كلمات قصيدة رسالة حسيني محمد الجنامي مكتوبه كامله
لطمية رسالة حسيني محمد الجنامي
قصيدة:- رسالة حسيني .
كلمات:- الشاعر كرار حسين الكربلائي .
أداء:- الرادود محمد الجنامي .
🖤🥀🥀🖤
رسـالة حـسيني بـمحرم كتبها
احبك حبيبي وخدمتك أحبها
يا أيها الخاكم .. خادم الك خادم
🖤🥀🥀🖤
جنن عقلي حبك .. و ابشرياني اكتبك
يا حبيبـي يحــسين والحــسين احبك
اسمك من عشگته .. باب الحب قفلته
گلبـي فتـشه و شوف ماكو غيرك انته
دورت بالگــلوب ماكو مــثل حنـانك
الدنيه ضيعتني ولمني وطن امــانك
يا اميــري بالناس مــحد اخذ مكانك
تباهيت عله الكون منو العنده مثلك
أمــل اهلي و الناس وابد مــا امــلك
عالنها للوادم .. خادم الك خادم
🖤🥀🥀🖤
سـر ابكل قصيده .. قـديمه لو جديده
اســمك مــن اگــوله گلها اتگلـي عيده
وجهك سر جلاله .. لاهل الحب رساله
يوســف يم خــيالك صــفر كــل جماله
مو عشك خرافات عشگي الك حقيقي
خادمــك يمــولاي ما تيــهـت طــريقي
ما اصــادق انسـان صار اللطم صديقي
ثلاثة اصــدقائي البــشر كلــها تــدري
البجي و الزيارة ولطمتي اعله صدري
گلبي يظل هايم .. خادم الك خادم
🖤🥀🥀🖤
دارس بالمــواكب .. وانه بـيها طالب
الما نجـح بالحســـين بالقيامه راسب
هذا كـل يقيني .. من اهلي مشتريني
بالهـــويه مكتــــوب عـبدك الحسيني
والدي اسمـيك اعظم شرف اخدمك
يا هـوه اليغرگون من اختنك اشمك
اجمــل النهايات تخلص حياتي يمك
الخدم بالمجالس يسموني قنبر
جبيـــره عـــليه بعــد رايد ازغر
كل مرجع وعالم .. خادم الك خادم
🖤🥀🥀🖤
من زغري اعله باب .. اخدم وي شبابك
امحـزم واطـبخ الزاد يحـسين ابـثوابك
عاشك گلبي كافل .. كتله و دمعي هامل
انه الــوزعت مــاي بســمك يا ابو فاضل
خدمة المواكب رتبة شرف جبيره
هيبـه اليخدمون من قمر العشيره
جربته العظيمه اتوزع علينه غيره
أمير الكفاله يوقع خدمتي
جفوفه عفته امانه دمعتي
رتبة قمر هاشم .. خادم الك خادم
🖤🥀🥀🖤
أهل الخـدمه كـلنه .. انتـه تـلم شملنه
بفطره نحسب حسين واحد من اهلنه
جنه بروحي تكبر .. وكل الدنيه تصغر
گلبــي حبك و صـاح يا شـريانه الابهر
گلبي دگته تصيح اعشـك اسم محرم
من اشوف الهلال يا حسرة بيه تنضم
حزني والمجالس عايش حياتي مغرم
دعاء امــي كل يــوم رب وفق ابني
ردت بس خدمتك وخذ كلشي مني
ما اسمع الايم .. خادم الك خادم