كلمات قصيدة هلا بحسين الثاني الرادود خضر عباس مكتوبة كاملة
قصيدة هلا بحسين الثاني مكتوبه الرادود خضر عباس
كلمات الشاعر محمد رسول الحميري
ــــــــــــ(موقع درون العراق)ـــــــــــــ
دك بابي بحذر وبلوعه يمكن شي وراه
ما خذني العطش يا طوعه ومبين ضماه
طب لاتبقه متاني
هلا بحسين الثاني
ــــــــــــ(موقع درون العراق)ـــــــــــــ
يا هلا ولا تبقه مستحي
مو كبل خادمكم الوحي
لو ردت من يمك انمحي
دارك ونته اوله بدارك
طب يمشيم خطارك
مو فشل من عمك الفحل
لو زعل من عندي لو زعل
لا تهم والعنده هيج اهل
سلطان وتاجه براسه
نار ويا فكره الجاسه
مسلم مو صدك والظاهر اسمك حيدره
مشيت الزلم يالقاهر مثل المسطره
يعجز بيك الساني
هلا بحسين الثاني
ــــــــــــ(موقع درون العراق)ـــــــــــــ
ما شفت كل عمري هيجي صل
لا يفر من عركه لا يمل
لو زئر بالكوفة ما يقل
عن ذاك ابن البدوية
نفس الروح الحربية
ما رجف من عسكر وحرس
لا قلق من فارس وفرس
لا قره على الخوه لا درس
هذا المن كاعه يوافي
راضع من مرضع صافي
من قبل الخلق متحضر ومحضر دماه
هذا بكل وكت متصدر والوادم وراه
من كماطه يتاني
هلا بحسين الثاني
ــــــــــــ(موقع درون العراق)ـــــــــــــ
صده عزمك رج اميه رج
على مهلك والتخزره هج
نبي سيفك وبمرامه حج
كبر يم داري وصله
يا شيطان اليوصله
كضه خلكه وغيم ورعد
قره آيه توضه وستعد
اجه يومه سرفن وصعد
فوك الشكره المعروفه
شاهين بنص الكوفه
صرصر عاد اجت لو طير ونازل لبرهه
يامر والزلم تتراجف فارس ابهه
كلهم ياهوه آني
هلا بحسين الثاني
ــــــــــــ(موقع درون العراق)ـــــــــــــ
يا غضب طب هزه مجلسه
افا واليوصلك يخسه
يا فحل طب ديرة النسه
اسبعهم خوف محشه
من يشوفك يتغشه
ما لكوا بالكوفه ند الك
لا نسوا كل سطره من هلك
علي كبلك هم لعب فلك
خيبر ردت بالكوفه
رد القالع وجفوفه
عز الله القروا تاريخك كالوا معجزه
مسلم ينذبح بس فنه اليذبح منجزه
اصرارك رباني
هلا بحسين الثاني
ــــــــــــ(موقع درون العراق)ـــــــــــــ
يا خشن ومدرب وجسر
يا ترف وبمشيتك وقر
يابحر مو سهله تنحزر
يمفصل من يا طينه
والما ينهان تهينه
يا قفل باب الله يا سخي
يا شهم للخوة تنتخي
ما ثبت كدامك الرخي
والما يعرف تدبيره
حظه ايطيح وتقديره
كالوا وحدك تتحاصر والكثره التعم
وأنته الفارس اليتمشه عله شوارب زلم
فوت بظهرك هاني
هلا بحسين الثاني
ــــــــــــ(موقع درون العراق)ـــــــــــــ
يا وفي بنص شحة الوفه
يا نجم بالظلمه ما خفه
يا جرح بالكوفه ما شفه
موش ازلام الكتبولك
خيرهم فدوه لطولك
يا عنب ما لاحك القزم
مو غبي القارعته ونهزم
ما طحت يا كلمة النعم
موت وضل رافع راسك
اكبر شارب ومداسك
قيمتهم صفر كدامك وانته بكد علي
كلهم يا اهل يالخنث تنقاس بهلي
معصومين اخواني
هلا بحسين الثاني
ــــــــــــ(موقع درون العراق)ـــــــــــــ