كلمات قصيدة حالي تغير محمد بوجبارة مكتوبة كاملة
علي آه ... علي آه
~~~~~
لا تلوموني النوحي
بيديني ادفنت روحي
عايش غربة جروحي
... وما الگه سلام
واليفگد اعز ناسه
فگده يجرح احساسه
گوه يشهگ انفاسه
... وما الگه سلام
انه جسد لاجن بلا روح بيه
مصباح بيتي طفت الآه ضيه
من ايدي راحت فاطمه بغير جيه
مخنوگ دافن وسط التراب ريه
~~~~~~
فگد ام الحسن كربه
وفراگ المحب غربه
وعليه تمر صعبه
... لحظات وداع
جانت لي عزا وسلوه
تجلي همومي والبلوه
شفت بعيني تتلوه
... لحظات وداع
كل لحظه وياها عشتها بذكره
وسط الترب هسه دفنتها بعبره
والمثلي فاگد فاطمه شنو يصبره
يوميه اشعر بالگلب نار جمره
~~~~~~
سلمان العتب كفه
گلبي لو جره نزفه
مصيبه اللي شفت كلفه
... آه عليها آه
ثاري من اجوها اذياب
عليها مكشرين انياب
ضلعين الكسرها الباب
... آه عليها آه
ادري الرجس لمن اجه الباب عنوه
صوت الضلع من انكسر حيل دوه
لتگول حيدر وسفه ما اله مروه
حبل الوصيه امكبل الليث گوه
~~~~~~
فوگ الخد اثر سطره
وعين من اللطم حمره
ضلع امي شفت كسره
... انفطرت مهجتي
علي انه ابن ابي طالب
گلبي الما رجف ذايب
فوگ المغتسل شايب
... انفطرت مهجتي
حالي تغير مو علي غير صاير
والحير الدنيه صفه اليوم حاير
مكسور خاطر اللي يجبر الخاطر
والدار خالي من بعد جان عامر
~~~~~~
لو تسألني عن زينب
طفله والگلب يلهب
تسألني وتظل تنحب
... ما املك جواب
يا بويه اشتگت لمي
من غابت ثگل همي
شبيها ما تجي يمي
... ما املك جواب
كل ساعه عن امها تجيني وتسأل
بويه غياب امي الحنونه طول
يجري دمعها من دماها لو هل
رسمت سعيها بكربله تالي تل