كلمات قصيدة بطيتو اهواي وانه اهواي تانيت - علي الوائلي مكتوبه كامله
لطمية بطيتو اهواي وانه اهواي تانيت - علي الوائلي
قصيدة:(بطيتو هواي واني هواي تانيت)
الرادود: الحاج ملا علي الوائلي
الشاعر: محمد الغزي
ـــــــــــــــــــــــــــــــــــــــــــــ
بطيتو هواي وانه هواي تانيت
لحد ما بالصبر خليت نيشان
تأيس من عتبه وتيبس الروح
لاهي محصله شي ولا عمري خلصان
الأكبر من عطشكم عاطشه عليه
من ترد موش كل عطشان عطشان
يالعفتوني عدله وما تمرون تره الدنيا گبر للماله اخوان
وي كل ما اجر نفسي اتحسر ويلتمن حسبات بالي
يولاد امي ويا عز زينب كل شي ارحم من حالي
مره اصفن هنيالي بروحي ومره اصفن لا مو هنيالي
لو احط السيف وفرگاكم السيف ارحم لو كتالي
بيكم جيه لو لا
ـــــــــــــــــــــــــــــــــــــــــــــــــــ
الفاگد يختنك بس وكت الغروب
بس الفاگدتكم تختلف غير
عمر خلصته مغرب يالبعيدين
هاي الما محسبه بزينب تصير
اليفك ريجه بنعاوي اعله اليتاني
اتريد اتذبحه من تصبحه بالخير
امدوهن گلب زينب حته بالبيت
هيه ابيته ادري عليمن تحير
كد ما اتاني ومحد بين ملت روحي بكد. ما اتاني
هيه جروحي الشلعت گلبي يسكت واحد هاج الثاني
هسه الميت اي يتشاهد شو بس انه اخواني اخواني
كد ما مطيه الباب عيوني تعبت الباب وملوني
بيكم جيه لو لا
ـــــــــــــــــــــــــــــــــــــــــ
وكت وعيون زينب لازمه الباب
كطعت خوه ذن لو طكت البين
كون الماله اخو يحط راسه ويموت
بساع بساع كون الناسه ميتين
اليريد يموت لهله اعيونه تندار
وديرت عين زينب للحياطين
هيچ چفوفي تكسر خاطر الكاع
هاي جزاته التانتكم سنين
كلشي محسبه يصير بعمري وهاي الماحسبه البال
تنخه الكاع الما عده اخوه صار بزينب هذا الحال
كلهن ذني ارحم من هايه هاي التاكل بالدلال
مو جيتكم عوفو الجيه حته اشلونج محد كال
بيكم جيه لو لا
ــــــــــــــــــــــــــــــــــــــــــــــــ
عتب مو چي وحيده وليش ضليت
حچي الناس الأسمعه يكطع البتوت
نفس مابيه اجره مو حجي اللوم
وانه يجيبني وياخذني هل صوت
بس المو عزيزه الوادم تكول
محد يمشي بيه لمن تموت
هلي هذا اعله اختكم مو حلو الحال
اخت عشره وادورلي اعله زاتوت
حگه الوادم ما تعذرني وحگه الوادم من تلوم
لعنده اخوان ابكدي يغمض ومن يغمض ما مهظوم
عطشانتكم مرو بزينب اليدري بزينب خله ايكوم
ماضل كلشي من الموت اصعب والخوه تبين هل يوم
بيكم جيه لو لا