كلمات قصيدة ردت الخياله - ملا مجتبى الكعبي مكتوبه كامله
لطمية ردت الخياله - ملا مجتبى الكعبي
ردت الخـــــــياله اعليك يبن امي والخيل اهواي
وايگلب الحافر بيــــــك يالنايم ابليـــــــــه افياي
واحد خذه منك حيــــل والثاني بضــلوعك جاي
مابيه اصيح اعله الخيل عوفنه ماشـــــارب ماي
ابهيده يخــيل ابهيده شبچت اخوي اضلوعه
اخته واشوفه اگبالي من الســــحگ موجوعه
داروها يحسين الخـــيل وصلو يخويه الصيوان
ياخيمه شافونه انــروح حرگوها فوگ النســوان
اتدور اعلـــــــــيه الناس بين الخيم والنيــــــران
شدوها زينـــــــب بحبال ماتلحگ اعليهه اخـوان
دارت عليــــــــــــــه الوادم والدنيا ضاكت بيه
وين انطي وجهك اخلافك عباس تســمع بيه؟
راح الضعن يالعـــــــباس من ايـدك الدرب الشام
مشو خواتك بحــــــــبال من هسه مانلكه اخيام
ماتغمض اوياهـــــم عين فوگ الهــزل راح انام
ضربونه بســـــياط اليوم نسوان مابيــــن ازلام
راح الدلال ويه اهــــله والليله تبدي الهضمه
يخوانــــــــي اول تالي تگـــــعد رقيه بضلمه
شالونه للشام ابنـــــــوگ واخواني شالتهه ارماح
واليمشي من دون اخوان وي الغرب مايــــــرتاح
راحولي بالطــــــف اثنين عالمشرعه واحد طاح
والثاني عد هاشــم شيخ جوه الحوافر هم راح
كلهم گـــــضو بالعاشر اهل العزم والغيره
عباس كلفه الطيـــحه يابــــيرغ العشيره