كلمات لطمية خايف اموت مصطفى السوداني

 كلمات قصيدة خايف اموت مصطفى السوداني مكتوبة كاملة

قصيدة: خايف اموت

الرادود: مصطفى السوداني

كلمات: ياسر المطوري

-----------

خايف اموت وتخلص سنيني

وهاي السنه ما اخدم حسيني 

محرم .. احسب وتاني لجيته 

محرم .. أحيى واموت بخدمته

........... 

تركض سنين العمر 

جدم حافي اعله الجمر 

وانه خايف عمري يخلص هالليالي 

خوفي مو من الأجل 

ولا ابد فركة الأهل 

خايف مجاني بمحرم يبقى خالي 

الله يشهد والنبي 

انه روحي بموكبي

وانه غير حسين ابد ما عندي غالي

شلون لو لفني الجفن

والمحرم كلبي حن 

بالكبر وبلايه خدمه شلون حالي 

متعود انه بنص الولايه 

واحد محرم ارفع الرايه 

عزائي .. شلي بحياتي بفرگته 

محرم .. أحيى واموت بخدمته

..........

كل سنه بشهر الدمع 

ابجي والطم عالضلع 

رايد اسعد فاطمه بكل ونة اونها 

وابجي ما بطل لان 

تحب دمعتي ام الحسن

دمعتي كون الله لا يرحمني منها 

والله صعبه انحرم

من البجي ومن اللطم

وما اواسي الزهره يا ناس بحزنها  

شلون اعوفن فاطمه 

تضل وحيده بمأتمه 

وانه مواعدها اضل ابجي اعله ابنها 

رايد اساعد فاطمه بهمها 

ادري بضلعها هوايه يلجمها 

غريبه .. وتبجي اعله ابنها وغربته

محرم .. أحيى واموت بخدمته 

..........

عمري بالخدمه خلص 

وعرف الدنيا فرص 

هوايه اتندم اذا ما استغلها 

لو كتب لي الله عمر

وبيه شهر الطف يمر 

كون لأجل حسين اعوف الدنيا كلها 

خدمة حسين اشكثر 

تنفع بيوم الحشر 

وقال مولانا الرضا هواي بفضلها 

دمعتي لمن تصب

تمسح ذنوب الكلب

وتخط اسمي فاطمه الزهره بسجلها

لو رايد انه الجنه اضمنها 

هاي المجالس ما اعوفنها 

وصيه .. من الرضا لكل شيعته

محرم .. أحيى واموت بخدمته 

..........

اندعي ودمعي يهل 

لمن محرم يهل 

الله لا يستبدل اسمي باسم ثاني 

خوفي لو ذنبي كبر

ما اخدم هذا الشهر 

ويجي خادم غيري انه وياخذ مكاني

سولفتها بدمعتي 

الله يدري بنيتي  

رغم تقصيري ورغم زلة لساني

أنه روحي بهالعزه 

وما ردت كل جائزه

ردت بس ماتنشف دموعي ثواني

خايف اضيع وتبرد جروحي 

ويوصل محرم والتهي بروحي 

عذابي .. لمن افارك خيمته

محرم .. أحيى واموت بخدمته 

..........

شرف ما بعده شرف 

اسمي بالخدمه نعرف 

وصارت الوادم تقدرني بسببها 

ابد ما مرني الندم

تعرفت ب احسن خدم 

خوش اوادم تخدم حسين بتعبها 

لو متت وانه شقي

وعنهم أصبح مفرقي

وبجهنم روحي تتجوه بلهبها 

راح اصيح من احترك

حسين احبك من صدك

بتوبة الحر روحي اقبلها بذنبها

انه دخيلك يا ابو اليمه 

ما عندي غير دموعي والخدمة

رضيعك .. اقسم عليك بذبحته 

محرم .. أحيى واموت بخدمته




حجم الخط
+
16
-
تباعد السطور
+
2
-