كلمات قصيدة شد لثامه محمد الجنامي مكتوبة كاملة
قصيدة :- شد لثامه .
كلمات :- الشاعر كرار حسين الكربلائي .
أداء :- الرادود محمد الجنامي .
🖤💚💚🖤
شـــد لــثــامـــه ... هـــز صــمــصــامــه
بالطف عيده و ايدگ بيده هامه ابهامه
هــيــبــه و رايـه ... مـنـطـي احــچـايــه
طـر الهـيمه جـاب الغـيمه يـم اخـيامـه
گـــمـــر ... يـضـوي شـحـلاتـه
گـــمـــر ... كــافــل خــواتــه
يـــم اخـــيـــامـــه
🖤💚💚🖤
امــان .. الخيم وأهل الخيم كلها بأمانه
جمال .. إذا شـلنه الگـمر هـوه ابمـكانـه
چـبير .. حلف عالعلگمي يجره من اذانه
گـمـر فـدوه لـلـه ... العلم بيده صله
مـلح للرجـوله الـوصـل يـمه فـنـه
اليگول آنه خاله ... رجف من خياله
شـمـرهـم يـگـلهم دخـيل الله منـه
ريـشـه ابـراسـه ... وجـيـش أنـفـاسـه
من طباها موت و جاها حي عباسه
خــزرة عــيـنــه ... الــمــوت ابـعـيـنـه
عم الساده ذل القاده عسكر داسه
عــلــي ... بـأربـع جـهـاتـه
گــمـــر ... كـافـل خـواتـه
يـــم اخـــيـــامـــه
🖤💚💚🖤
شـجـاع .. درس بالجامعة بقسم البطوله
عــــلـي .. نطاه ميه و طلع بالطف قبوله
جيوش .. تولاها و شمر ذوله اعله ذوله
فـزع ليـها فزعـه ... غنـم بيـها يـرعه
ذبـحهـم عقـيقه السـلامة عضـيده
بطل سيفه شاعر ... صـعد عـالمنـاحـر
قــرالـه قـصـيدة صـورهـا جـديـده
كـلـشـي ابـكـفـيـه ... هـوه و سـيـفـه
من يـدناله و اليـدناله يأخـذ روحـه
و الــمـــا طــاعــه ... يــلــوي اذراعـــه
نعم الـوالي بـيرغ عالي منهو يلوحه
جـبـل ... مـاكـو ابـثـبـاتـه
گــمــر ... كـافـل خــواتــه
يـــم اخـــيـــامـــه
🖤💚💚🖤
يـنـاس .. الشمس لو باوعلها ابغيمه تلبد
شمـوخ .. حلو طوله النخل لو شافه تگعد
الفرات .. حچه وي الجرف احسلك اشرد
الاجه زلمه نشمي ... الشرد منه نشمي
الـزلم كـلها صاحـت تعـبنه يـكافـل
اليـگول آنه و آنه ... يــشـبـعـه مـهـانـه
العـلم بيده و گله و نعم يـبو فاضـل
الـرايـه الـخـضـره ... صـــارت حــمــره
دم غطـاها بي تتباها و الـطف شـاهد
ثـــابـــت مـــا زل ... مــــا يــــتــــنــــازل
ملـك الموته يحـسب موته نازل صـاعد
السمه ... تــگــول اشــعــلاتـه
گــمــر ... كـــافــل خــــواتـــه
يـــم اخـــيـــامـــه
🖤💚💚🖤
نشوف .. عذاب ومن عذابه ماكو مهرب
بــــلاء .. دخـيـل الله اخـو زينـب تـنـگب
ثـبـات .. يسـمونه ابـن ابـوه الـمنـه يگـرب
كـفـيـل الـوديـعـه ... وگـف عـالشـريـعـه
و مـن خـزرة المـاي ركٕض عالـمخيـم
الـنهـر بيـده شـاله ... الـعـطـش صـفـگـالـه
ابفـقه گطـع الرگـاب يـظل هـوه إلاعلم
هــوه إلاعــلــم ... و الــچــف زمـــزم
فـدوه العـينه عـم اسكينه ما يتلاكه
شـــبـــت نــاره ... شــــــن الـــــغــــاره
سمره ازنوده تحچي ابزوده كل عشاگه
الـنـهـر ... يـحـچـي ابـصـفـاتـه
گـــمــر ... كـــافـــل خــــواتــــه
يـــم اخـــيـــامـــه
🖤💚💚🖤
الچفوف .. هون بس خضرن بالطف مناير
الــعــلــم .. يـنـادي ابـگـبـتـه أهــلا يــزايــر
كـــريـــم .. اليدگ بـابـه ابـد ما يـبـقه حـاير
الخلگ تحچي عنه ... جمال و محنه
ينـاس هـذا عبـاس رجـوله و مـهابـه
شـــارتـــه بــالايــد ... اخـذ منـه شـتريد
و علـي ينسه همه اليروح اعله بابه
الــخــيــر ابــابــه ... الـرحـمـه ابــابــه
كلشي ابابه و اتدگ بابه متظل حيره
كـلــهـا اتـشـوفـه ... الـطـف بـچـفـوفـه
نهـر الجـنه يشـرب مـنه زود و غـيره
بـگـلـب ... زيـنـب غـلاتـه
گـــمـــر ... كـافـل خـواتـه
يـــم اخـــيـــامـــه