كلمات قصيدة احضر عزه الضامي | علاء التميمي مكتوبه كامله
لطمية احضر عزه الضامي الملا علاء التميمي
اذا مــا تـنـشـكـر تتـلاشى كل نعمة
وضواها اوي الوقت يتهاوى للعتمة
امـــانـة فـاطـمة للـشـيـعة منـطتها
المجلس والبچي واللوعة واللـطمة
ادخل وافهم.. العزا بي فاطـمة
تبجي عالضامي.. بعيون مورمّه
بـالـك اتبـرده.. جـمر گلـبك اله
اشعل بـروحك.. لهيب امخيمه
حسين حسين
______
النيّة الــ للعزا بيها تجي وتحضر
رزق من فاطمة بهالحالة اتفكّر
اسعى برزقك واستجدي هالنعمة
احضر عزا الضامي وين ما تگدر
نيتك اخلصها..بچـي ولوعة ولطم
ولا تضل ضايع.. تـدور عـالـ الاسم
اتــرك الــوادم.. ومـرامــك جـرّده
مـجـلـس الـزهرة.. فقط للمنلچم
حسين حسين
______
العــزا كلّه عزا امـن اليقره للينـعى
الخطيب ابلغهم ولابد أنْ اتسمعه
مـا بيـها افضـلية وحسب ماتهوى
والّا يــنـفـقـد مـصـداقها الدمـعة
ولا تفـرّقهـن ..مــنو ناعـي العزا؟
وگـلبـك اتحـذّر.. بغـفلتك توكزه
المجلس امقدّس.. اخيره واوله
اخر المجلس …حصاده وُمنجزه
حسين حسين
______
إنَّ فـاطـمـة بـالــمــجلـس اتــذكّــر
بأدب لازم تجي صوب العزا وتحضر
توضّى وادعي بلكـي تـرزقك الدمعة
كـريـمـة ومـا تـرد البـالعــرش كوثر
وگـفتك بـرّة.. شتـنفـعـك يـا فطن
إستفاد إدخل.. استمع كي تطمئن
خـلّي بـجـروحك ..مصـيبة بكربـلة
سـيـد الامّــة ..بـحـصـيـرة منـدفن
حسين حسين
______
بصدر المجلس اصحاب الكسا تنحب
ايـتـوســطـون العــزا عالبلفله اتغرّب
الامــام المـهـدي يـنـظـر جدّه بعيونه
كساء اهل الارض فوك الثرى امسلّب
عالجرح تسفي.. بهضم ريح الصبا
انعى لجروحه.. الـ على اهله متربّه
ابجي اله حد مـا.. تـذوبل وجنـتك
بالك لــدمـعـك ..تـجي عدوى الإبا
حسين حسين