كلمات قصيدة الليله الأخيرة مجتبى الكعبي مكتوبه كامله
لطمية الليله الأخيره - مجتبى الكعبي
الليله الاخيره خلي زينب تودع اهلها
الليله الاخيره من حسين تشبع والكفلها
خيمه تشبگ خيمه ضلّت
والنظر يشبگ نظر
هذا اخر ليل يجمع
بين زينب والگمر
ساعه يم عباس أخوها
انوب يم حسين ساعه
تعودت گد صبر أخوها
من الحوافر والنهر
ياليل عاشرها أنتظر
لاتسرع بخيط الفجر
ياليل هذا آخر جَمع
بين الخدر وأهل الخدر
ــــــــــــــــــــــــــــــــــــــــ
صبرك عليها ياليل طولها بظلامك
صبرك عليها بصبحك على الخوه سهامك
آه فوك الـ آه طاحت
الليل چلماته دمع
هذا أول ليل مر بي
صوت زينب ينسمع
هاي شاره فراك خوه
وبالموادع بيها حيره
تمسح بعين الكفلها
تركض تقبّل الضلع
غربتها من هسه بدت
من بين الإخوان نحنت
شما مسحوا اخوتها الدمع
من عدها بالازيد بجت
ـــــــــــــــــــــــــــــــــــــ
مهظومه تبجي بهالليل جف غيره فجعها
مهظومه تبجي باجر فلا يمسح دمعها
تبجي سكته بين اهلها
شما تكابر تنكسر
احتارت تودع خدرها
لو تودع أهل الخدر
لو تودع خيام عِزها
الباچر يصيرن جمر
محتاره تشبع من منو
من الدلال من الأخو
والليل لحضاته جرح
ونَزفه بصبح عاشر عدو
ـــــــــــــــــــــــــــــــــــــــــ
الليل تكضي محتارة بت امها وابوها
الليل تكضي وأيامها الـ ويه اخوها
طلعت اتعاين سماها
وبدا الليل يخف بدا
بقت تنعى اعلى الدلال
اليحترك بين العدا
ويَ الهوى تتسولف جرحها
وزينب تگله بجرح
ابچي طولي البين اخوتي
الباجر يضل وحده
وكفت تسولف للهوى
باجر اذا مهره انلوا
بالنار تلهب عالخيم
محلفتك براعي اللوه