كلمات قصيدة راح الولد مرتضى حرب مكتوبة كاملة
.jpg)
راح الولد ياليله
صحت العمامه تشيله
راح ولد ياليله ادنيلي خل نبجيله
تمددت فوكه وكتله ياحسين
بويه شيردني للصواوين
يا ليله أماكن علي مو عادته ميكوم الي
فوق وقفت واندهته بهداي بويه
فز كتله تجليه ارد ارد درب الخيم صارشبعد
حيلي جليل وجرحك اهواي بويه
وياعالتراب تمددت يالمني كل رايك جنت
هسه انه منك رايد الراي بويه
ياعلي يامدلل هلك يبني جبت عيني الك
يالكتلب توك رايد الماي بويه
المن يطلع اتنكبينه ماريدج اتشوفنيه
وليدج علي مجسوم نصيين
بويه اشردني للصواوين
صحت العمامه تشيله
راح ولد ياليله ادنيلي خل نبجيله
تمددت فوكه وكتله ياحسين
بويه شيردني للصواوين
________________
منً اوصلت يمه كعدت ياليله مادري شكلت
هوالتفرهد ابنه شيصيح بويه
يم راسه خلصت الحجي ماخلصت عيني البجي
حكه الدمع علمثلك يطيح بويه
كلشي بشابك ماشفت يابويه التوه كبرت
يالحته حجيك جان تسبيح بويه
يمه اصفكت جم الندم كتله اليضدك مافهم
بحوبه شبابك تعثر الريح بويه
والكابلك ماشافك ماركز باوصافك
شبيه ماسال عن نورك امنين
بويه اشردني للصواوين
صحت العمامه تشيله
راح ولد ياليله ادنيلي خل نبجيله
تمددت فوكه وكتله ياحسين
بويه شيردني للصواوين
________________
ماادري جم مره عثر لاصدر عنده لاضهر
عالكاع مدري شلون مطروح بويه
من كتله حضن امك برد ياليله فك عينه ولد
حسيته كلي مشينه حنروح بويه
جاجبته بس مابيه يرد لاينهض لاينسند
لاينحضن جسمه من الجروح بويه
ياليله من سد الجفن ماجربت هذا الحزن
فكد العزيز يعذب الروح بويه
ياليله يهضم حاله شمسوي بي جتاله
لاحيل عندي ولابقت
بويه شيردني للصواوين
صحت العمامه تشيله
راح ولد ياليله ادنيلي خل نبجيله
تمددت فوكه وكتله ياحسين
بويه شيردني للصواوين
________________
شحجيلج وكلشي نهدم من حيل طاح اول علم
وبكلبي ضلت تسعر النار بويه
ياليله بالحيره صرت بالكوه من عنده ارجعت
امشي وارد صوب ابني اندار بويه
شما ابتعد ارجع اله ويكلي بويه اتخيله
فكد الولد خلاني محتار بويهً
بالوسفه خصلت الدرب فراك الولد كلش صعب
او جرح بجروحي الكبار بويه
بعد درب هد حيلي ولاواحد يتجيلي
وين الكه مثلك للتعب وين
بويه شيردني للصواوين
صحت العمامه تشيله
راح ولد ياليله ادنيلي خل نبجيله
تمددت فوكه وكتله ياحسين
بويه شيردني للصواوين
__________________
بجفوهم جابو واجوا وعليه شكد بجو
صاحبهم وحك لاجله يبجون بويه
من كل كتر بيه ينلجم لاينحضن لاينلزم
خاطر يشلونه اعله المتون بويه
ياليله جابوه مختلف ماينعرف من النزف
ذاك ابنج اللي جان مزيون بويه
يم الخيم خلوه هله ياليله خل نروح اله
ونبجيله حد ماتعمه العيون بويه
ونكعد نعد جروحه رد ابنج ابلا روحه
ويم راسه نذكر تعب الاسنين
بويه شيردني للصواوين
صحت العمامه تشيله
راح ولد ياليله ادنيلي خل نبجيله
تمددت فوكه وكتله ياحسين
بويه شيردني للصواوين
___________