كلمات قصيدة يا بو علي محمد الجنامي مكتوبه كامله
لطمية يا بو علي محمد الجنامي
قصيدة :- يا بو علي .
كلمات :- الشاعر كرار حسين الكربلائي .
أداء :- الرادود محمد الجنامي .
🖤🍀🍀🖤
اســود لبــس كل الفلك يا بو علي
نظـــره ردت اتوســلك يا بــو علي
وباوعت الي شكرا الك يا بـو علي
🖤🍀🍀🖤
بين اهلا المحرم يا غريب
وبالگلوب اتعلگت اعلامك
من لبست الاسود الحزنك بچيت
وصاحت ادموعي هله ابأيامك
الف شكراً يا حبيبي يا حسين
هالسنه امخليني وي خدامك
انطيني دمعه انطيني حرگه انطيني آه
ابگلبي اشعل جمره من اخيامك
نار الخيم وسط الگلب ما تنطفي
وامحرمك جمره غـرب ما تنطفي
عينـي بچــت تتأمــلك يا بو علي
🖤🍀🍀🖤
اتبدلت رايتك سوده اعله الضريح
وشالت الزهره القميص ابأيدها
ونزلت من السمه و تلطم بالعزاء
والده وغالي عليها اوليدها
انحلف الزهره ابمصابك يالحنين
هاي لوعتنه عليك اتزيدها
واسطه نريدك انحلفك بالرضيع
فاطمه ترضه علينه انريدها
هذا العزه وهذا الدمع لام الحسن
نلطم صدر نكسر ظلع لام الحسن
فدوه الك انتـه وهــلك يا بو علي
🖤🍀🍀🖤
انه من زغري اعله بيبانك يتيم
اتكفلتني وصرت للنعمه ولي
امخلي عيني بعينك وكلشي نسيت
و انه ادري ابعطفك اتباوع الي
ما الي شغله ابفلان ولا فلان
المهم عندي خدمتك يا بو علي
انه بين الناس احس نفسي غريب
انته اهلي يا بعد عمري وهلي
مثل الـهوه اتـنفسك طول العمر
خلي اظل بمجلسك طول العمر
عبدك بذل كل ما ملك يا بو علي
🖤🍀🍀🖤
اگبال اقرب ناسي دمعي ما يطيح
ومن يمر طاريك ترخص دمعتي
وين ما گالوا عزه اركض اجيك
ارد ابچي الناس هذي نيتي
عمل ما عندي إذا باچر اموت
بيك ازامط غاد ليلة وحشتي
راح اگلهم چنت خادم للحسين
يا حسين ارجوك اقبل خدمتي
انت الذخر وانت الامـل يوم الحشر
يشـهد الي دمعي الهمل يوم الحشر
المـن اروح انـي اســالك يا بـو علي
🖤🍀🍀🖤
من اشوف الماي يهظمني واصيح
ليش مات حسين ابوي من الضمه
من تشوف النار تچويني الخيام
آه يالحرگوا اگباله امخيمه
حسين يالشيبك صفه ابدمك خضيب
ما يكفي اعليك ابچيلك دمه
عهد حد الموت اظل ابچي عليك
والطم اعله الصدر قربه الفاطمه
گطع النحـر رض الصـدر ما ينسي
حرگه الخيم درب اليسر ما ينسي
هذا العمر مرخوص الك يا بو علي