كلمات قصيدة الاعرابي محمد بوجبارة مكتوبه كامله
لطمية الإعرابي محمد بوجبارة
يا گاطع دروبٍ طويله
وياك اخذ دمع العليله
وگصد للعراگ
_____
تِرجّل يالعرابي وسمَّ بالله
وبين بالنوايا مگصدك وين
أَنه مضيعه ابو ذابحني فركَاه
يعم انا العليله بنت الحسين
شد عله ظهر السبوگ
من
گبل وكت الشروگ
اخذ مكتوبي لهلي وگل الهلي گلبي يحبهم
اِتبع اثار النياگ
واوصل الارض العراگ
احبابي لمن سافرو ما خضرت شجره بدربهم
______
إسرع بالخطى وسبُگ خطى الريح
واوصل يم هلي اشراف الانساب
ومن توصل مضاربهم بِهُم صيح
لَكُم من العليله جايب كتاب
حالي بچه الراسيات
لا خوان اولا خوات
حتى عبدالله رحل ولمن رحل ماتت فرحتي
اختي وين واو امي وين
لا بوفاضل لا حسين
لا علي الاكبر رجع ولا جاسم وكلبي اعله عمتي
____
اوصل يم هلي وخبرهم الحال
وگلهم يا هلي يمته ترجعون
شالت وي ضعنكم راحت البال
ونوم العافيه ما مر بالعيون
بابي من اتدفعه ريح
اركض و اعثر وطيح
وما شفت طارش لفه يهل الوفه. يبشرني عنكم
ليل المفارگ طويل
ومارحم گلبي العليل
وينكم يهل الرحم گلبي انهظم رايد ضعنكم
______
وصل ذاك العرابي وشاف الحسين
الا من ناصرٍ وحده ينادي
اخذ مكتوبها وخلاه عالعين
وبچه ساعتها ريحانة الهادي
والدج وحده غريب
لا بّرير او لا حبيب
ذبحو اصحابه وهله وبكربله متاني المنيه
مات ضامي اعله الفرات
وينسبن المدللات
والاشد من الذبح وعظم جرح زينب سبيه