كلمات قصيدة عباس الكمرمجتبى الكعبي مكتوبه كامله
لطمية عباس الكمرمجتبى الكعبي
دمعاتــي نهر غربه وسفر والفاگـــــــد اهله
حيره حيرته بليه اخوته يمشي اعله هزله
مصيبه كلهم نومــــــــه عالغبره
مصيبه ماضل واحــــد انتضره
مصيبه رحت الوحدي متيسره
ياهلي ياهلي
ياليل احچي عـــن حالي ماضل واحد احچيله
شفت اخواني من طاحو ياهو المنهم ابچــيله
دامي ابكربله احســـيني والوادم خــذت حيله
وحدي وفزعـــــــو اعليه خويه افزعلي اوميله
وعباس الگمر گبله انكـسر واتبده مايه
مارد للخـــيم طاح الشهم وبصفه رايه
مصيبه حرگو خيمتـي الخضره
مصيبه ماضل واحــــد انتضره
مصيبه رحت الوحدي متيسره
ياهلي ياهلي
ماشاني النذل وســـــفه مطلوبه بكتل چــــني
ماتنطگ تــــــــرا الحرمه بس انه انضرب متني
مو شيمة عــــــرب هايه ليش الـــوادم اتذمني
علويه من اگــــــــل الهم ياهو اليـسمع ايسبني
واليحدي الضعن تالي الزمن چتال اخـــوتي
چـــم مره انذبح يم الرمــح من يعله صوتي
مصيبه واحد منســحگ صدره
مصيبه ماضل واحــــد انتضره
مصيبه رحت الوحدي متيسره
ياهلي ياهلي
امشي بناگتي ابحــــيره تاخذنـــي وترد حسبه
خلصت الدرب صـــــفنه بين امصدگه ومچذبه
اطلع من دلال اهـــــــلي للشام امشي متـــغربه
واتگــــــــــــود الزلم بيه اه من الــــسبي وتعبه
تعبني الحــبل لو جر طفل وينــــــادي عمه
اركض ونهطر بين الزجـر ياخواني زحمه
مصيبه ضعني بهيمه شيـستره
مصيبه ماضل واحــــد انتضره
مصيبه رحت الوحدي متيسره
ياهلي ياهلي
الماعدهه اخــــــو ابهمهه غير الدمعه ما عـــدهه
زينب راحت امن ايــدك عباس اگــــــعد وردهه
مشوني ابوكت نومـــــك ليش عــيونك اتسدهه
ماترضى اعله زينب دوم تمشي بهيمهه وحدهه
من يمك رحت خويه التفت مشبوحه عيني
يم راگ النـــهر يربي النـضر بلكـــت تجيني
مصيبه هانت بعــــــدك العشره
مصيبه ماضل واحــــد انتضره
مصيبه رحت الوحدي متيسره
ياهلي ياهلي
صارتلي الخرابه امچــــان بس الضلـــــمه تسترني
من حضن الخيــــم وكتي مدري بيـــــا درب ذبني
يحسين الوكت يمــــــــته بيكم خـــــويه يجمعني
واحچـــــيلك شني الغربه اخلافك شنهيي راوتني
بيه اشگد بچي ماينحچي ضيم الاسيره
مو ذيچ المــره زينب تـرا الچانت اميره
مصيبه وبگلبي الحچي اشكبره
مصيبه ماضل واحــــد انتضره
مصيبه رحت الوحدي متيسره
ياهلي ياهلي