح على الماشين
ياهلي الطيبين..بالسلامه
كون اليتانون..ليله و يموتون
والمهم يرحون.. بالسلامه
.............
ردت اودعك بس شفت جازي الضعن
عطل جدامي المرض و تعطلن
حاولن بس مامشن بس حاولن
جا شسوي شنو البيدي
هسه واحد منهم يكلي تعاي
هسه تكضي و هسه تكضي شده هاي
هسه هسه و باوعت محد وراي
جا شسوي
ياهو ضل ياخذ مكاني و ياهو بلا الساده
ها وكت جانت عيونه مكابلتني و كاعده
جنت انام شويه و كعد حتى اشوفه كبالي
هسه لو ردت اكعد المن بلا شنهي الفايده
كلشي صار بساع.. البيت صاير كاع
هو هذا وداع.. بالسلامه
يا بياض العين.. طيح على الماشين
ياهلي الطيبين.. بالسلامه
كون اليتانون.. ليله و يموتون
و المهم يرحون.. بالسلامه
.............
و الله معناهه ارد اموتن من انوح
و الحجي المايوصل يكثر الجروح
ما اريد اكتب رسايل ارد اروح
شلون بيه
عذرني خافن كطعت اخباري عليك
كمت اغار من الرساله التعتنيك
ليش هي تروحلك خوب انا اجيك
شلون بيه
لا تجون كبال روحي بالحلم تاذوني
يا حلم هو المكابل ما مكفي عيوني
هاي جم مره تجون بطيف و اشبك بيكم
و اكعد و هم الكه اديه شابكات متوني
طيفك من يحوم.. لو يضل للدوم
لو ابطل النوم.. بالسلامه
يا بياض العين.. طيح على الماشين
ياهلي الطيبين.. بالسلامه
كون اليتانون.. ليله و يموتون
و المهم يرحون.. بالسلامه
.............
عود احلفك بأمك و يمك اجيت
ردت اكلك و ستحيت و ماحجيت
و هسه متندمه لان بويه ستحيت
سامحيني
كلت اودي الاكبر يسويلي حل
و من رجع بعيونه حسيت الامل
كالي يسلم عليج و ماقبل
سامحيني
هسه اموت احسن يروحي و عمري ما محتاجته
ايست من اعز واحد ماقبل بحجايته
تبجي شنهي الفايده المن كمت اسكت عيوني
تسكت و ارجع اكلها ابجي المن ساكته
مارحم بالحال.. حجايت التنكال
يالضعنكم شال.. بسلامه
يا بياض العين.. طيح على الماشين
ياهلي الطيبين... بالسلامه
كون اليتانون.. ليله و يموتون
و المهم يرحون.. بالسلامه
............
انذبح بالسيف و انشال برمح
احسن ولا هذا نكاط الجرح
علاقل من انذبح بس انذبح
مره وحده
ابجي و اتعب و ابجي ماريد استراح
دمعي طاح و كلبي طاح و كلشي طاح
هذا كله و هو قبل شويه راح
مره وحده
من مشوا يبست الدنيا و يبس دم عروكي
البيت هم مدري شجاله و ضال واكف فوكي
روحي خلصانه و عليله و جملاني فراكهم
والدوه يطيب جروحي و مايطيب شوكي
و العليله تحير.. حيره مال صغير
خاف كلشي يصير.. بالسلامه
يا بياض العين.. طيح على الماشين
يا هلي الطيبين.. بالسلامه
كون اليتانون.. ليله و يموتون
و المهم يرحون.. بالسلامه