كلمات قصيدة مات عمجن يالبنات ملا علي الوائلي مكتوبه كامله
لطمية مات عمجن يلبنات ملا علي الوائلي
قصيدة:(مات عمجن يالبنات)
الرادود: علي الوائلي
الشاعر: محمد الغزي
ـــــــــــــــــــــــــــــــــــــــ
يـالـبـنات ... يـالـبـنات مات عمچن يالبنات
...........................................
تلـگـنـي وصـلـنـي الـخـيم ردت ليچن فاگد
ابـنـياتي شتانن بـعـد عـبـاسـچـن مـا گـاعد
الآحـا مـو لـلـمـات الـي آحاه يضيني الزايد
واحـد لبوچـن بـي امـل ونذبح ذاك الواحد
مــنـــا وغــــادي تــحـســن بـهـاي
بناتي الماله واحـد ماله ڪل راي
ــــــــــــــــــــــــــــــــــــ
رديت ساڪت ما اون حسابلي محد يدري
لامـوش اخـو حسبالي ابـن ضميت موته بصدري
بس من رجعت اسمع ضحك ثاري الفراگ بضهري
بنياتي ماتدرن شكو من شهك عمچن حدري
عمچن صـاح آخ وطـلـعـت الروح
وعلي تمنيت ابوچن كون مذبوح
ـــــــــــــــــــــــــــــــــ
ما ضـلـت بعيده بعد اي جنت اكول ابعيده
متعمده الچم بيه كمت بس اللچم شيفيده
بعمچن شگد توسل من شفت روحي وحيده
لـو ما چـفوفه مگطعه جا دنگت بست ايده
مـوش بگلبه هـاي دك بـالـعـضام
گتله ابـشـاربـك عـبـاس مـا گـام
ــــــــــــــــــــــــــــــــــــــــــــ
رحت بعلي ويابو علي وبالروح مامش همه
بـنـاتي ما تـدرين شني ڪسرة الزلمه بزلمه
لو مـا شـمـاتـه عـلـه الـنـهر و الوادم الملتمه
ثغبت بس كضني الفشل هل ما مثغب يَمه
وصـلـت انـه اثـغـب من ندهته
بـس المستحه خـلانـي سڪته
ـــــــــــــــــــــــــــــــــــــــــــــــ
بلا فايده يطول العمر هيج الحسين يحسه
عـلـه الـضيم المن عـالقهر گـلن لبوچن بسه
خلني هـسه الوحدي وصيحلي زينب هسه
مـو دوم هـيـه امـدلـلـه مـنـا ورايـح تـنـسه
تطلع ارڪاض و ضـايـعـه تصيح
خـل اتـجـر عمود الخيمه وتطيح
ـــــــــــــــــــــــــــــــــــــــــــــــــــ
زينب اطلعي من الخدر راعي الخدر عافانه
لا مـال خـيـمـه لا ستر هسه البواچي هنانه
زيـنـب الـخـوه اطشرت هـسـه الهضم لمانه
عـبـاس مـيـت مـو سـهل ثغبن بناتي هنانه
گـابـلــن عـمـتـچـن وثـغـبـن يبوي
لا تسڪتن عـمجن الميت وخوي