كلمات قصيدة حظرو الهوادج ملا علي الوائلي مكتوبه كامله
لطمية حظرو الهوادج ملا علي الوائلي
حظرو الهوادج يحسين
المن بعد متعطلين
ضيعت كلشي و راضية بكلشي
بالروح ادور عالروح
بس هسه كلش ماروح
مو أنتَ آنه الما أريد أمشي
ـــــــــــــــــــــــــــــــــــــــــــــــــــــــــــــــــ
من أمس ع الكعدة هايه
وجفني كلش ما غمض
راضية موش برضاتي
هذا عالروح انفرض
والله ودي وياك اروحن
بس شسويله المرض
گوة راح الزمها عنك عيني
راضية و ما راضية تخليني
العلة متحزمة وياي
خلتني اگولهن هالراي
مو انتَ اني الما اريد أمشي ..(٢)
ــــــــــــــــــــــــــــــــــــــــــــــــــــــــــــــــ
بوية هاي اسمعها مني
نخوة هسه مو عتب
عمري مو صاحب طويلة
كلشي من عمري انحسب
هناك تحتار انتَ بية
وانتَ ما عايز تعب
ما أريد امشي و ازيد جروحك
هناك هم يله انتَ تلحگ روحك
ماعطلك الدرب ابعيد
يابويه اتعبك مااريد
مو انتَ اني الما اريد أمشي ..(٢)
ـــــــــــــــــــــــــــــــــــــــــــــــــــــــــــــــــ
بية مو مابية حسره
اتضيّك اعلية الهوه
والله لو ما علتي آنه
هسه وياكم سوه
بس مريضة و دوه عندي
وماي رايدله الدوه
باچر الماي انتم اتدورونه
للعطش لو للدوه تنطونه
لعبدﷲ باجر لدواي
المن تدورون الماي
مو انتَ اني الما اريد أمشي ..(٢)
ـــــــــــــــــــــــــــــــــــــــــــــــــــــــــــــــــ
عوفني الله وياچ گلي
عوف گلبي المحترك
هدني الله وياك بوية
بعد شيفيد الشبگ !
بسك تروح و تردلي
احنه لازم نفترك
راح اودعكم مسحت عيوني
كافي روحو حسين تعبتوني
ودعوني بسكم تبچون
مايصلح اعله اليمشون
مو انتَ اني الما اريد أمشي ..(٢)
ـــــــــــــــــــــــــــــــــــــــــــــــــــــــــــــــــ
وجوهكم ديروها عني
هم رجع دمعي يصب
تريدني للبيت اطبن
روحوا انتم وانه اطب
راح اضل متانيتكم
بلكت ايعيش الگلب
بلكي عدله و بلكت تردولي
وكون ميته حسين بويه ادعولي
مادري عينك شتگول
أوداع العيون يطول
مو انتَ اني الما اريد أمشي ..(٢)
ـــــــــــــــــــــــــــــــــــــــــــــــــــــــــــــــــ
- حظرو الهوادج
الرادود | علي الوائلي
الشاعر | محمد الغزي