كلمات قصيدة مشايه نتعنه محمد الجنامي المشايه 1446هـ مكتوبة كاملة
قصيدة :- مشايه نتعنه .
كلمات :- الشاعر حسن ميثاق الربيعي .
أداء :- الرادود محمد الجنامي .
🖤🔷🔷🖤
مشايه نتعنه .. هذا الدرب جنه
مشايه نتعنه .. هذا الدرب جنه
🖤🔷🔷🖤
ابعين البصيره يا ناس شفنه الدرب غايه
نتقــرب الــرب الــكون من نمشي مـشايه
شفنــه القليــل الننــطيه يتحــول اهوايه
واتحــيي كــل الـــزوار لــو رفــت الــرايه
ابعين الكلب شفنه .. هذا الدرب جنه
🖤🔷🔷🖤
امن اسمعنه زينب لحسين من اليسر ردت
آلاف تتبــع آلاف مــن كــل شــبر طلــعــت
عــدنه عــهد ويـه ام عــون من الذر اتثبت
كــل عــام تطلـــع زوار نستــقبل الـرجعــت
و ابكل شجن صحنه .. هذا الدرب جنه
🖤🔷🔷🖤
كــل مــوسم ايزيد الـخير عالموسم القبله
اتوحــد شــعار الــــخدام هيــــهات للــذله
و كــربله صــارت يا ناس لكلوبنــه الــقِبله
كل موكب ابدرب حسين ناصب عزه لجله
ننصب فواتحنه .. هذا الدرب جنه
🖤🔷🔷🖤
نتلكــه زينــب كل عام بكلـوبنه العبره
جمـره حزنها توج دوم ما تبرد الجمره
هذا الدرب متأكدين بي تحضر الزهره
وتمشـي لبنها المذبوح بظلوع منكسره
يم الحسن كلنه .. هذا الدرب جنه
🖤🔷🔷🖤
لا طاب والله العيش من بعد أبو اليمه
نعتبــر بالممشه اهواي من ينذكر اسمه
لو دورت بالتــاريخ تلــكه المـشـي قمه
بس انوي ثق من لا شي تطلعلك النعمه
بهل نعمه نتهنه .. هذا الدرب جنه
🖤🔷🔷🖤
ولو تتعب ويكضي الحيل وسط الدرب حاول
تتذكر اشـــسوه حســين و اتكــول يستــاهــل
و أتذكــر انتــه ايتانــيك بالطــق گمـــر كـامــل
يــومي ابمنـــاراته اهــناك عبــاس أبــو فاضـل
العباس فهمنه .. هذا الدرب جنه