كلمات قصيدة العروة الوثقى - حسين الزغير الكربلائي مكتوبه كامله
لطمية العروة الوثقى - حسين الزغير الكربلائي
سَطرٌ عَلىٰ وَجهُ السَمَآ يَبقىٰ
إِنَّ الحُسَيِنَ العُروَةُ الوِثقىٰ
ــــــــــــــــــــــــــــــــــــــــــــ
حاء و سين ياء و نون معناها هوى الريه
عبدك وآنه چيَ عبدك أتفّهمت الربوبيه
لأنك ساكن بگلبي نبضات الگلب سكته
لو خُيرت بين أثنين أختارك أنت لو أنت
حالف هالگلب للموت دوم حسين سالفته
قَالْوا كَفىٰ وَ قُلتُ لِلغَرقىٰ
إِنَّ الحُسَيِنَ العُروَةُ الوِثقىٰ ..(٢)
ــــــــــــــــــــــــــــــــــــــــــــ
كل شي يقترب منك أملاك السما تقدسه
بيك الناس تعرفنا أسمك تاج و نلبسه
أول عاري و مسلب ينطي لخادمه ثوبه
وأول ضامي بالدنيا ضامي و يروي محبوبه
وأول منذبح ويصير أكبر باب للتوبه
فيِ كَربَلاء وَ سِرُّها المُلْقىٰ
إِنَّ الحُسَيِنَ العُروَةُ الوِثقىٰ ..(٢)
ــــــــــــــــــــــــــــــــــــــــــــ
ماي وجوهنا منك لأنك ما شربت الماي
عليل بدفتر إحسانك يبو اليمه تكتبه هواي
والي تاخذه الدنيا لدربك سيدي ترده
يحسين أنت للمحتاج چفك دومك تمده
خليني أعله بابك دوم تحله ببابك الگعده
نادىٰ رَأينا الغَربَ وَ الشَرقا
إِنَّ الحُسَيِنَ العُروَةُ الوِثقىٰ ..(٢)
ــــــــــــــــــــــــــــــــــــــــ
ثنين عيون ما تكفي أرد ابچيلك عيوني
وحشم بالرمش يحسين حد ما توگع جفوني
الدمعة مالحه لاچن تحلى بعيني أدريها
الدمعة عليك بالمحشر لجهنم تطفيها
الدمعة فاطمة أمك تسعدها و تواسيها
بِدربِكُم للحَشرِ لَا نَشقْىٰ
إِنَّ الحُسَيِنَ العُروَةُ الوِثقىٰ ..(٢)
ـــــــــــــــــــــــــــــــــــــــــــ
خلي الدنيا كلها تروح بس كون انت تبقالي
وياك الما إله أول حتماً ما إله تالي
نتعب والتعب يحسين دوم بخدمتك راحه
نذنب والذنوب هواي يالخدمتك مسّاحه
گلب العاشقك مقفول يمك صار مفتاحه
ضامِي الحَشا يَسقِي وَلا يُسقىٰ
إِنَّ الحُسَيِنَ العُروَةُ الوِثقىٰ ..(٢)
ــــــــــــــــــــــــــــــــــــــ
- العُروَةُ الوِثقىٰ
الرادود | حسين الزغير الكربلائي
الشاعر | حيدر المعلم الكربلائي