كلمات قصيدة اهلا بكل اللغات الرادود حيدر البياتي مكتوبة كاملة
قصيدة: أهلاً بكل اللغات
الرادود: حيدر البياتي
الشاعر: مصطفى العيساوي
〰〰〰〰〰〰
أهــلاً بـكــل اللغــات نگـولهـا
تسمع الدنيا بعرضها و طولها
أهــلاً بــيـكـم فــي كـــربــلاء
🎶〰〰〰〰〰〰🎵
الخير دربه ، الدين حبه
ماكو أحلى من هذا الدرب جنة بخطوتين
روح امشي ، عوف كلشي
هذا الحبيب ابن الحبيب ابو علي حسين
للكــاع خطـوتكـم نبـض
بـالمـاي بالجــو بـالارض
بالطول صحنه و العرض
- هله و الف هله -
يا خير عالكاع انتشر
زوار انـتــم لــو مطر
والله حيــرتو البـشر
- عجيبـة كربلـه -
الكرم عدنه يختلف عن غيرنه
إحنـه حتى الطير ياكل خيرنه
والطـيـر زايــر فــي كـــربــلاء
🎶〰〰〰〰〰〰🎵
راح كل هم ، خير مقدم
يالجيتك مثل الهوا من ما تجي نموت
هاذ موكب ، بيه معزب
يحچي وي الاخرس بالاشارة تفضل وفوت
للعين خطواتك كحل
والضيف لا ما ينسئل
يـا ديـن يتبع يا أصل
- صرنه إله أهل -
يحسين مو بس شيعتك
زوار كــلـها لـ حضـرتــك
مــن غيـر دولــة تعـنـتك
- يا سيد الدول -
حسين إسمه بكل وطن تلگونه
والعـراق انخلق لجـل عـيـونــه
بـــاب الجــنــة فــي كـــربــلاء
🎶〰〰〰〰〰〰🎵
حسين رفعة ، مو بدعة
حبنه ثقافة و مو خرافة من الأساطير
كون تفهم ، كون تعلم
اليمشي ويالحسين بحياته ملك يصير
يا ناس عدنه معتقد
هيهـات منعوفـه ابد
خـدام وانطينه عهد
- مانترك الامر -
أجيال تحمل رايته
أجيال تبقى بخدمته
أجيال تحيي زيارته
- عمر بعد عمر -
مـبدأ الحـب والتســامـح دينـه
ياهو عنده حسين مثل حسينه
حـبنــه غــالــي فــي كـــربــلاء
🎶〰〰〰〰〰〰🎵
هناك تلـگة ، چفوف ملگة
چفين ابو فاضـل سفينة نوح ياناس
الراد يشفـه ، يبوس چفـه
مستشفى الامراض العصية چفوف عباس
عباس ضامي بس نهـر
عباس مـا ردلــه بـشـر
عباس أحلى من الگمـر
- والجنة حضـرته -
عباس فزعـة بشدتـك
عباس يگضي حاجتك
عباس گــلـه بغـيرتـك
- معروفة غيـرته -
مـاي وجـهـك لا تبـيعـة لغـيـره
هذا ابو الخـير النعـيش بخـيره
رحـمـة ونـزلـت فــي كـــربــلاء
🎶〰〰〰〰〰〰🎵
روح زوره ، تشوف صورة
زينب مخيم للشرف ما لاحته النار
بعين حمرة ، هناك تقرة
جابر يجابر ما دريت بكربله شصار
مشاي خل دمعك يصب
ام عـون مكسـورة گلب
ويـاك تـمــشي بالـدرب
- عزيـزة فـاطمـة -
و بيوم عشرين بصفر
يا روس ردت للحـفـر
والعين لو تبچي دهـر
- ما يرتوي الضمه -
زيــنـبيـة و مـا تطيح الرايــة
وإحنه وي زينب نجي مشاية
موكـب زينب فــي كـــربــلاء