كلمات قصيدة محرمنا العشك مصطفى السوداني مكتوبة كاملة
كلمات الشاعر:- حمزة السماوي
الى من ينتظر
بأحر من الجمر
شهر يسوه العمر
محرمنه العشك
بلطم نستقبله
هله ومية هله
محرم بوصلة
الى الحب الصدك
——-
وين اليتانون
امن العام المضه من عزلت كل المواكب
لمعه بالعيون
لمعة بعين عاشك ينتظر هيجي نراقب
لازم تسجدون
مو سجدة شكر سجدة دمع للزهره واجب
غيرك عوفه اذا عيد
من هسه البس الاسود
يخلص عدنه رمضان معناه عاشور
البيوت بصدق نيه
تحول حسينية
بينه لخدمة حسين بركان ويفور
مشه كوه الوكت
لمحرم نلتفت
تعال اتاخرت على الحايط ندك
بلطم نستقبله
هله ومية هله
محرم بوصله الى الحب الصدك
——-
مانلتهي دوم
تفكير الخدم كله عزه ودمعه ومجالس
وانخيط اهدوم
وبالركضه نشكهن بالعشك علمنه عابس
ما نعرف النوم
شهرين احنه ما نغفه ابد للخدمه واهس
صح طول السنه اللطمه
بس عاشور اله طعمه
كلشي يختلف بيه والنوح والاه
كلشي يروحله فدوه
حتى الشعر هم اقوه
شنقره فاطمه تصيح الله الله
اجه اكبر السفن
ومنبه للحزن
يضل بينه يون الى ان نحترك
بلطم نستقبله
هلا ومية هله
محرم بوصله الى الحب الصدك
——
شيخلص الايام
اصعب شي اذا كلنه اسمنه بلايه خادم
وفرحو يخدام
عندي الكم خبر من هسه بالايام قادم
اكثر من العام
عدنه هالسنه اكثر تره تصير المآتم
بكل شارع اكو موكب
ما يبقه شبر يعتب
علكنه السوادات واتكول تشييع
الصعبه تصير اله سهله
فرات نوزعه وي دجله
يخلص عدنه نهرين لحسين توزيع
بعد ماكو ضمه
مطرنه وي السمه
نفرح فاطمه بنواعي ونختنك
بلطم نستقبله
هله ومية هلا
محرم بوصله الى الحب الصدك
——-
عِشره اويه عاشور
العِشره ما تهون الا عله الما عنده دمعه
ياربي مشكور
جي عاشور رد وبيه حيل بمجلس انعه
ما ريد معذور
ما تعذرني اريد الزهره اذا ما بيه فزعه
مهما يحصل ويايه
لازم ارفع الرايه
لو بجنازه محمول ابجي عالحسين
طول السنه امداريني
لازم ابجي لحسيني
اسمه تاج مولاي عالراس والعين
ابو گلب الابو
منو بكده منو
الي واكف كفو ولا عنه افترك
بلطم نستقبله
هله ومية هلا
محرم بوصله الى الحب الصدك
——-
نختمها بدموع
لمن نندعي للغايب الحاضر عزانه
موضوعه موضوع
الله يسهل طلعته ويرفع لوانه
ما يعبر اسبوع
الا قرينه الندبه ونتاني زمانه
امحرم احلى بالمهدي
جنه استوه من يبدي
جدي ايصيح عطشان عريان مسلوب
وكلنه بكربله نلتم
نشوف عيونه تنزف دم
شكد باجي عالحسين مولاي متعوب
ويجي اجمل خبر
بحضور المنتظر
سنه يصير الشهر الكلب بسمه يدك