كلمات قصيدة يحسين الك مشايه كرار الكربلائي مكتوبة كاملة
قصيدة : يحسين الك مشايه
الرادود : كرار الكربلائي
الشاعر : سيد صادق الزاملي
~
يحسين الك مشايه
من البحر حد النحر
رايه تهف الرايه
من البحر حد النحر
~~
ميت هله بهالجيه
بالفزعه الحسينية
الك يابو علي النيه
والممشه حله
من البصرة مشايه
زلمه كد الحجايه
نصبوا للعشك ثايه
تهمهم كربله
هيبة علي ممشاهم
عين الزهرة ترعاهم
ابو الحسنين وياهم
يحييهم هله
من الحسن ماخذ صيته
كل خادم بهذا الدرب
من البحر حد النحر
يحسين الك مشايه
~~~
من ذي قار والنخوه
سوالف مالحه وتسوه
يترسونك هله وتكوه
ليهم من تطب
والكوت ومواكبها
شاب يتجي شايبها
وادم كلش نحبها
تحسهم مو غرب
ديالى من وكت طلعت
غيمة شوك من فزعت
محنه البيهم انرسمت
واهس للدرب
والموكب وراياته
مرسومه شوك برايته
من البحر حد النحر
يحسين الك مشايه
~
لو طبيت هالديره
سماوه الحسجه والغيره
يعجز عكلي تصويره .
خدام ونعم
خذوا هيبتهم من ام عون
غيرة ورهبه لو يمشون
جيش حسين يتسمون
للشده زلم
الديوانيه ومضايفها
بالزاير سوالفها
جنه حسين كلفها
وانطاهم علم
يا راحت المشايه
لو تطب هاي الديره
من البحر حد النحر
يحسين الك مشايه
~~~~
العنده للكرم مثله
نشوفه بعينه ونكله
تعال وباوع الحله
لا تحجي بعد
الموصل هله بزواره .
الخادم وصل اخباره
من داره لعد داره .
ماهمنه عدد
كركوك وطواريه
بغيرة علي مبنيه
غيرة كربلائيه
دمهم ما برد
ياكربله وزلامها
عبرت حدود الوادم
من البحر حد النحر
يحسين الك مشايه
~~~
شدو احزام الزياره
تحشم كل العماره
ربع حسين وانصاره
فزعه لكربله
زلم بغداد محلاهم
من تخفك رواياهم
حب حسين لماهم
زلم المعضله
النجف عكدت شواربها
ونصبت مواكبها
هله بالناس النحبها
يامية هله
محد يلم الوادم
غير ايو اليمة وزوده
من البحر حد النحر
يحسين الك مشايه