كلمات قصيدة دعوة للطوائف باجر عاشور كله تزور الرادود خضر عباس مكتوبة كاملة
• اداء الملا : خضر عباس
• الشاعر : امان شهيد المرشدي
----------
من طائفة شيعية
دعوة لكل قومية
كربلا منهجي
تنتظر اليجي
صوت الإنسانية
---------
دك جرس انذار.. صرخة دار.. تحمل ثار.. قادة
بكربلا قد حان.. صوت اذان.. للاديان.. نادة
والخبر الهام.. من الاسلام.. لكل اقوام العالم
بلغة القران.. لكل اديان.. انتم اخوان.. من ادم
كلشي حسب تكوينة.. خل يجي واحنا نعينة
دعوة لكل وفي.. مو حجي طائفي
بل حجي مصداقية
-----------
بس فكر زين.. وافتح عين.. شوف حسين.. بينة
جاب السبعين.. كلمن دين.. حتة يعين.. دينة
رافضي ويا ..نصراني دعا.. ناذرها دما بطفوفة
يعني اخو عباس .. بهالمقياس.. لكل الناس.. نشوفة
مو مهم شقوميتة.. المهم انسانيتة
بكربلا موقفة .. ولكل طائفة
فاتح باب الجية
----------
كل حجي مدروس.. حب متروس.. للهندوس.. دعوة
ديني التوحيد .. منة يريد.. ايد بأيد.. واخوة
زرادشتي هنا.. صابئي نرعاه.. كل فئة ويا ربحانة
بكداش أدعي.. سني أحيي.. يا مرحبة بي ويانة
هذا حدث تاريخي.. بوذي بهائي وسيخي
تحتوي كربلا .. اصناف الملا
والتفرقة ماهية
-----------
مبدئي مرهون.. مو عاللون.. حاشة يكون .. فوضة
بمذهبي موجود.. شيعة هنود .. بيض وسود.. يرضة
روحانيين.. افريقيين تصير فياي الحضرة
زوتشي وياي.. أيزيدي الجاي .. تصير فياي الحضرة
ذاك مسيحي نريدة.. عيسى يزورة بأيدة
اعجمي اجنبي.. مبدأ مذهبي
تقديس الحرية
----------
باجر عاشور.. كلهه تزور.. والجمهور.. واحد
ما بينة الكال.. هذا منين.. درب حسين.. شاهد
اي والقران.. الشيعة احنان.. احنا الانسان انعشكة
خل كلهه تشوف.. علة المكشوف.. اثنين جفوف.. تشبكة
احلا لقاء انساني .. الراهب والسيستاني
ملتقة ممتلي.. حب عيسى وعلي
يم اعظم شخصية