كلمات لطمية كاسرني محمد الجنامي

 كلمات قصيدة كاسرني محمد الجنامي مكتوبة كاملة

 قصيدة :- كاسرني 
 كلمات :- الشاعر ميرزا عادل اشكناني .
 أداء :- الرادود محمد الجنامي .

🖤🖤🖤

كاسرني امصابك كسر امرايه 
يذبحك سيفي و تذبحني حجايه 
مطلوب ادموع اعليك اهوايه اهوايه 
وابجيلك قضه .. عن دهري المضه 

🖤🖤🖤

يمولاي الحزن اكبر من احجايه بقصيده
قديم امصابك وبيه جديد شما اعيده

الناس تدور عالراحه وراحه بالي بهذا النوح
آنه الطين بلا روح و ذكرك ينفخ بيه الروح
مثل امرايه المكسوره اجرح غيري أو كلي جروح
.. عــايـــش مــذبـــوح  ..

ما أقنع من يحركني صوابك 
كون احرك غيري بنار مصابك 
وابجي لكل سهم اتعده اطنابك و صابك 
و اترس هالفضه .. عن دهري المضه 

🖤🖤🖤

امانه خدمتك كلفه وعجز يحملها جتفي
اعيش اسنيني مديونك انوح وما اوفي

ما تكفي ادموعي وربك بس خالقلي عيون اثنين
وما يوفي مصابك لو يتحول كل العالم عين
شبجيلك وانت اعليك الزهره تلطم عالخدين
.. عــــذرا يــحــسيــن ..

يا حزني البيه نسيت احزاني
ويا وردي الما طاح من الساني
وحدك انت وماكو ابوجداني ثاني
قلبي اتعوضه .. عن دهري المضه 

🖤🖤🖤

يطيب البالبدن جرحه وانا جرحي بشعوري
القطع منك نحر مني قطع منحر سروري

مدنك رأسي من ابجيلك واستغفر جرحك مولاي
اتهنا بزاد وماي وانت بلا زاد ولا ماي
يالمالك كلشي آنه اكبالك ما املك بس هاي
.. دمـــعـــه عـــينـــاي ..

لا طعم ولا لون لايامي
بس لون الدنيا بعين الظامي
مغمض عيني و شفتك جدامي دامي
لهسه امغمضه .. عن دهري المضه



حجم الخط
+
16
-
تباعد السطور
+
2
-