كلمات قصيدة شوف مسلم محمد الجنامي مكتوبه كامله
قصيدة :- شوف مسلم .
كلمات :- الشاعر عزيز الفيصلي .
أداء :- الرادود محمد الجنامي .
-------------
غــريــب يا غــريــب الكــوفه
غــريــب يا غــريــب الكــوفه
---------------
شوف مسلم يالتريد اخباره
اگصد الذاك الشريف امزاره
----------
من تهد روحك على المرقد تطوف
بالبصيـره تگـوم مـن نـوره تـشوف
تلگه مسلـم بـيده مفـتاح الطـفوف
و ابو اليمه الهالمهمه اختاره
----------
حين طب الكـوفه واندار الأمر
و ردت الطـبع الغدر أهـل الغدر
وكـف مـسلم حايـر ايدير الـفكر
و البلد ما جار يرحم جاره
-----------
يفتـكر مـسلم الحـالة غـربته
وغربته يم دار طوعه جابتـه
طلـعت عالبـاب لـمن شـافـته
امبينه اعليه هيبته وعتباره
-----------
نشدته جنك ابن اصـل ونسب
أمر شعنـدك اشرايد من طلـب
كلها اريدن ماي جابتله وشرب
وكلبه من الهظم يسعر ناره
------------
ناديــت شــربيت مايـك يافــحل
وكفتك ماهي صحيحه ابهالمحل
كـلها انه ابـهالبلـد ما عـندي أهـل
هلي ويا مبعده هلي يا جاره
-----------
لو نشدتيني اعله كومي منهلي
بالمـدينة موطني و هاشم هلي
انه مسـلم وابن اخو حيدر علي
الـذلـت الكفــار مـن فقــاره
-----------
كلها مـسلم واهـيه نادت يا هله
هله بجيتك يبن اخو عقد الوله
ابعيني طب ياصاحب العز والعله
البيت الك ياحي هله ابخطاره
-------------
طب يبعد البيت واهله البيت الك
وانه خادمــتك وخـــدامــة هــلك
جايزه امخـــلي الخلــفية القـاتلك
شره الناس ابدرهمه و ديناره
-------------
دخل مسلم لچـن ما يكدر يهيد
ايفكر ابحالات ابواليمه الشهيد
الكاتـبوه ما يدري شاريهم يزيد
وخاف ظعنه غرب امن ادياره
--------------
بس ســواد الليل وانطر الصباح
لنه من كل جانب ايعلي الصياح
اجت طوعه اتحشمه ابصوت الفلاح
شد يمسلم جتك الغداره
-------------
كلهــا مســلم هالفــزع كــلما كــثر
اليوم اراوي الكوفه من يوم القدر
نفض روحه وزعل واشتد وانزجر
وطلع مغتاض وشهر بتاره
---------
سمه الكوفه ابعج عليهم غيمه
ويلگط الگالـط ابشفرة صارمه
بيه شـمره عمه حـماي الـحمه
اتغدي من زوده الزلم فراره
-----------
صبغ وجه اعجودهه ابدمهه وغده
ايزلزل الكـوفه وعـرش اهـل الرده
لــون ما غــدروه شــملهــم بـــدده
و الفلك بالعكس بيهم داره