كلمات لطمية حكاية عشق مصطفى السوداني

كلمات قصيدة حكاية عشق مصطفى السوداني مكتوبة كاملة

حكاية عشق  مكتوبه

قصيدة :- حكاية عشق
كلمات الشاعر :- ميثاق الحمداني
---------
ما كل هذا العشگ  . بالخدمه مولاي 
ضامي انت وبموكبك . ما أكثر الماي 
يا فتية آمنوا بحب الحسين 
تعالوا هذا العشگ . رايد حچي هواي
أحبتي لهالدرس . خل ننتبه زين 
واحد يحب الگلب . ما يقبل اثنين 
وملاحظة من ذهب . ما بين قوسين 
ماكو حبيب اوّلي . إلحب للحسين
..... 
من لطفك اريد اسأل بامر حاير بيه 
ما أجر اليحب ابو علي ويبچي اعليه
ولو طاح المحب هل يا ترى يحضر ليه؟ 
يحضر ليه

إليحبه يدلله . واجره خير اليبچي اله . واليطيح بمشكله . يگصده لبيته  
ومو فقط قصة اجر . چم ضلع بيه منكسر .  وهو يحضننه شكثر . يا حنيته 

من لطف  سؤالي ما أجر اليخدموه 
وما ربح الذي يمشون اله ويزوروه 
يصير اني اخدمه؟ وامشي اله اويه الحبوه 
اويه الحبوه

ال بالموكب يخدمون الهم اجر مضمون لا مايعد ثمنه
يحصل الصبح سقاي  بكل شربة من الماي سبعين الف حسنه
اما اليزور حسين  باجر قرير العين  وماخاب من امنه
للجنه يدخلها قبل البشر كلها بأربعين سنه

هذي حكاية عشگ . عن واحسيناه
وللغالي صرنه خدم . فالحمد لله 
من هسه خل نتفق . حبنه مننساه
داينّه الحسين دمه . ونسدد الدين



حجم الخط
+
16
-
تباعد السطور
+
2
-