كلمات قصيدة الرايه هاي النزلوها ملا علي الوائلي مكتوبه كامله
لطمية الرايه هاي النزلوها ملا علي الوائلي
(الرايه هاي النزلوها)
من قره وجوه التزوره عرف صاير شي عليج
وحالف بعينه الوحيده كون يوصل هسه ليج
خله ايده على شباجه الماهو كلبه
خايف عليج ويكول الغربه صعبه
رايتي الفوكاي تبجي...حجيلي شنهو الصار بيج
خويه من راحن عيونك...بعد ما ضلالي راي
الرايه هاي النزلوها...موش اول مره هاي
ماتو اخواني النشامه...واليفزعون بوراي
ومن تطيح الرايه اخافن...جي ذكرني بلواي
هنا بده كلبي يشيب...والغريب يضل غريب
ويلا يزينب. ويلا يزينب. ويلا يزينب
****
اخبارج من بعيد تكتل مثل الاسهام البعيده
لو مخضره جفوف عندي اكطعلج جفوفي الجديده
يا وحيده كلشي يمج لا يكلولج وحيده
شابك الحضره ويواسيني الحمام
لا اكدر اوصل ولا اكدر انام
خويه اذا عالرايه خوفك...والله حتى الرايه سهله
خاف يم شباجي شامت...باجر يسبني شكله
زحمه من شيبات عمري...بعد ماترهملي ذله
التعب هذا الشوفوني...ما تعبته وانه عدله
بدرب الحسين اليفوت...مايخلص من يموت
ويلا يزينب. ويلا يزينب. ويلا يزينب
****
شلون من سمعت رقيه بهاي الاخبار الخطيره
خايفه ومدري شتسوي حدر كبتها الزغيره
جم اسم صاحت وصاحت جم تعال
لا بقت ترجيه عدها شتطي وتفكها النذال
الغربه ما يحملها زلمه عزغير شلون حيره
خاف هم صاحو عليها تنهظم والله الحنيه
خاف هم عادو سؤال الوين ابوج التحبينه
خاف ماندري عذرها والمصيبه احنه درينه
شلون اذا كالت تجوني وبلنهايه مااجينه
يا بنيتي انتي تعاي...يمنه خير ويمنه ماي
ويلا يزينب. ويلا يزينب. ويلا يزينب
****
الليله ملغيه المسافه وماكو بين الحرمين
شايل الكافل حضرته وكاعد بصف الحسين
تشابكو يدعون وتصب الدموع
من يرد جفوف وينشف الدموع
فدوه لا تدعون يمهم هسه همه معلعلين
نخوه يزوار نخوه...والله يبقه المستعان
اخذو بس شباجي يمها...خاطر تحس بالامان
خافن الحضره جبيره...ومايكفيها المجان
التصير بضهر اخوها...ما يخوفها الزمان
عطشت سنين بجفاه...مدري شربت مدري لا
ويلا يزينب. ويلا يزينب. ويلا يزينب
****
الرادود: الحاج علي الوائلي.
الشاعر: سعد عواد الهدابي .
الذاكر: ليث القاسمي.