كلمات قصيدة ازور وبالنيابه مصطفى السوداني مكتوبة كاملة
قصيدة : ازور وبالنيابة
الرادود : مصطفى السوداني
الشاعر : سيف الجناحي
~
ازور وبالنيابه .. الى الطول غيابه
سلام الله على دموعك يامهدي
سلام الله على دموعك يامهدي
~~
الك خطواتي اهديها
عليك دموعي اجريها
بوجه كل رايه الاكيها ..اشوفك
بجيت الدمعة عل دمعة
علكت الروح الك شمعة
دعيت بليلة الجمعة ..اشوفك
الى الشاغلي باي .. نويت ابجي الليالي
سلام الله على حروفك يامهدي
سلام الله على دموعك يامهدي
~~
ياغايب كلبي متعذب
امشي وبالدعاء اندب
بلكي الكاك بالموكب ..اتاني
عمر طشيته بدروبك
تعال وشوفه محبوبك
يايوسف شمه من ثوبك ..اتاني
الك ادعي واصلي .. شوكت ترجع يخلي
سلام الله على روحك يامهدي
سلام الله على دموعك يامهدي
~~~~
ادورك بين خدامك
واتلفت على خيامك
بلكت اثر لجدامك ..يموعود
كالوا تحضر المأتم
تجري دمعتك من دم
جرحك ياوكت يلتم ..يموعود
على الراحت سبيه .. تون صبح ومسيه
سلام الله على جروحك يامهدي
سلام الله على دموعك يامهدي
~~~~
مكانك وينه ما اندل
كل مغرب عليك اسأل
يمكن هسة يم التل ..الاكيك
تبجي العمتك مره
وعلى المنهشم صدره
حاضر انته والزهرة ..الاكيك
يايوم واشوفك .. اقبلهن جفوفك
سلام الله على جفوفك يامهدي
سلام الله على دموعك يامهدي
~~~
سنين الجيتك انطر
عليك كليبي متفطر
حبيبي وداعت الخنصر ..بجيتك
نهار وليلي اظل افتر
دموعي بجفني تتعثر
وحك عماتك الخدر ..بجيتك
ابد موقصدي اجرحك .. يمن مذبوحه فرحك
سلام الله على احساسك يامهدي
سلام الله على دموعك يامهدي
~~~
أدخل حضرة الضامي
كلت الكاك كدامي
تنوح عله النحر دامي ..اواسيك
واكلك وين هالغيبة
بشعرك بينت شيبه
البكه براسك عالمصيبه ..واواسيك
شوكت تظهر اتاني .. الك احسب ثواني
سلام الله على ايامك يامهدي
سلام الله على دموعك يامهدي