كلمات قصيدة عشك فطري ادخل ضريحه حسن المالكي نادم مكتوبة كاملة
بالسراء بالضراء ....حيدر حيدر
سر نقطه حرف الباء ...حيدر حيدر
بالاكوان انس وجان. نحيى انموت وياه
علي مولاه علي مولاه علي مولاه مولاه
فلا ادري عشك فطري ابمهدي وكلبي حن لاسمه
اذا بضلمه انحجه اسمه المدد ياتي بشكل نسمه
علكنه صوره على وبيها ضوه البيت
المابيه صوره كبر يتسمى مو دار
سقف الاماني ارفعه احجي التمنيت
امي تشدله العلك وتحل الاكبار
أسد الله المحبوب حيدر حيدر
امأسر بالحب اكلوب حيدر حيدر
روح الروح ...بيه مذبوح بكل تفكيري ألكاه
علي مولاه علي مولاه علي مولاه مولاه
______
يعذرونة. اللگه عيونه ..ينسى الارض والبيها
الشمس تغرب ..صلاة الحب.. بعلي ابدي واصليها
أسوه اليه بعلي من صرح وگال
انّي عبدتُ ربي مو خوفي من نار
واني لگيته علي اهلاً للثگال
شيعي وعشگ أعذره وهذا العشگ حار
عين و لام و ياء. ... حيدر حيدر
اتخضرله الصحراء... حيدر حيدر
الفقار ..حب يندار ..من اليسره و يمناه
علي مولاه علي مولاه علي مولاه مولاه
_______
نشوفه الفي...نشوفه الضي
ونشوفه الاجدر بكلهن
ابطن الحوت ..اجاه الموت
النبي اتيقن علي ايحلهن
بهاي العبارة أختلف للعندة مقياس
(لاينفي ماعداهُ اثبات شيئاً)
العنده علي اشتنفعة الباقي من الناس
كنز الله بأختصار وماعنده أثمن
سبحان السواه ...حيدر حيدر
بالذر ونهواه.....حيدر حيدر
يقسم صار ..جنة نار. ابحبة ورربنا انطاه
علي مولاه علي مولاه علي مولاه مولاه
_________
ابرودة حِب ..علي يجذب
المحنة بعينة والخزرة
السمه والگاع ...الها اشراع
وصار اشراع للفقره
ادخل ضريحة نادم امحمل اذنوب
وگلبي حطب اگله رجّع خضاره
ويمسح ورقتي بيده ويطهر الاگلوب
ادخيل العلگ والحضرة وي المناره
بالحضرة انساه الكون ..حيدر حيدر
يمهون. الي متهون.....حيدر حيدر
يا قرءان ..يانيشان. بگلب الي والاه
علي مولاه علي مولاه علي مولاه مولاه
_____
بالاذان... أطمئنان. ... اذكره و اوصل الربي
ابرفعة راس..بين الناس..أمشي چي أله حبي
فترة ويجي مماتي ويمه مقري
وارفعها ايدي وتجي تنقذني ايده
بأسمك اكله اسولف كل ذاك عمري
وتشهد على كلامي هاي القصيدة
منكر يسأل شتريد؟ حيدر حيدر
غرگان ومدلي الايد حيدر حيدر
ابغض بيه واعشگ بيه ...دمعة حب واه
علي مولاه علي مولاه علي مولاه مولاه
----------
خادم ام البنين عليها السلام
عباس علاوي البهادلي