قصائد مسلم الوائلي مكتوبة جميع القصائد الجديدة محرم 1445 هجرية مكتوبه كاملة
كلمات لطمية شال الشهيد حسين مسلم الوائلي
كلمات لطمية فاتحة الحسين مسلم الوائلي
أداء | مسلم الوائلي
كلمات | حيدر سامي السعدي
***
ما عدنه موعد للدمع ولا راحه للعين
كل ساعه كل جرة نفس مذبوح الحسين
ما يگضي حزن القافله
وما بيها موسم كربله
مذبوح الحسين مذبوح الحسين
***
مو اي واحد يگدر يلزم
جمرة خيمة زينب بيده
ولا اي عين ادور دمعه
والبيت اليلجمها تعيده
وفه ...
من تعيش جروح العاشر وتحس بيهن دين
وفه ...
الناسين حسين يشوفوك ويتذكرون حسين
وفه .. من يكثر دمعك
وفه .. ودموعك ربعك
وفه .. من يلفي الليل وتدعي اعله الخيل
كل خل اذا خله انلجم ينلجم وياه
جا يمته يلجمنه الغفه والخيل فوگاه
ما يگضي حزن القافله
ما بيها موسم كربله
مذبوح الحسين مذبوح الحسين
***
هنياله الما فل حزامه
وما يحسب خلصت ما خلصت
مو ركض الأيام الأصعب
الأصعب زينب لمن ركضت
الوكت ...
تعلم يركض حين الرادت زينب ساعه وداع
الوكت ...
خله الما يتعوض گلبه مذبوح اعله الگاع
الوكت .. دار وما حسب
الوكت .. مايل وي زينب
الوكت .. خلاها اتبات بديرة شمات
اهون اذا ريجك عطش ولا تعطش اخوان
عطشت اخو وعدها اخو مذبوح عطشان
ما يگضي حزن القافله
ما بيها موسم كربله
مذبوح الحسين مذبوح الحسين
***
مو شهرين الخادم يخدم
ومن يگضن يتغير حاله
اليتململ من تعب الخدمه
خادم ثاني يصير ابداله
تعب ...
ما يستاهل واحد غير حسين انموت عليه
تعب ...
جا ياهو المنطينه اخيامه واحدنه شمنطي
تعب .. نيشان العاشگ
تعب .. لحسين مفارگ
تعب .. المن ترتاح وراسه اعله ارماح
ياهو بوسادة رمل ظل نايم ايام
مشيول بس شايل تعب نسوانه للشام
ما يگضي حزن القافله
ما بيها موسم كربله
مذبوح الحسين مذبوح الحسين
***
الخادم من يطيح جادر
يبني الجادر كون بگلبه
ولو رد لهله يجدد حزنه
كون يعيش بيته الغربه
العطش ...
مو سهله تعيشه ويه حسين وبيك برودة ماي
العطش ...
كون انصيح ونرسم كافل شايل جربه وجاي
العطش .. نخوه الراعيها
العطش .. الكافل گاضيها
العطش .. بالحب وفاي مو مثل الماي
الله يا جرح العطش شخلاله نيشان
العطشان يحلف من كثر ما جان عطشان
ما يگضي حزن القافله
ما بيها موسم كربله
مذبوح الحسين مذبوح الحسين
***
ليليه ام حسين اتدور
مجلس بي تنعه اعله الضاعن
كونك شايل جرح العاشر
سوي المجلس وتلگاهن
العشگ ...
من يدور گلبك حزنك ودمعك دمع العين
العشگ ...
من تطيح الدمعه بسرعه بس تگول حسين
العشگ .. مو فتره ويگضي
العشگ .. يريد المتوضي
العشگ .. بدموع العين ويصلي حسين
الله امتحنه بكربله وبدمعة العين
منا لحد الآخره فاتحة الحسين
ما يگضي حزن القافله
ما بيها موسم كربله
مذبوح الحسين مذبوح الحسين
***
كلمات لطمية الصبح عنك رايحه مسلم الوائلي
قصيدة | الصبح عنك رايحه
أداء | مسلم الوائلي
كلمات | رائد الناشي
_
حسين ياهو اليسويلك فاتحه
وباجر انه الصبح عنك رايحه
الخيمه محترگه وگعدنه اعله التراب
حته ما نگدر نسويلك ثواب
وباجر انه الصبح عنك رايحه
_
وحدك باجر نخليك ونروح
نايم بذاري التراب بلا غسل
ولا يشيلونك ولا يرضون اجيك
حته اغسلك من دمع عيني اليهل
الحادي ما ينطينه مهله نمر عليك
خاطر نودعك گبل لا نرتحل
وگال محد تنزل تودع عزيز
العدهه غالي تودعه من فوگ الهزل
باجر المشتاگه تكتم شوگها
والهزل ذباح اهلنه يسوگها
وتمشي عن عبد الله مجبوره الرباب
حته ما نگدر نسويلك ثواب
وباجر انه الصبح عنك رايحه
_
ياهو ينصبلك عزه حسين من اروح
ويجري دمعه الحالك الما ينوصف
ولا الك ام لا اخت تلطم عليك
بهيمه نايم لا رفيج ولا عرف
هو بيش يبين الميت عزيز
بالوجوه التحزن عليه ينعرف
لطم المعزيات مو مثل أم مصاب
لطمت المذبوح اخوهن تختلف
طحتوا ما ناحت عليكم نايحه
ياهي تنعاكم واختكم رايحه
والله يابو سكينه راسي وگلبي شاب
حته ما نگدر نسويلك ثواب
وباجر انه الصبح عنك رايحه
_
گلبي ما ينطيني اخليك واروح
حسين خويه فراگك تكرهه النفس
ماي ما شارب لهسه بهالسموم
عميه عيني وگتلي عطشان من امس
انمرد گلبي وردت اسويلك افياي
بالعبايه وما يخلوني الرجس
حسين خويه الميت يدفنونه غير
شلون ترهم ميت يظل بالشمس
الماي متعيني من امس ما ضايگه
وخيلهم خويه اعله الصدر هم ساحگه
وگلبك من الحر يبعد عيوني ذاب
حته ما نگدر نسويلك ثواب
وباجر انه الصبح عنك رايحه
_
طحت وحنه تراكضينه من الخيام
وگام ياهو الشافنه يسب ويطگ
الفاگد يعزونه بدموع ونحيب
ما شفت فاگد يعزونه بحرگ
الميت يشيعونه شيل اعله الجتاف
ليش بس انته يشيعونك سحگ
وليش بضلوعك حوافرهم تدوس
وليش ظهرك عله ضلوعك ينطبگ
بالحوافر شيعوك شمالهم
شنهي خاف ترد عدل حسبالهم
ما اشوف اكثر بعد من هالعذاب
حته ما نگدر نسويلك ثواب
وباجر انه الصبح عنك رايحه
_
هاي هيه تفارگينه وما تجون
وصدگ ما يلتم بعد ذاك الشمل
خويه ثاريه الوجع مو لليموت
الوجع للفارگ عزيز وظل عدل
خويه والما تنحمل موش السياط
حسين ثاري فراگك الما ينحمل
الما مجتف بالحبل ويودع اخوه
هذا حگه يگول الموادع سهل
الما مجتفينه وعزيز مفارگه
هذا الوداع الصدگ ما ضايگه
الما مصوب لا يسولف بالصواب
حته ما نگدر نسويلك ثواب
وباجر انه الصبح عنك رايحه
_
العذر لله وليك يبن امي وابوي
فراش بالخيمه وعلي ما ينوجد
وماي ما يحصل ووزعلك ثواب
بلكت اليشرب يرويلك جبد
فراش سويت العبايه وگمت انوح
وسلميت عليك يا بعد الولد
انه اول وحده نصبتلك عزاء
وانه اول وحده ازورك من بعد
خويه بس زينب عليكم لاطمه
موذرين انتم واختكم سالمه
خويه لا تعتب تره يهدني العتاب
حته ما نگدر نسويلك ثواب
وباجر انه الصبح عنك رايحه
_
جمعونه بخيمه وحده ودنيه ليل
من التعب توهن بناتك هودن
بهيده اونن وحدي وما ابجي حيل
خاف افززهن وهن توهن غفن
وهنه من ذاك العصر يمشن وراي
اسكت يسكتن واذا ابجي بجن
تعبن يساعدهن الله من الركاض
وموش وحده اعله الجمر كلهن مشن
عيالك اتدوس الجمر بجدامها
وين ما تشرد شمر جدامها
حشمن بيكم ولا سمعن جواب
حته ما نگدر نسويلك ثواب
باجر انه الصبح عنك رايحه
_
كلمات لطمية دارت على حسين الكوم مسلم الوائلي
قصيدة | دارت على حسين الگوم
أداء | مسلم الوائلي
كلمات | داخل اچويد العگيلي
_
ضل بكربلاء محتار وحده يصيح ابو اليمه
ودارت على حسين الگوم والعباس مو يمه
_
دارت على حسين الاف گوم تحازمت بل شر
وين اهل الدرع والطاس تلحگ ع صبط تنغر
احيود مطرحه يا حيف والغمان تتبختر
وزينب ضلت بحيره وحسين نهدر دمه
_
ينادي والدموع اجواب ايس ما يحاچونه
ضل بلا تچيه احسين بس يدير بعيونه
يصيح بحسره الانصار ولاجنهم يسمعونه
وهدت عل خيام الخيل وصارت ع صبط لمه
_
ضاكت وين ابو فاضل اخوي وگرة عيوني
احشم ما سمعت اجواب ليش لوحدي عفتوني
وين اهل الشيم يا حيف ما بيكم تعينوني
كلكم صرعه عل تربان ولاواحد يرف علمه
_
وكلمن صاحله بأسمه ودمعه اختلط وي دمهم
صاح الحگني يا عباس وتمنه يگوم الهم
نوبه للخيام يشيط نوبه يرد يحشمهم
نوبه يم حبيب يروح يشكي غربته وهمه
_
گامت ترچف الاجساد من سمعت ينادي احسين
گام وطاح ابو فاضل بلايه چفوف وبلا عين
ضاگت كربله بلگوم ومضيعه المفر لاوين
ولو ما الله راضيه چان انگلبت الامه
_
يعباس انهدم حيلي وطاح بطيحتك ياحيد
وخلافك تركت احسين ضل يحارب بفرديد
ريت تشوفني بيا حال ومره الوكت اليعيل
چان بيمنتك عباس طفهم ضيعت علمه
_
كلمات لطمية راح الولد مسلم الوائلي
قصيدة | راح الولد
أداء | مسلم الوائلي
كلمات | علي مالك الموسوي
_____
راح الولد وشتاگيت شيصبر عيوني
امك تره اليوم اتموت گوم انخطف لوني
_____
جاسم يبعد الروح
شوف امك شبيها
ظلت وحيده تنوح
وسمع بواجيها
جا هيه هيج اتصير
عشرتنه تاليها
مامش مره اعله الضيم
تگعد تلاگيها
عريس وتاليها موذر هسه شلون بهل حيره
يمه وليدي اگعد يالغالي محتامه عليك الديره
ليش النحبهم حيل يا ناس يجفوني
امك تره اليوم اتموت گوم انخطف لوني
_____
هيه التفارگ شاب
تگضي العمر لوعه
طفوا عيوني عليه
من طفوا شموعه
شفت النحور احاه
جدامي مرفوعه
ونثلم گلبي وطاح
وتبدت دموعه
مهظوم وزفيته معتبر بس شو ما رد لخيامه
شيسوي الجدام عيونه يذبحونه بكل احلامه
بدوا الحنه اعله الگاع يا يمه بجوني
امك تره اليوم اتموت گوم انخطف لوني
____
يوجعني گلبي عليك
يا بعد اهل بيتي
يمه وعلي انه عليك
متطشره عافيتي
والنعم گالت ناس
ربيتي ربيتي
كل الهوه وما فاد
بعدك شكو بريتي
حنيته وطلعته مدلل فدوه العمك يا هيبه
راح ابني وذبيت عيوني وطلعت بفراگك شيبه
محتاره اكض گلبي عليك لو عدل متوني
امك تره اليوم اتموت گوم انخطف لوني
_____
يا يمه حال الضيم
حال امك الليله
راح العزيز وشال
وانه امه ودعيله
جا من يطيح الشاب
ياهو اليتجيله
متبدي عالتربان
ابني وخلص حيله
يمه عليك امك لا تبطي عيوني عليك توازيني
ما اشوفك معناها اتعذب مو مال مفارگ عيني
طحت اعله نعشك جسام بالگوه شالوني
امك تره اليوم اتموت گوم انخطف لوني
____
محله الولد لو عاش
وي امه وخوانه
يا عازتك وشلون
ما تگعد ويانه
خلصانه روحي عليك
يا يمه خلصانه
تعبانه وانته وياي
بس هسه هلكانه
مو مال يذبحونك يمه ومو مال ابني يسحگونه
حلوات عيون ابن الزهره وطفوا جسام عيونه
والله ما عيشن دوم بوليدي لحگوني
امك تره اليوم اتموت گوم انخطف لوني
_____
كلمات لطمية عباس اكعد لتعبني مسلم الوائلي
قصيدة | عباس اكعد لتعبني
أداء | مسلم الوائلي
كلمات | حيدر سامي السعدي
_
شال جفوفه من التربان
وراح عليه يركض لهفان
عباس اكعد لتعبني
هاي جفوفك يله اشبگني
وراح عليه يركض لهفان
_
بهاي شيباتي اركضتلك حيلي خلصان
هيه ساعه فراگ بس هواي كبران . . شيبتني
ردتك اتلاگيني مثل وداعنه الحار
صحتك وما بيك الي عباس تندار . . تعبتني
شما گلت راح اوصل يبعدونك الناس
وانه اجيك وشابگ جفوفك عله الراس
الخيل بيك ايجرن وتبعد يعباس
عليك الحگ ردت بس حيلي مو حيل
وصلتك گوه من عافنك الخيل
گلبي يريدك بيش ارضي
وماكو مجان اشتمك بي
انجانك يا عباس اتحبني
هاي جفوفك يله اشبگني
وراح عليه يركض لهفان
_
گعدت ام گاعدلك اعله الترب ونعاك
ورايد ابجيلك لحد ما اموت فوگاك . . خلص صبري
يا وحيد الخوه جيتك ظهري عطشان
وانت بس جفك يعادل عشرة اخوان . .وخالي ظهري
منيلك عين واشوفك ضحك العيون
شلون جاي اتغيض بيه الوادم شلون
انه عاميني البجي وهمه يهوسون
جانت وين الي عباس هايه
يمك گاعد واسمع احجايه
شوف شگالت هاي الناس
اتموت وما يگعد عباس
اكسر هاي الجلمه ولمني
هاي جفوفك يله اشبگني
وراح عليه يركض لهفان
_
ارد احط اذني اعله گلبك واسمع شگال
وگلبي ما ينطيني منك سهم ينشال . . شلون بلوه
الخويه بس مره گلتها وغمضت عين
وانه اتاني الخوه منك صارلي سنين . . حجيها فدوه
جايك عليها وعليِ صاحوا الشمات
سهم من اسهامنه بثغر الگمر فات
واحنه شفنه الخويه راد يعيدها ومات
گضيت العمر محني وما الك صوت
تالي اتگلي خويه مره وتموت
منين اسمعها الخوه منين
راح يموت عليها حسين
لو بس مره اگعد سمعني
هاي جفوفك يله اشبگني
وراح عليه يركض لهفان
_
جنه انه وياك نركض لليطيحون
هسه بس انه وشيلك وحدي شلون . . شلون بيه
ايدي ترجف وانته مثل الماي حساس
منين ما تنشال تتبده يعباس . . من اديه
شاخذ الزينب وگلها رجعتي منين
درب الخيام شيوجده ورايحه العين
يابو فاضل اگعد شسويت بحسين
اخوي وصاحبي وظهري وحبيبي
عين منيلك وتشوف شيبي
هو الفارگ مثلك حيل
خلها اتدوس بصدره الخيل
گبل الخيل الصدرك ضمني
هاي جفوفك يله اشبگني
وراح عليه يركض لهفان
_
انه رايح يابو فاضل بس احاجيك
ثاني جيه الخيل راح تجيبني عليك . . وانه الأتعب
راح اودعهن واضم عبد الله بالموت
وطلع من بيوتي ويحرگون البيوت . . على زينب
انه وانت بكربله تابوتنه ارماح
وما تصيح علينه اخت غربه من الصياح
هيه ساعه وزينب اتصيح الخدر راح
ساعه وزينب يهظموها بينه
وفوگ ارماحنه تعاين علينه
عباس اقره ايام ايام
وزينب راح اطب الشام
انته وزينب اول حزني
هاي جفوفك يله اشبگني
وراح عليه يركض لهفان
_
كلمات لطمية سلام مسلم الوائلي
قصيدة | سلام
أداء | مسلم الوائلي
كلمات | علي الاكبر الغرابي
_____
سلام من كلب بيكم متيم
سلام عالاميره البل مخيم
خل تكر باجر عينهه
لو طحنه كبل حسينهه سلام
_____
حسين اخذ مكتوبنه
عن لسان اكلوبنه
للاميره الخايفه وما مطمئنه
وحك ذيج الشوغه
الموت اجمل صوغه
ومن سمار عيونه اتفيض المحنه
ونخضر من جديد شما
يترس دمنه حضن الكاع
سفره الحرب راح اتصير
والدم بينه خوش امتاع
سلام من حبيب ابن مظاهر
سلام اموقع ابدم المناحر
خل تندعي السبعينهه
لو طحنه كبل حسينهه سلام
_____
باجر ابسبعينك
خلهه تكشخ عينك
يبو عيون الما نعرف شضام بيهه
نظره منك كافيه
الموت يمك عافيه
بعت روحي وياهو غيرك يشتريهه
امان الله على اخيامك
ما دام النفس موجود
واذآ سبعين الف يحسين
باب الغيره ما مسدود
سلام يا حبيب الله وجماله
سلام الزينبك هاي الرساله
من الدمه اموقعينهه
لو طحنه كبل حسينهه سلام
_____
الدنيه وشما بيهه
انت المحليهه
وانت وحدك ساكن ابعالم خيالي
وحك لون عيونك
ما نعيش ابدونك
كلشي يرخص وانت كلما جاي غالي
شفتك بس شفت يحسين
بعيونك حلم مذبوح
وبس المنجرح بالشوك
يعرف دمعته المجروح
سلام من يرف باجر علمنه
سلام ننذبح دونك حلمنه
و الرايه المعلينهه
لو طحنه كبل حسينهه سلام
_____
يا ربيع ايامنه
واكبر من احلامنه
وانت عفه وعافيه ابعين اليريدك
ضمنه للطف باجر
حتى يوم العاشر
انطيح كبل السيف لآ يوصل وريدك
وطشرنه اعله باب الموت
وخلينه ابهواك انذوب
الماجاسه العطش وياك
بالطف عمره ما محسوب
سلام مايردنه الموت عنك
سلام انت منه واحنه منك
جلمه شرف حاجينهه
لو طحنه كبل حسينهه سلام
_____
احنه ذوله ابكيفك
وبالمواقف سيفك
وهيه فرصه لليموت اكبال عينك
تدري طبع العاشك
بالمشاعر صادك
ومثل عابس كلنه بالطف عاشكينك
لملمنه بقايه اجروح
وشد احزامك ابعاشور
خاطر عالنهر يحسين
ظهرك ما يضل مكسور
سلام لا يضل بالك علينه
سلام باجر الدم يحجي بينه
وتوفي المشاعر دينهه
لو طحنه كبل حسينهه سلام
_____