كلمات قصيدة كون انه جوه الخيل اضل مجتبى الكعبي مكتوبه كامله
لطمية كون انه جوه الخيل اضل مجتبى الكعبي
أنسى الخيم كلي بهاي
ذبحوك ما شارب ماي
معقوله ما شارب
عطشان ويلاه مذبوح
يالعازتك ام تنعاك
ياموقف اكثر اذاك
طلعتنه ركضتنه
بيا كسره طلعتلك روح
يالما الك تجوه
ابجيلك امروه
مكروب ضاني منهضم وعينك للضعون
تتلوه لعيالك وين امي تنعالك
تكابلني اريد أمي تجي ونلطملك عيون
شسويت بختك يانفل ياخويه مو توك عدل
توك جنت كلك هله .وتتفكد احوال الضعن
من الله لاينطي الضمه .وشتلكه منك فاطمه
ويلي شنزل بالفله ياخد تلطمه ام الحسن
كون انه جوه الخيل اضل ولا شوفك بهذا الشكل
شعفت الخواتك يا جرح وعيونك تهون الهزل
شيردون مني ارضى اضل لو ترجع الاختك عدل
ماعوفك تضل للخيل ماكول عند اختك حيل
لحد ما اموت انه وياك
لاتون ياخويه وعيناي صوتك يكطع بحشاي
وشبيدي ياعضيدي
لو بيدي اعطل ممشاك
اخيامي حركوها وعيوني بجوها
وركضت كوه اعله لعيونك حسين
ياميت وموتك قهر مستوحد وما لك ظهر
شبيدي عليك او كربله .صارت عليكم أخره
والله وصيتك بالكلب وبعيني اخلي العايله
بس خويه تهضم ياحسين لو عفتك انه بكربله
ويكول عني الما دره عافت اخوها بالفله
ما اريد اودعك مااريد بس الحجي بيش يفيد
مو انت اليتودع بين الجثث والعسلان
ماطول تبقه اعله الكاع .لاتحسب ادموعي وداع
وعيونك مااخونك اختك وطنها التربان
كبرك انه احفرته وبجفوفي وسعته
بس خويه ذباحك رفض تندفن ياحسين
ياخويه كتلهم خلوني ادفنهم
بس العدو بسوطه واذه النساوين
سكته صعد كلبي وبجه . وعن كسرته ضم ماحجه