كلمات قصيدة ثاري الهجر ذباح سيد سلام الحسيني مكتبوبة كاملة
قصيدة : ثاري الهجر ذباح
الرادود : سيد سلام الحسيني
الشاعر : حيدر شايع
~
ياغريب...ياحسين
~~
ثاري الهجر ذباح..عايفني بيش ارتاح
كلما انام الكاك..تحاجيني فوك ارماح
وترتل القران..وجسمك عله التربان
مو كدرك اعله الكاع..وبلا هدم عريان
بنص الجيش جا ليش..محد يرحمك يبلسم
مذبوح والروح..طافت جرح عالمخيم
انعاك والكاك..تبجي اعله الخدر التيتم
من بجيت اعله غربتك
لكيتك يمحتار
وانه ابجي وسألتك
ييمه شنو صار
اشرت للمخيك
واباوع علت نار
ياغريب...ياحسين
~
كتلك ييمه شلون..بالخيمه تبجي ام عون
والنار لمعت ذيج..واطفالك ينوحون
كتلي الجرح جرحين..من تطلع اخت حسين
وخايف عله اختي هواي..وبس الها تربي العين
عطشان تعبان..وعيوني تربي بحزنهه
بالنار تحتار..اختي بخدرها وضعنها
عالتل تسأل..عن مصرع الهد بدنها
يم جرحي وغربتي
بجيها عليه
عالرمح وانه اباوع
عليها شبديه
من بعيد وشفتها
تكاود رقيه
ياغريب...ياحسين
~~~~
عالرمح تبجي جروح..وجواك طفله تنوح
تحاجيك بويه شلون..شما امد ادي متلوح
نزلي منك راي..جيتك وجبت الماي
عطشان بويه ادريك..والؤمح عالي هواي
يمه هضمه..هايه طفلتي رقيه
بلا حيل باليل..شدلاها يايمه بيه
مجروح مذبوح..وتحمل شجم اذيه
بويه صاحت اخذني
وبجيت لبجيها
انه ابجي ودموعي
تكاطر عليها
وانهضم لمن اسمع
يبابا بحجيها
~
جا وين اخوتك وين..شو وحدك يحسين
كتلي بضهر مكسور..من صواب ذيج العين
عباس اخوي وطاح..وابني الاكبر راح
و ولدج كضو عالماي..وضليت اكض اصفاح
لكل طاح لكل راح..وانه بقيت بغربتي
لاجون لاعون..وبأنصاري كبرت حسرتي
ضليت وبجيت..بس انه وتباوع اختي
بس انه واختي بقينه
وبجينه وعفتها
وهيه جابت مهرتي
وبجتني بصمتها
وبالحرك صاحت اسمي
وعالتل شفتها