كلمات قصيدة الله أكبر كربلا | محمد باقر الخاقاني مكتوبه كامله
لطمية الله أكبر كربلا | محمد باقر الخاقاني
يا كربلا عندچ خبر ؟
طباچ إبن سيد البشر
يالمادريتي بهالسفر
الغربة بدت من اوله
ﷲ أكبر كربلا ..(٢)
يا كربلا ضيفچ نزل
مهجة علي خير العمل
گليله شرفت المحل
المن تريديها الهلا
ﷲ أكبر كربلا..(٢)
ياكربلا عندج علم
عندج نزل وين الشهم
بالكون بس همَ زلم
حسين و صحبته الباسله
ﷲ أكبر كربلا..(٢)
يا كربلا هذا الضعن
يتمنى جيته كل وطن
چي بي عزيز أم الحسن
عين السما تعاين اله
ﷲ أكبر كربلا..(٢)
يا كربلا عندج بخت
بهذا الظعن زينب اجت
بنت الزچية و شرفت
و نفس الزچيه المنزله
ﷲ أكبر كربلا..(٢)
يا كربلا حطلج إبا
من طب عظيم المرتبه
عباس كافل زينبه
غيرة و حمية ومرجله
ﷲ أكبر كربلا..(٢)
يا كربلا شنهو الجرى
أطفال الظعن متحيره
وحلوگهم متفطره
ليش الصغار معلعله
ﷲ أكبر كربلا..(٢)
يا كربلا ليش الضما
لاح السبط و مخيمه
عبدﷲ ذابل مبسمه
ليش الرباب تبلله
ﷲ أكبر كربلا..(٢)
مابيچ رحمة اعله الطفل
لنحره الترف جبتي النبل
يا كربلا صارت قبل
البچفوف ابوه حل مقتله
الله أكبر كربلا..(٢)
يا كربلا الزادج فخر
عباس طبالچ گمر
بعامود شو راسه انطبر
و سكينة تلطم معولة
الله أكبر كربلا..(٢)
طاحن يساره و يمنته
و حسين بانت كسرته
عالشاطي ودّع خوته
والخدر ناح لكافله
الله أكبر كربلا..(٢)
يا كربلا ليش إنّسى
تقدير أبن خير النسا
مو خامس اصحاب الكسا
عاري و يچويه الفلا
الله أكبر كربلا..(٢)
يا كربلا خيام الستر
حرگوهن و صارن جمر
سبحان المسوي الصبر
ماذب عليهن زلزله
الله أكبر كربلا..(٢)
ويلاه يا اول صبح
بصورة انقرا اول جرح
عباس راسه اعله الرمح
وزينب بيديها السلسله
الله أكبر كربلا..(٢)
ـــــــــــــــــــــــــــــــــــــــــــــــــ
- الله أكبر كربلا
الرادود | محمد الباقر الخاقاني
الشاعر | السيد مرتضى الياسري