كلمات قصيدة من اربع جهاتي محمد الجنامي مكتوبة كاملة
قصيدة :- من اربع جهاتي .
كلمات :- الشاعر مصطفى العيساوي .
أداء :- الرادود محمد الجنامي .
🖤🍁🍁🖤
من اربع جهاتي وحشه الدروب
و احترگت خيمنه و صار الغروب
حصت و آنه بدمعتي تعثر الخيل
وينه العنده خيمه الجيت الليل
يـــعـــبـــاس ... يـــعـــبـــاس
🖤🍁🍁🖤
اجاني الليل بس يا ليل ليل المالها اخوان
عطشانه لخوي لحسين وحسين انذبح عطشان
اول تالي يا عباس زينب تعثر بميدان
طولي الجان ما ينشاف هسه يشوفه ياهو الجان
صعبه التعثر يم اخوتها و تبقه بحيره
اوگف انطگ اگعد انطگ يهل الغيره
و كلساع وضاعت من عندي طفله ازغيره
و اعليه بقت مستغربه الگاع
تگلي وين اخيچ لو طفل ضاع
عاشور الظهر رايد الف حيل
وينه العنده خيمه الجيت الليل
يـــعـــبـــاس ... يـــعـــبـــاس
🖤🍁🍁🖤
ظهر عاشر يشيب الرأس آه يالعاشر وضيمه
شفت بعيني ركضت خيل يهل الغيره والشيمه
ركضوا عالحرم بالنار و حركوا فوگها الخيمه
صعبه تشوف علويات گام يرگضن بهيمه
خيل وهدت عالنسوان المحد الها
و انا اصرخ عباس امروتك ما تقبلها
طلعت زينب ذيج المحد شايف ضلها
وين انطي الوجه محتاره يا ناس
هسه ابلا يخيمه أو راح عباس
اليفگد مثله عمره يخلص ابويل
وينه العنده خيمه الجيت الليل
يـــعـــبـــاس ... يـــعـــبـــاس
🖤🍁🍁🖤
صوب التل رحت تدرون جم مره عثر جدمي
عالتل وصحت يحسين گوم أدركني يبن امي
يهل الخيل اجتنه الخيل و آنه اولا اخو يمي
اليل يشيب من الصار من ايسولف يهمي
شفت بعيني نسحگت طفله وصاحت عمه
وين الكافل خل نروح و نگعد يمه
خل انطلع سهم العين و نمسح دمه
بعيده المشرعه عالرگضن اهواي
صحت خيمه اريد وما ردت ماي
دمع عيوني ينهد هدت السيل
وينه العنده خيمه الجيت الليل
يـــعـــبـــاس ... يـــعـــبـــاس
🖤🍁🍁🖤
صوب التل رحت تدرون جم مره عثر جدمي
عالتل وصحت يحسين گوم أدركني يبن امي
يهل الخيل اجتنه الخيل و آنه اولا اخو يمي
اليل يشيب من الصار من ايسولف يهمي
شفت بعيني نسحگت طفله وصاحت عمه
وين الكافل خل نروح و نگعد يمه
خل انطلع سهم العين و نمسح دمه
بعيده المشرعه عالرگضن اهواي
صحت خيمه اريد وما ردت ماي
دمع عيوني ينهد هدت السيل
وينه العنده خيمه الجيت الليل
يـــعـــبـــاس ... يـــعـــبـــاس
🖤🍁🍁🖤
اسمع صوت من بعيد زينب صاحلي بحسره
ركضت وشفت اخوي حسين داست خيلهم صدره
صدره الخيلهم ميدان مو واحد ولا عشره
اخوي من الگفه مذبوح و شفت ضلوعه متكسره
صدره و ظهره ويه الگاع بطفهم شفته
مسلب ثوبه و ابلا خنصر يمهم عفته
شفت اعيونه ميت لكن يبجي بسكته
هذا الشفته بالطف داسوا الخير
حگه بيوم عاشر لو بچه الطير
اشم دخانهم لو ذبحوا الهيل
وينه العنده خيمه الجيت الليل
يـــعـــبـــاس ... يـــعـــبـــاس
🖤🍁🍁🖤
ياليل هدعش ارجوك طول يمي عندي ايتام
بلكي الحرم والأطفال ابليلك من تعبها اتنام
فرشتلهن عباتي ابگاع بهاي الهيمه ماكو خيام
ياليل الصبح ماشين شيب گلبي درب الشام
احنه المحد من قبل الطف شايف ضلنه
باجر نركب فوك النوك الهزل كلنه
و راس الكافل صاعد رمحه ويصد النه
من بعد الهوادج هزل النوك
و نمشي بين ناس و ندخل السوك
و انبات بخرابه و دمعتي تهيل
وينه العنده خيمه الجيت الليل
يـــعـــبـــاس ... يـــعـــبـــاس