كلمات قصيدة اشدد حيازيمك محمد باقر الخاقاني مكتوبه كامله
لطمية اشدد حيازيمك | محمد باقر الخاقاني
إشدد حيازيمك صبر
هاي أخر أيام العمر
بآخر فرض و آخر فجر
تنشاف واگف يا علي
عالباب و أنحل مئزري
و اكلها روحي تحظري
راح اوگع بصف منبري
هذا ألوعد مكتوب الي
هِيَ وﷲ ليلة كسر خاطر بنات الزهرة
راح ينوخ جمل علي و تعلىٰ البواچي بكتره
صرت أنعىٰ روحي و آنه مهظوم
راح أمشي و أرجع راسي مهشوم
أوگف وأطيح و حيلي مهدوم
وعالباب أشوفن زينب تحوم
فگد الأبو و حضن الأبوة جارح
صوائحٌ تَتبَعُها نَوائِح ..(٢)
ـــــــــــــــــــــــــــــــــــــــــــــــــ
دَكّيت حصن الدنيا دَك
و فريت بچفوفي الفَلك
وهسه أنعىٰ نفسي بلايه شك
رايد خلاص من الألم
ما مرّة ضحكني الدهر
بس يا ما حاربني وغِدر
ثلاثين عام أبچي بقهر
و مأساتي من ضِلع إنهشم
هِيَ وﷲ ليلة جرح تهظم أهل بيتي هواي
أبقى طريح وآنه الچنت ألهم أبو وأُم و فياي
راح أمشي و أفرك أيد بالأيد
وگلبي على زينب جايها العيد
لا أُم تصبّرها على المصاب
ما ظَن بعد عن البچي تهيد
ويضل فكرها بالمصيبة سارح
صوائحٌ تَتبَعُها نَوائِح ..(٢)
ـــــــــــــــــــــــــــــــــــــــــــــــ
بگلب الأبو الهم ينكبت
من تبچي عند راسه بنت
و آنه العلية انحب چنت
حال اليتامىٰ واليتِم
راح أمشي و أترك چم إبن
يتامىٰ واليجبرني أون
زينب تصير أُم الحزن
بس هذا مو آخر إسم
هِيَ وﷲ ليلة وجع يجرح جفون أهل البيت
راح أنصاب ودمي يكِت و كلها تُون لو ونيت
بعصّابه صفرة و حسرتي تفور
على مخدراتي گلبي مكسور
يسمعّني وآنه أوصي عباس
ويخنگ صدرهن طاري عاشور
وخوفي عليهن بالوصية واضح
صوائحٌ تَتبَعُها نَوائِح ..(٢)
ـــــــــــــــــــــــــــــــــــــــــــــ
كل خطوة للمسجد أجر
بس بيهن أحزان شكثر
بهاي المسافة أُم الخدر
بيها أشترىٰ و باع الزمن
حَسّت بأن همها أبتدىٰ
و العَطش گرّب موعده
وحسينها يتم وحَّده
والنوگ شالنها و مشن
هِيَ وﷲ ليلة هظم تبدي بطبرتي على الهام
نَعي و دموع من طيحتي لحد الخرابة البالشام
كل هذا شفته وآنه مطروح
خيل و جمر و وليدي مذبوح
يوگع عضيده و خيمته تطيح
و أخته بهزيلة للسبي تروح
مشي الصحاري يغير الملامح
صوائحٌ تَتبَعُها نَوائِح ..(٢)
ــــــــــــــــــــــــــــــــــــــــــــــــ
- إشدد حيازيمك
الرادود | محمد الباقر الخاقاني
الشاعر | أحمد الهلباوي