كلمات قصيدة وين أهلنه الملا محمد باقر الخاقاني مكتوبة كاملة
كلمات لطمية
*{{ويـن اهـلـنـه؟!}}*
للرادود : محمد باقر الخاقاني
----------
يا هلي هذا ظعنكم
هذي زينب.. مو غريبة
هاشمي ما صاح منكم
هذي زينب.. مو غريبه
مو غريبه.. كرهته هالإسم
مو غريبه.. بعد كافي انلچم
ظعني راجع.. خلص درب السبي
ظعني راجع.. يحينا الطالبي
واصيحن يا هلي وين
يالشام.. هاي بيوت اهالينا
ما نام.. بخرايب بيها تسبينا
يالشام.. ما نام.. بعد للوطن ردينه
*{وين اهلنه.. وين اهلنه}*
راح اذب حبال اديه
حبال المن.. مو سبيه
ها ينسوان المدينه
عني گولن.. مو سبيه
مو سبيه.. دخلت دار الاهل
مو سبيه.. انا خدري مثل
وصو جاري.. ظلي ما شافه بشر
وصو جاري.. لا يصدگ بالخبر
وصو جاري.. يسد اسماعه والعين
يا جار.. خيالي الما شفت رسمه
بالنار.. احترگ ما وصفته الچلمه
ياجار.. بالنار.. احترگ خدري وصواوينه
*{وين اهلنه.. وين اهلنه}*
يالفضل وينك يعمه
مدلي ايدك.. زينب انه
كافلي فارگت رسمه
وجيت اريدك.. زينب انه
زينب انه.. وشفت طولك نهر
زينب انه.. وردت وجهك گمر
رايه گالو.. خضرت بايد الفضل
رايه گالو.. لعمتك شايلها ظل
رايه گالو.. هوت محتاجة چفين
وياي.. يعمه الجود الك جبته
بالماي.. ابوك الگه طعم بخته
وياي.. بالماي.. ابوك الگاها چفينه
*{وين اهلنه.. وين اهلنه}*
راجعه يا دور اهلنه
بظعن مسبي.. وين اهلنه
بيه فزن من وصلنا
جروح گلبي.. وين اهلنه
وين اهلنه.. ظعن زينب اجه
وين اهلنه.. انگطع بيه الرجا
ياحسافة.. طفه موگد هلي
يا حسافة.. ولا فزاع الي
يا حسافة.. چفوها دلال الحسين
خوان.. ماكو من اجت زينب
وليان.. تگابل ظعني وتنحب
خوان.. وليان.. محد دار الي عينه
*{وين اهلنه.. وين اهلنه}*