كلمات قصيدة وين طايح خويه حيدر البياتي مكتوبة كاملة
قصيدة | وين طايح خويه |
الرادود : حيدر البياتي
الشاعر : علي عويز الشويلي
يا حسين ، آنــه زينـب يـا حسين
يا حسين ، وين طايح خويه وين
🎶〰〰〰〰〰〰🎵
هاي اخر مرة أشوفن
وجهه والطول الحلو
تصير عگب عيونه وليه
تنــطـگ المـاعدهـا اخـو
حرت لعياله شصيرن
عــمــة لـو أم لـو أبـو
خـرجــت زيـنب لخـوهـا
تـدوره بالطف ويـن ضاع
خيــلهم طحـنت ضلوعـه
من السحک حسبالي گاع
نــفــس مــا خـلو بـريتـه
يشهگـه و يگـلي الــوداع
يا حسين ، البين ذبـاني اعله بين
يا حسين ، وين طايح خويه وين
🎶〰〰〰〰〰〰🎵
محسبة الكلشي بحياتي
ومــا محسـبة نفــتــرگ
گلبي گبل خيامي خوية
بنـــار هجــرك محتـــرك
منحرك خوية هوانه
من يگطعوه نختنگ
بغـربــة والوادم غريـبــة
والســــوالـــف للرمــــاح
لا اكـو شجرة اكعد بفيها
لا يخـــلــونــي استــراح
همه صـاحو چتفو زينب
وانه اصيح إبن امي راح
يا حسين ، الدمـع مــا خلــه عيـن
يا حسين ، وين طايح خويه وين
🎶〰〰〰〰〰〰🎵
امس چنهن فضة خوية
شســوه شيباتـك حمـر ؟
ذاك درعك بيد خولي
وذاگه سيفك عد زجر
نوصلك ونريـد نگعد
تهجــم الخيــل ونفر
تراب والدخـــان يعمي
وتيهـك شـوف وجزاگ
خوية بس زينب بقتلك
مــاكـو زلمـة يهــد وراك
الشمر ليش اعله صدرك
كــاعــد وكــاطـع هـواك
يا حسين ، امــگـطعينك ودجـيـن
يا حسين ، وين طايح خويه وين
🎶〰〰〰〰〰〰🎵
الـدرب وديـــان خــويــة
وعلي وجهي شگد طحت
لا رفـعـت ايـدك اليـه
لا گلت ها من صحت
الراسه ماعنده اعذره
شلــون يگــدر يلتفت
وحده تصرخ أخ متني
وحــده إبنــي ضيعت
هاي تصرخ عمة إذاني
ذيج إلحكيلي إنچويت
آنــــا نــيــران بعبــاتـي
ويــن اروح تحيــريــت
يا حسين ، بنــار محترگــة الادين
يا حسين ، وين طايح خويه وين
🎶〰〰〰〰〰〰🎵
يا حسين إنــت المعدل
وانت شيخ اعله الارض
انت مو گاع وحوافر
تركض بصدرك ركض
خل احط گلبي اعله گلبك
بـلـگـي يـرجعـلك النـبـض
هــاي دنـيــايه الرديـه
مـا الـي ويــاها كـــلام
ابن جوشن يبقى واگف
وانــت عالغـبــرة تنــام
صــدرك يبوســه محمد
مــو يترسونــه سـهــام
يا حسين ، يا ابـن أميـر المؤمنين
يا حسين ، وين طايح خويه وين