كلمات قصيدة شهر خدمه محمد الجنامي مكتوبة كاملة
قصيدة :- شهر خدمه .
كلمات :- الشاعر وسام الشويلي .
أداء :- الرادود محمد الجنامي .
💚🏴🏴💚
شهر خدمه و دمع بي ننجمع نحيي الشعائر
نعم دعوة شـرف من الهـتف هل مـن مناصر
ابـدلـيل و مـعرفـه ... ضـمايـر هاتـفـه
يــا حـــســـيـــن
💚🏴🏴💚
نعم هاي المجالس .. صفت أشرف مدارس
بسم رب السمه و حب فاطمه الليله بدينه
عشگنه وما يهمنه .. و خسر كلمن يذمنه
يظل عدنه المهم ام الحسن ترضه علينه
الليله ابدفترها اتسجلنه و بالاسامي
اتعاين لليبجي و اليصرخ يا أمامي
و اتگلكم الكم تقديري واحترامي
العقد نيه و حضر بالمـختـصر هذا موقف
ابسجل ام الحسن خادم وفي اسمه توثق
غـيـور ابـمـوقــفـه ... ضـمايـر هاتـفـه
يــا حـــســـيـــن
💚🏴🏴💚
السنة اشهر عددها .. اثنعش لكن عمدها
محرم مو شهر يمتد دهر اي للقيامه
هذن عشره الليالي .. خذن كل المعالي
يرسمنه تضحيه عزه وشرف رفعه و كرامه
مو قصه عشره نحييها القصه عشره
ومن يوم العاشر و احدنه يبني عمره
مو فتره و تخلص للمحشر بينه جمره
مواقف معلنه طول السنه حبنه الحقيقي
الشكل و المحتوى طف نينوى هذا طريقي
ابــعقـل وابعـاطفـه ... ضـمايـر هاتـفـه
يــا حـــســـيـــن
💚🏴🏴💚
اللطم يحمل معاني ... حزن وحب وتفاني
نزگيها النفس واشجم درس من هالشعيره
العلم لمن يرفرف ... تسجل هذا موقف
على الثار انرفع و الشايله جف كله غيره
و الطالع يمشي مو فارغ عنده غايه
زاير عرش الله الثأر الله بيده رايه
لحسين الغالي يترتل حبنه ايه
تره حسين الهوه حسين الدوه الحاضن جرحنه
شنو زاد و ملح عشرة جرح وياه صبحنه
جرح بس بي شفه ... ضـمايـر هاتـفـه
يــا حـــســـيـــن
💚🏴🏴💚
منو الشايفله ضامي ... وحيد وجسمه دامي
نزل نـزلة نـهـر روه الـبـشـر هـاي الـكـرامـه
ابـرمح راسـه التعله ... گـطـع راس الـمـذله
نصب النه خيم و انطه الثمن حركة خيامه
هذا البالظاهر و المخفي اهوايه أكثر
الدنيه وما بيها يم اصبع جفه تزغر
اشما نكبر احنه ابداخلنه حبه يكبر
اشگله الما دوره يرجع وره كل ما تقدم
صدك هوه الصدك هوه العشك يشهد محرم
الكـلب بيـه اكتـفه ... ضـمايـر هاتـفـه
يــا حـــســـيـــن
💚🏴🏴💚
جمع حبه و غرامه ... دموع و ابتسامه
سمح وكت الصلح سيف ورمح وكت المعارك
نـعـرفه وما نعـرفه ... و ابو فاضل يوصفه
صور غيره و وفه حب عاطفه اباثاره تارك
عباس ايرسمه اعله الشاطي اجفوفه ريشه
و مضمون اللوحة ابلا حبه ماكو عيشه
حسين و بس هوه قائدنه و احنه جيشه
على الشاطي انقش ان العطش للحب ضريبه
الدمع بي ينكتب طبع اليحب يوفي الحبيبه
الـعشـك رايد وفه ... ضـمايـر هاتـفـه
يــا حـــســـيـــن
💚🏴🏴💚
تـره القـصه طـويـله ... و تسولفها العقيله
البدايه ابكربله متسلسله و ابلا نهايه
و يجينه المهدي باجر ... يسولف شنهو صاير
نموت امن الحزن من نستمع كل الحكايه
هذا الواصلنه مو كل شي المر عليهم
صار اعظم و اعظم والمهدي يدري بيهم
يا هضم العتره يا همهم يا سبيهم
وحگ هضم السبي و نحر الأبي وجف الكفاله
يجينه المنتظر بسم النحر يمحي الضلاله
تـهب العـاصفـه ... ضـمايـر هاتـفـه
يــا حـــســـيـــن