قصائد نسائية مكتوبة كاملة اكثر من قصيدة ولطمية للنساء مكتوبه
لطميات نسائية مكتوبة,قصيدة لطميات نسائية مكتوبة فزاعيه,لطميات نسائية مكتوبة فزاعية للعباس,لطميات نسائية مكتوبة فزاعية للقاسم,لطميات نسائية مكتوبة للعباس,لطميات نسائية مكتوبة جدیده,لطميات نسائية للكاظم مكتوبة,لطميات عاشوراء مكتوبة نسائية,لطميات ليلة العاشر مكتوبة نسائية,لطميات حسينية نسائية مكتوبة,ديوان لطميات مكتوبة نسائية,
خروج الضعون من المدينه
اول محرم
لطميه مربعه
::::::::::;;;:;:::::::::::::::::::::::
ام عون كومي بالعجل
ولكربلا ممشانه
نريد نطلع بالضعن وانريدج انتي ويانه
عباس للحره اجه
ولبت علي بدمعه اتجه
يمها كعد كله رجه
هام الكلب بأحزانه
ياخويه كومي للضعن
نريد نترك هالوطن
ومحلفه بجاه الحسن
امشي يخويه ويانه
العيله تنطر يم خدر
انه كفيلج يم طهر
لحسين نفديه العمر
وتكله انه حيرانه
اتكله اخاف من السفر
خايفه عليكم يالكمر
دلالي مايحمل كدر
عليكم اضل عميانه
عله حسين روحي خايفه
وتاليها ارد مجتفه
يانور وجهه لوطفه
للموت اضل حزنانه
ام زينب السعداوي
لطميه وصية الحسين لام البنين بفاطمه العليله ع
شكال حسين من حمل بالاضعون
وصه ام البنين وتجري العيون
............
رد ليها ونده يم المحنه
ظلت فاطمه تبجي بنزلنه
تون وذوبت بالون كلبنه
من صاحت يابويه لاتبعدون
..........
لوصار العصر عينج عليها
أمسحي دموعها وسكتي بجيها
تراهي ناحله ولاحيل بيها
مريضه وشافت اخوتها يحملون
..........
اذا يمج شكت من نار الفراك
وتكلج لبوي الكلب مشتاك
حنيت عله شوفه والنفس ضاك
عزيز حسين كولي بفركته شلون
.............
يم عباس اذا طول غيابي
وعليه فاطمه ودت عتابي
انه بعيد وماتسمع جوابي
تضل مناطره طروش اليمرون
............
يكلها لو صل علمي ولفاها
وسمعت موتنه وكطعت رجاها
مسحي دموعها وسكتي بجاها
تضل بتكم امانه ولاتحسبون
.✍ام زينب كربلاء
نزله لمسلم بن عقيل ع
*
يامسلم زلزلهه الكوفه
انزل صولاتك معروفه
**
طوعه اتهلهل شدت حيله
واكباله اليوكف ياويله
لو زمجر ياكاع اتشيله
تتراجف كلهه من الخوفه
***
سيفك ميثني بضرباته
مثل الكرار وترباته
جنك عباس وصولاته
بالطف من اصبح سالوفه
***
نار الشبت بين ضلوعه
كل همه حسين وموضوعه
يتلفت من كلهه لطوعه
آخر مره الليله تشوفه
****
اهجم عالكوم الغداره
يامسلم دمعك يتجاره
لسبط الهادي العاف دياره
نار الدمعات المذروفه
****
واحد مسلم ماكدروله
جندل فرسان ومكروله
فكرو بالكاع يحفروله
وبحبال يجروهه جفوفه
***
لبن زياد بقصر الظالم
مابايع كال ولاسالم
ماانذل وجدي هاشم
مثل حسين بيوم طفوفه
***
من عالي القصر يشمرونه
اهله ابعاد وماحضرونه
بالغربه لجسمه يسحلونه
وسوك الكوفه بدمه يطوفه
****
أم علي
فـزاعـيـة وهـوسـة لـفـاطـمـة الـعـلـيـلـة ( ع)(مـشـدوده الـمـحـامـل)
✿※❥※❥✦
مشدوده المحامل وين يردون
مـتعـنـيه الـمنـايـه ولا يهابـون
✿※❥※❥✦
مـاهابـوا مـنـايه اهـلي اسباع
مـن صـولاتـهـم تـزلـزل الـگـاع
مـا رايـده اوياهم ذاك الوداع
هيبه ومرجله بفرگتهم اشلون
( يجيبونه.... الحگ لو ضاع )
✿※❥※❥✦
شلون ابفرگت احبابي الطيبين
وبـعينـي اصــد ليـهـم امحملين
لـديـار البلايه اضـعـون ماشين
ومن هذا السفر ماظن يسلمون
( ايبچوهه.... ناوين اعيوني )
✿※❥※❥✦
يـسلمـون وتـرد بيـهـم الايام
ودلالـي عـلـيهـم خـزن الالام
دولاب الزمن يرميني بسهام
عميه ولاشفت هودج يخلون
( ايشيلونه .... وياهم حيلي)
✿※❥※❥✦
يتركون الـنـزل والـذكره وياي
وگعدتهم تگطع گامت احشاي
اهـنه يگـعد الغالي نظر عيناي
ابـويـه الفـييتـه امغـيم الكون
( يحرگونه .... دلالي اعليه)
✿※❥※❥✦
امـغيـم الكون ويايه وعليه عتبي
يحاچيني الحنين اوفطره الگلبي
يـصـبرنـي ويگـلـي للـنـزل طـبـي
اودي اطروش الچ بويه ايتعنون
( يخلوني ... معلوله اشلون )
✿※❥※❥✦
تمت والحمدلله ✍🏻 خادمة أم أبيها الشاعرة أم علي الحلفي
فزاعيه للعليله عليها السلام
الدار اخلاف اهلها اتنوح حزنانه
شال الشيداهه وغلگ بيبانه
.....
.....
الدار اخلافكم وحشه وتبچيني
ومن انضرها يهلي ضلمه تعميني
وحدي بل المنازل من يواسيني
متعوبه ومريضه ابگيت حيرانه
.......
.....
الله ايعين گلبي الفارگ احبابه
شال حسين ابوي ومنغلگ بابه
ضلمه اديارهم والدمعه سچابه
وروحي من مرار البين تعبانه
......
.....
تعبانه واجرن جدمي بلگوه
وروحي من المرض كلساع لن تهوه
ياناس المريض ايريدله سلوه
مو ينعاف وحده وعينه سهرانه
.......
......
مهضوم الگلب للحملو عني
اعتب عل الحبايب ليش عافني
مريضه ومايجن ليه ويبارني
عافني الحبايب وانه نحلانه
.....
......
سدن بابهن كلهن سوه وشالن
عدنه لن مريضه ليش ماگالن
ادموعي من الحزن مثل الجمر سالن
افراگ ويه المرض خلاني دوهانه
.......
.......
وين اليوصل اهلي وياخذ اكتابي
ويگلهم جزع صبري يغيابي
هم يرجع ضعنهم يوگف ابابي
لو اگطع الضنه الموت بعدانه
.......
ام عمار العيساويه
لسان حال مولاتي العليلة ع
يعيد شبيك بابي لاتدگة
لسة علة اهلي بية حرگة
بعد ويا الاودهم ماكو ملگة
ماريدن افرح بيك ياعيد
والغالي عني رايح ابعيد
شيصبر الگلب ياناس وايهيد
الثوب الاسود مانزعتة
ولاذاك الفرح ياناس شفتة
تدرون الابو غالي اعلة بتة
انة فگدت الدللاني
لكربلة راح ومالفاني
بس خبر موتة اجاني
گلولي نام اعلة الترايب
وعيالة من بعدة غرايب
الدهر شابعنة مصايب
راح الاعيد وياه كل عام
واشبعت ظيم وشفت الالام
الگلبة حنين اعلة الترب نام
*بقلم✍خادمة تراب الزهراء(ع) الكربلائية فاطمة علي صالح الحلفي
نوحية للعليلة عليها السلام
اصيح بصوت تانوني الحك اوياكم
يهل ماشين مالي حيل فركاكم
🩸🩸🩸
اصيح ابصوت تانوني يهل ماشين
عليلة ضلت الكم وانتم امغربين
ما يبطل بعد وني ودموع العين
بويه حسين مني الصوت ناداكم
🩸🩸🩸
اناديكم حزينه ومن كلب مفجوع
عليلتكم بكت بالمرض بس اتلوع
يل ماخذ هلك وياك جمع اجموع
اضل ليلي ونهاري دوم انعاكم
🩸🩸🩸
عفتوني عليله المرض نحلني
فركاكم يبويه حسين لوعني
ابدار الغرب ماهي امناسبة اتذبني
خيعونه يبويه اليسكن احذاكم
🩸🩸🩸
شلت يابوي ليش ومنشدت بيه
ولا كلتو بكت بالدار الابنيه
تركتوني يبويه ابغير حنيه
بعد يابوي كلي وين انه ارجاكم
🩸🩸🩸
يبوين افراككم يصعب يبويه حسين
من شلتو تركتوني تهل العين
يل شلتو دكولو الياكتر ناوين
بعد هيهات يابويه انه الكاكم
🩸🩸🩸
مريضه ابدار غربه الاهل خلوني
ثكل مرضي عليه ابيوم عافوني
لتبطلن عليهم هلن اعيوني
اضل دوم ابحسرتي يا هلي انعاكم
🩸🩸🩸
*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
قصيده للهلال
ــ❁ــ❁ــ❁ــ
ياشهر المصايب لاتعذبني
اخافن بيك تتذبح خوال ابني
ــ❁ــ❁ــ❁ــ
ياشهر المصايب جايني بلوعه
تريد تخلي زينب بعد مفجوعه
نشدت حسين عنك هلن ادموعه
چنه يگول بيامك يفارگني
ياشهر المصايب لاتعذبني
ــ❁ــ❁ــ❁ــ
ياعاشور شنهو البيك يجرالي
گلبي يلوج منك عذبت حالي
اشوفه يجر صفنته وحاير الوالي
اضن حسبه بدليله ومايعلمني
ياشهر المصايب لاتعذبني
ــ❁ــ❁ــ❁ــ
انشده شبيك خويه وينضر بعيني
يصبرني شويه لو يسليني
راح لكربله الوالي يوديني
بس هاليوم باجر يرتحل ضعني
ياشهر المصايب لا تعذبني
ــ❁ــ❁ــ❁ــ
چنه اعله السفر ناوي ابواليمه
يگصد للطفوف وينهدر دمه
لبن امي يروحي اليوم متالمه
شفت حسين حيران وكثر وني
ياشهر المصايب لا تعذبني
ــ❁ــ❁ــ❁ــ
هل شهر المصيبه وانخطف لوني
شفت حسين يمي وهلن اعيوني
اخافن لو مشينه العده يهضموني
وانه مدلله والهضمه تلچمني
ياشهر المصايب لا تعذبني
ــ❁ــ❁ــ❁ــ
بقلم خادمة اهل البيت ـ ع ـ
الشاعره المله نورس الحلفي
فزاعيه للسيده زينب عليها السلام
لأرض الشام خل أنروح
وندگ أعله هامتنه
❥━──➸➽❥💔❥━──➸➽❥💔
خل أنروح لأرض الشام
ولبت حيدر الضرغام
وأترف بيدنه الأعلام
وأنهل دمه دمعتنه
❥━──➸➽❥💔❥━──➸➽❥💔
أنهل أدموعنه أعليهه
وأسكينه نواسيهه
ويوم أم طهر ماذيهه
وأنعليهه صرختنه
❥━──➸➽❥💔❥━──➸➽❥💔
كلنه أم عون شيعتهه
وأنـوح الـــمصيبتهه
ونلطم وسط حضرتهه
أو ما تبطل عزيتنه
❥━──➸➽❥💔❥━──➸➽❥💔
أمصاب المشت ماذينه
ويكلف يومهه أعلينه
جمره أو ما طفت بينه
ويا أعظم مصيبتنه
❥━──➸➽❥💔❥━──➸➽❥💔
بالغربه حضرهه الموت
وجابلهه منو التابوت
وما گام البطل زاتوت
أو ما شيع أحبيبتنه
❥━──➸➽❥💔❥━──➸➽❥💔
*لخادمة الأمام الحسين 《ع》*
*الشاعرة ✍ نشوان الكناني*
فزاعيه لزهراء معازات لزينب ع
اليلة ويزينب نون
عالحملت مصيوبه
................
ننصب عزانه عليها
ودمعة حزن نجريها
بيوم امها انعازيها
ياونت المهيوبه
..............
اليوم نبجي وياها
يوم الحنينه اذاها
وأم الحسن ننعاها
بدموعنه المسجوبه
..............
زينب تجر وناتها
كامت تهل دمعاتها
جاوين المعزياتها
ونن عله المنكوبه
..............
ونن عله امي بدمع
صيحن يمكسورة ضلع
احاه يكلبي المنفجع
وناري غدت منشوبه
.............
وياي وين الي تون
والابسه هدوم الحزن
كل الدموع الي جرن
عد ام حسن محسوبه
✍ام زينب كربلاء
شده للسيده سكينه ع
*
يبو السجاد سكنه ما تشيعوهه
عزيزه كلبك الليله يدفنوهه
**
سكنه ماتت ودمعاتهه بالعين
تذكر بالغرب مذبوح ابوهه حسين
والعباس عمهه امكطعه الجفين
وين اعمامهه الليله يحضروهه
***
بتك ياغريب ابلا اهل ظلت
يوميه مناحه ونوح ماملت
تذكر كربله ولشوفتك حنت
تعالو للمدينه اليوم ودعوهه
***
ظلت عينهه مشبوحه صوب الباب
تعالج بالمنيه ورادت الاحباب
ولو ساعه يجوهه اتمنت الغياب
تعالو ياأهلهه العين غمضوهه
***
مشتاكه تشوف اخوانهه الليله
لعبد الله تذكره من تلوليله
لعلي الاكبر تون وناتهه اثكيله
وللسجاد حنت لا تلوموهه
***
خوات تريد سكنه بغربه ياهالناس
باحضان العليله اتوسده للراس
وتشم ريحة رقيه بآخر الانفاس
صفيه وخوله ماحضرن يجبلوهه
**
زينب وين عنهه ماتواسيهه
والعباس عمهه ماحضر ليهه
مجروح الكلب ياهو اليداويهه
بهيده بالنعش لا لا تلجموهه
**
أم علي
قصيده لدار الحسين عليه السلام
الرجوع للمدينه
تقرأ مربعه ثقيله بحر طويل
===========
وين اهلج يدار حسين
جيت بحرگه انشدنچ
راحو كل هلچ يادار
ظلمه اليوم اشوفنچ
===========
وين اهلچ صفو ياصوب
يدار اهلي دحاچيني
اشوفچ ظلمه وتونين
وترابچ عمه عيني
تعاي اتگابل انه وياچ
دمعاتچ على ونيني
خل نبچي ونون ونوح
علضل علثرى مطروح
بحزن رديت اخبرنچ
ظلمه اليوم اشوفنچ
🏚🏚🏚🏚🏚
راحو كل هلچ يادار
ورديت بحزن والالام
المصيبه المرت علينه
ماصارت على الاسلام
واليبچي دمع من دم
على احبابه فلا ينلام
عفتهم علثرى امذابيح
بلحاياهم يذّري الريح
راحو كل هلي منچ
ظلمه اليوم اشوفنچ
🏚🏚🏚🏚🏚
اخبرنچ يادار حسين
بعد مايرجع الوالي
عفته علرمل مذبوح
ورديت بحزن حالي
حالي مايسر يادار
شحال التدفن الغالي
دفنت الغالي بلتربان
ورديت بدمع وحزان
وني وارد اسمعنچ
ظلمه اليوم اشوفنچ
🏚🏚🏚🏚🏚
ظلمه اليوم اشوفنچ
منج ونطفت لنوار
وين حسين والعباس
وين الچان ضاوي الدار
اجيتچ وحدي منكوبه
وبگلبي تشب النار
منكوبه وبلا وليان
راحو كل هلي لحنان
تضوي بعد ماضنچ
ظلمه اليوم اشوفنچ
🏚🏚🏚🏚🏚
جيتچ بس يتامه وياي
ضلو اهلي علغبره
جيتچ فاگده الوليان وبگلبي الف عبره
وفراك الولي چتال گلبي شلون شيصبره
جاز الصبر وتعده
يدار وشدتي شده
ماترضين اعوفنچ
ظلمه اليوم اشوفنچ
===========
خادمة ال البيت الحجيه ام علي البصره
لطميه عن لسان السيده زينب عليها السلام
مر لفراگ ما ينطاگ تدرون
حنضل عالگلب ويبچي العيون
❥━──➸➽❥❂❥━──➸➽❥❂
مر لفراگ يا ناس أشيجرعه
ومن عنده الگلب مصدوع صدعه
وعيني أعله المشو تهمل الدمعه
الناموا عالرمل لا ما يگعدون
❥━──➸➽❥❂❥━──➸➽❥❂
عليهم ما بطل وني ولا هاد
وگطعيت الشرب هاليوم والزاد
أو نيران الهجر تحرگ بالفاد
ومن گد الطم توجعني الأمتون
❥━──➸➽❥❂❥━──➸➽❥❂
لا ميفيد كل أبچاي والنوح
وخلصت من مرار البين هلروح
أخوي أگبال عيني راسه مذبوح
وشالوه علرمح للشام يمشون
❥━──➸➽❥❂❥━──➸➽❥❂
خلصت وي أخوي العشره ياناس
بعد ماشوف عينه وعين عباس
وطگاني الدهر چم طگه عالراس
اليوم أمضيعه خال الولد عون
❥━──➸➽❥❂❥━──➸➽❥❂
ولهانه يخويه كلش أعليك
ومالي روح أرد وأهنانه أخليك
يا راعي الشيم لتراب غاطيك
وأطفالك عله فرگاك يبچون
❥━──➸➽❥❂❥━──➸➽❥❂
*لخادمة الأمام الحسين 《ع》*
*الشاعرة ✍ نشوان الكناني*
#قصيده_للسيده_سكينه
تقره بطور الجنوبي
#المستهل👇🏻👇🏻
ومن سار الضعن وكعت امن الناكه
اسكينه تريد ابوها اوياه تتلاكه
•───✧◐🕊🌻🕊◐✧───•
طاحت من على الناكه الهزيله
تريد حسين ابوها وتشتكيله
على الصار وجره بيها وذليله
بالصار اوياها تحجيله
•───✧◐🕊🌻🕊◐✧───•
تحجي عالسياط الألمنها
واحبال البديها ورمنها
تشكي حالها وزيّدت ونها
تاليهه تطيح امن الناكه
•───✧◐🕊🌻🕊◐✧───•
من الناكه سكينه اليوم طاحت
لرض الشام ويه الضعن راحت
بونته يبويه حسين صاحت
بنتك هظموها الحك ليها
•───✧◐🕊🌻🕊◐✧───•
هظموها البنيه عكب اهاليها
من فوك النياك تطيح تاليها
بليل اظلم وزينب تنشد اعليها
واليل اظلم وين الكاها
•───✧◐🕊🌻🕊◐✧───•
وين الكه البنيه بظلمة اليل
ياسجاد عمه مهدم الحيل
حرمه وكلفوني بالمداليل
اكعد لبنيتك يالوالي
•───✧◐🕊🌻🕊◐✧───•
بقلم المله والشاعره ام علي الأماره
قصيده للسيده رقيه عليها السلام
أتون عله المذبوح هاي المسيه
ياعمه وين حسين تسئل رقيه
❥━──➸➽❥❂❥━──➸➽❥❂
يا عمه وين حسين شو ما أشوفه
مجروح گلبي أعليه وجرحه شيروفه
عايفني وأنه اليوم ما أريد أعوفه
والوالي دومه چان يسئل عليه
❥━──➸➽❥❂❥━──➸➽❥❂
يا عمه سافر وين طول سفرته
خلاهه ويه الگوم مهضومه بنته
تمنيته هسه وياي يا عمه ردته
وأمروعيني أعداه ما يدري بيه
❥━──➸➽❥❂❥━──➸➽❥❂
وياي أبوي حسين ردته أنه موجود
وأكشفله متني اليوم وأكشفله الأخدود
والوالي ذخر أو دوم لبنيته مريود
گص الحبل يا حيف چفين أديه
❥━──➸➽❥❂❥━──➸➽❥❂
أذكر گبل شهرين لفني بعباته
وخلالي حضنه أفراش أنه وبناته
هم يدري هسه شصار سلبوا خواته
حملن هموم وضيم فوگ الرزيه
❥━──➸➽❥❂❥━──➸➽❥❂
أتمنه أشوفه أبطيف وأشكيله حالي
متكفي ليله وياه أسهر ليالي
حگي أمنگولن هيچ والدنه غالي
فارگني وتمنيت تلفي المنيه
❥━──➸➽❥❂❥━──➸➽❥❂
*لخادمة الأمام الحسين 《ع》*
*الشاعرة ✍ نشوان الكناني*